തിരുവനന്തപുരം:കടുത്ത ചൂടിൽ കഴിയുന്ന കേരളത്തിന് ആശ്വാസമായി വേനൽ മഴ. സംസ്ഥാനത്തുടനീളം ചെറിയ തോതിൽ മഴ ലഭിച്ചപ്പോൾ തലസ്ഥാനത്ത് ഏകദേശം ഒരു മണിക്കൂറോളം കനത്ത മഴ പെയ്തു. വരും മണിക്കൂറുകളിൽ വേനൽ മഴ കൂടുതൽ സജീവമാകുമെന്നാണ് കാലാവസ്ഥാ വകുപ്പ് അറിയിച്ചിരിക്കുന്നത്.

6 ജില്ലകളിൽ ഇടിമിന്നലോടുകൂടിയ മഴക്ക് സാധ്യത

കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ് പ്രകാരം, അടുത്ത 3 മണിക്കൂറിൽ തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി ജില്ലകളിൽ ഇടിമിന്നലോടുകൂടിയ മഴക്കും മണിക്കൂറിൽ 40 കിലോമീറ്റർ വരെ വേഗതയുള്ള കാറ്റിനും സാധ്യത. കൂടാതെ, എറണാകുളം, മലപ്പുറം ജില്ലകളിൽ നേരിയ മഴയ്ക്ക് സാധ്യതയുണ്ട്.

 യെല്ലോ അലർട്ട്

നാളെ മുതൽ സംസ്ഥാനത്ത് വ്യാപകമായ വേനൽ മഴയ്ക്ക് സാധ്യതയുള്ളതിനാൽ നിരവധി ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്.
- ഏപ്രിൽ 2: എറണാകുളം, പാലക്കാട്, വയനാട്
- ഏപ്രിൽ 3: പത്തനംതിട്ട, ഇടുക്കി, എറണാകുളം, തൃശ്ശൂർ, പാലക്കാട്, മലപ്പുറം, വയനാട്
- ഏപ്രിൽ 4: പാലക്കാട്, മലപ്പുറം, വയനാട്
- ഏപ്രിൽ 5: പത്തനംതിട്ട, ഇടുക്കി, എറണാകുളം, പാലക്കാട്, വയനാട്

24 മണിക്കൂറിനുള്ളിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിക്കാനാണ് സാധ്യത, അതിനാൽ അതീവ പാലിക്കണമെന്ന് കാലാവസ്ഥാ വകുപ്പ് നിർദേശിച്ചു.

Kerala received relief from the scorching heat as summer rains lashed the capital for an hour. The IMD predicts thunderstorms in the next three hours across Thiruvananthapuram, Kollam, Pathanamthitta, Alappuzha, Kottayam, and Idukki, with gusty winds up to 40 km/h.Yellow alerts have been issued in multiple districts for the coming days, with heavy rainfall (64.5mm–115.5mm in 24 hrs) expected.