തിരുവന്തപുരം: വർക്കലയിൽ ഉത്സവം കണ്ട് മടങ്ങുന്ന സമയത്ത് അമ്മയും മകളും അപകടത്തിൽ മരിച്ച സംഭവത്തിൽ ഒളിവിൽ ആയിരുന്നു പ്രതി കീഴടങ്ങി. സംഭവത്തിൽ പേരേറ്റിൽ സ്വദേശിയായ ടോണി പെരേരയാണ് പൊലിസിൽ കീഴടങ്ങിയത്.

ഇന്ന് വൈകുന്നേരം ആറ് മണിയോടു കൂടിയാണ് പ്രതി കല്ലമ്പലം പൊലിസിൽ കീഴടങ്ങിയത്. പ്രതിയെ വൈദ്യ പരിശോധനക്ക് ശേഷം നാളെ കോടതിയിൽ ഹാജരാക്കുമെന്ന് പൊലിസ് വ്യക്തമാക്കി. കഴിഞ്ഞ ഞായറാഴ്ച്ചയായിരുന്നു ഉത്സവം കണ്ട് മടങ്ങിയ അമ്മയും മകളും വാഹനമിടിച്ച് മരണപ്പെട്ടത്. 

അപകടത്തിൽ വർക്കല സ്വദേശികളായ രോഹിണി(56) മകൾ അഖില(21) എന്നിവരാണ് മരണപ്പെട്ടത്. അമിത വേഗതയിൽ എത്തിയ വാഹനം സ്കൂട്ടിയെ ഇടിപ്പിച്ചു തെറിപ്പിച്ച് നിർത്തിയിട്ട കാറിൽ ഇടിച്ച ശേഷം വാഹനം ജനക്കൂട്ടത്തിലേക്ക് ഇടിച്ചു കയറുകയായിരുന്നു. മാർച്ച് 30ന് രാത്രിയാണ് അപകടം സംഭവിച്ചത്. 

The absconding accused in the incident in which a mother and daughter who were returning from a festival in Varkala were killed in a car accident has been captured