പാലക്കാട്: ഷൊർണ്ണൂരിൽ സ്‌കൂൾ വിദ്യാർത്ഥികൾക്ക് മദ്യം വാങ്ങിനൽകിയ സംഭവത്തിൽ കൂനത്തറ സ്വദേശി ക്രിസ്റ്റി (20)യെ പൊലീസ് കസ്റ്റഡിയിലെടുത്തു. പ്രായപൂർത്തിയാകാത്തവർക്ക് മദ്യം നൽകിയ കേസിലാണ് കേസെടുത്തിരിക്കുന്നത്.

സംഭവം രണ്ടുദിവസം മുമ്പ് നടന്നതാണ്. 15 വയസ്സുള്ള രണ്ട് വിദ്യാർത്ഥികൾക്ക് ക്രിസ്റ്റി മദ്യം വാങ്ങി നൽകി. എന്നാൽ മദ്യം എങ്ങനെ ഉപയോഗിക്കണമെന്നറിയില്ലായിരുന്നതിനാൽ, വെള്ളം ചേർക്കാതെയായിരുന്നു കുട്ടികൾ കുടിച്ചത്. പിന്നാലെ ഇരുവരും ഛർദിക്കുകയും ആരോഗ്യപ്രശ്‌നങ്ങൾ അനുഭവപ്പെടുകയും ചെയ്തു.

അവശനിലയിൽ കണ്ട നാട്ടുകാരാണ് വിവരം പൊലീസിൽ അറിയിച്ചത്. പൊലീസ് എത്തി വിദ്യാർത്ഥികളെ ആശുപത്രിയിൽ പ്രവേശിപ്പിച്ചു. തുടർന്ന് നടത്തിയ അന്വേഷണത്തിലാണ് ക്രിസ്റ്റിയാണ് വിദ്യാർത്ഥികൾക്ക് മധ്യം വാങ്ങി നൽകിയതെന്ന് വ്യക്തമായത്. വിദ്യാർത്ഥികൾ ഇയാളുടെ സുഹൃത്തുക്കളാണ്. സംഭവവുമായി ബന്ധപ്പെട്ട് കൂടുതൽ അന്വേഷണം തുടരുകയാണെന്ന് പൊലീസ് അറിയിച്ചു.

Two 15-year-old school students in Shoranur fell critically ill after consuming alcohol without dilution. The liquor was purchased for them by 20-year-old Kunathara native Christy, who has been taken into police custody. Locals alerted the police after finding the students in distress, and they were hospitalized. Further investigation is underway.