കുവൈത്ത് സിറ്റി: എച്ച്‌ഐവി പരിശോധനയില്‍ വ്യക്തതയില്ലാത്ത റെസിഡന്‍സി അപേക്ഷകരെയും പുതുതായി  എത്തുന്നവരെയും രാജ്യത്തേക്ക് പ്രവേശിക്കുന്നത് വിലക്കി കുവൈത്ത്. കുവൈത്ത് ആരോഗ്യ മന്ത്രി ഡോ. അഹമ്മദ് അല്‍അവാദി നിര്‍ദ്ദേശം പുറപ്പെടുവിച്ചത്. അത്തരം വ്യക്തികളെ വൈദ്യശാസ്ത്രപരമായി അയോഗ്യരായി തരംതിരിക്കും.

ഈ കേസുകളില്‍ എച്ച്‌ഐവി നില സ്ഥിരീകരിക്കുന്നതിന് പിസിആര്‍ പരിശോധന ഒരു ബദലായി ഉപയോഗിക്കാന്‍ കഴിയില്ലെന്ന് ആരോഗ്യ മന്ത്രാലയം വ്യക്തമാക്കി. പകരം, അന്തിമ യോഗ്യത നിര്‍ണ്ണയിക്കാന്‍ വ്യക്തികള്‍ രണ്ട് അധിക ആന്റിബോഡി പരിശോധനകള്‍ക്കും രണ്ട് പിസിആര്‍ പരിശോധനകള്‍ക്കും വിധേയരാകണം.

പൊതുജനാരോഗ്യം ഒരു മുന്‍ഗണനാ വിഷയമായി തുടരുന്നുവെന്നും സമൂഹത്തെ സംരക്ഷിക്കുന്നതിനും മെഡിക്കല്‍ കൃത്യത ഉറപ്പാക്കുന്നതിനുമായി എല്ലാ പരിശോധനകളും കര്‍ശനമായി പാലിക്കണമെന്ന് മന്ത്രാലയം പറഞ്ഞു.

Kuwait has implemented stricter health regulations, denying visas to expatriates whose HIV test results are unclear. This new policy marks a significant setback for job seekers and residents planning to enter the country.