തിരുവനന്തപുരം:വിഷുവിന് മുന്നോടിയായി ക്ഷേമ പെൻഷനായി ഒരു ഗഡു കൂടി അനുവദിച്ച് സംസ്ഥാന സർക്കാർ. അടുത്ത ആഴ്ച മുതലാണ് ക്ഷേമ പെൻഷനിന്റെ വിതരണം നടക്കുക. ഇതിനായി 820 കോടി തുക അനുവദിച്ചുവെന്നാണ് ധനമത്രി കെഎൻ ബാലഗോപാൽ അറിയിച്ചത്. സാമൂഹ്യ സുരക്ഷ ക്ഷേമനിധി പെൻഷൻ ഗുണഭോക്താക്കൾക്ക് ഏപ്രിൽ മാസത്തെ പെൻഷൻ ആണ് വിഷുവിന് മുമ്പായി വിതരണം നടത്തുന്നത്. 

പെൻഷന്റെ ഭാഗമായി 62 ലക്ഷത്തോളം ആളുകൾക്ക് 1600 രൂപ വീതമാണ് ലഭിക്കുക. അടുത്ത ആഴ്ച മുതലാണ് പെൻഷൻ ലഭിച്ചു തുടങ്ങുക. വിഷുവിന് മുമ്പായി മുഴുവൻ ആളുകൾക്കും പെൻഷൻ ലഭ്യമായെന്ന് ഉറപ്പാക്കണമെന്നും കെഎൻ ബാലഗോപാൽ നിർദേശം നൽകി.

26 ലക്ഷത്തിൽ അധികം ആളുകൾക്ക് ബാങ്ക് അക്കൗണ്ടിലൂടെയാണ് പെൻഷൻ തുക എത്തുക. ബാക്കിയുള്ള ആളുകൾക്ക് സഹകരണ ബാങ്കുകൾ വഴിയിലൂടെ വീട്ടിലെത്തിക്കൊണ്ട് പെൻഷൻ തുക കൈമാറും. 

Welfare pension before Vishu State government grants one more installment