കൊച്ചി: കേരളത്തില്‍ ഇന്ന് സ്വര്‍ണ വില ഇന്ന് വര്‍ധിച്ചിരിക്കുന്നു.  സ്വര്‍ണവിലയില്‍ കഴിഞ്ഞ ദിവസമുണ്ടായ ഇടിവ് സ്വര്‍ണം വാങ്ങാന്‍ ആഗ്രഹിക്കുന്നവര്‍ക്ക് വലിയ ആശ്വാസമാണ് നല്‍കിയിരുന്നത്. വിവാഹ പാര്‍ട്ടിക്കാര്‍ക്ക് പ്രത്യേകിച്ചും. സ്വര്‍ണ വില 10 ഗ്രാമിന് ഏകദേശം 9000 രൂപയുടെ കുറവാണ് ഉണ്ടായിരുന്നത്. മൂന്നാഴ്ച മുമ്പ് വരെ, പത്ത് ഗ്രാമിന് ഏകദേശം 1,00,000 രൂപയായിരുന്നു വില.

സമീപ കാലത്ത് ഇത്ര വലിയ ഇടിവ് ഉണ്ടായിട്ടില്ലെന്നാണ് വ്യാപാരികള്‍ പറയുഞ്ഞത്. വരും ദിവസങ്ങളിലും വില കുറയാനാണ് സാധ്യതയെന്നും വ്യാപാരികള്‍ ചൂണ്ടിക്കാട്ടിയിരുന്നു. 

മെയ് മാസത്തില്‍ രേഖപ്പെടുത്തിയ ഏറ്റവും കുറഞ്ഞ വിലയിലായിരുന്നു ഇന്നലത്തെ സ്വര്‍ണ വില്‍പ്പന. ഏറെ നാളുകള്‍ക്ക് ശേഷമാണ് കഴിഞ്ഞ ദിവസം പവന്‍ വില 70000ത്തിന് താഴേക്ക് എത്തിയത്. 

ഇന്നത്തെ വില അറിയാം
69,760 രൂപയാണ് കേരളത്തില്‍ 22 കാരറ്റ് ഒരു പവന്‍ സ്വര്‍ണത്തിന്റെ വില. ഇന്ന് 880 രൂപയാണ് ഒരു പവന്‍ സ്വര്‍ണത്തിന് കൂടിയത്. ഗ്രാമിന് 110 രൂപ കൂടി 8,720 ആയി. 

വിലവിവരം നോക്കാം

22കാരറ്റ്
ഒരു ഗ്രാം കുറഞ്ഞത് 195 രൂപ, ഗ്രാം വില 8,610
പവന്‍ കുറഞ്ഞത് 1,560 രൂപ, പവന്‍ വില 68,880

24 കാരറ്റ്
ഒരു ഗ്രാം കൂടിയത് 120 രൂപ, ഗ്രാം വില 9,513
പവന്‍ കൂടിയത് 960 രൂപ, പവന്‍ വില 76,104 രൂപ

18 കാരറ്റ്
ഒരു ഗ്രാം കൂടിയത് 90 രൂപ, ഗ്രാം വില 7,135
പവന്‍ വര്‍ധന 720 രൂപ, പവന്‍ വില 57,080

65000 രൂപയിലേക്ക് എത്തുമോ?
അതേസമയം, വില ഇനിയും കുറയുമെന്ന് തന്നെയാണ് നിരീക്ഷകര്‍ ചൂണ്ടിക്കാട്ടുന്നത്. 73040 രൂപയായിരുന്നു ഈ മാസം കേരളത്തില്‍ രേഖപ്പെടുത്തിയ ഏറ്റവും കൂടിയ സ്വര്‍ണവില. 4160 രൂപയുടെ കുറവാണ് കഴിഞ്ഞ ദിവസത്തേതനുസരിച്ച് ഉണ്ടായത്. അതായത്, വില കുറഞ്ഞ സമയത്ത് സ്വര്‍ണം വാങ്ങുകയോ ബുക്ക് ചെയ്യുകയോ ചെയ്യുന്നവര്‍ക്ക് ചുരുങ്ങിയത് അത്രയും രൂപയുടെ ലാഭമുണ്ടാകും. കഴിഞ്ഞ ദിവസത്തെ വിപണി സാഹചര്യമാണ് നിലനില്‍ക്കുന്നതെങ്കില്‍ ആഗോള സ്വര്‍ണവില 2950 ഡോളറിലേക്ക് എത്തുമെന്നും സൂചനയുണ്ട്. അങ്ങനെ സംഭവിച്ചാല്‍ കേരളത്തില്‍ പവന്‍ വില 65000ത്തിലേക്ക് എത്തുമെന്നും വിദഗ്ധര്‍ പ്രതീക്ഷ പ്രകടിപ്പിക്കുന്നു.