ദുബൈ: സെൻട്രൽ ബോർഡ് ഓഫ് സെക്കണ്ടറി എഡ്യൂക്കേഷൻ (CBSE) പ്രഖ്യാപിച്ച പത്താം ക്ലാസിലെ ഡ്യുവൽ എക്സാം നയത്തിന്റെ ഭാ​ഗമായി 2026 മുതൽ യുഎഇയിലെ സിബിഎസ്ഇ സ്കൂളുകളിൽ പ്ലസ് വൺ ക്ലാസിന്റെ അക്കാദമിക വർഷം ക്രമീകരിക്കേണ്ടി വരുമെന്നാണ് പ്രതീക്ഷിക്കുന്നത്. 

കഴിഞ്ഞ ആഴ്ച 2025-26 അക്കാദമിക വർഷത്തെ പത്താം ക്ലാസ്, പ്ലസ് ടു സിലബസ് സിബിഎസ്ഇ പുറത്തിറക്കിയിരുന്നു. റിപ്പോർട്ടുകൾ പ്രകാരം, പുതുക്കിയ ഫ്രെയിംവർക്കിലെ ഒരു പ്രധാന മാറ്റം പത്താം ക്ലാസ് വിദ്യാർത്ഥികൾക്ക് വർഷത്തിൽ രണ്ടുതവണ ബോർഡ് പരീക്ഷകൾ നടത്താൻ തീരുമാനിച്ചു കൊണ്ടുള്ള ഡ്യുവൽ-എക്സാം സമ്പ്രദായമാണ്. ഒരു എക്സാം ഫെബ്രുവരിയിലും മറ്റൊന്ന് ഏപ്രിലിലും ആയിരിക്കും നടത്തുക. അക്കാദമിക സമ്മർദ്ദം കുറയ്ക്കാനും പരീക്ഷകളിൽ മികച്ച സ്കോർ കണ്ടെത്താനും ഇത് വിദ്യാർഥികളെ സഹായിക്കും. 

അതേസമയം, യുഎഇയിലെയും മറ്റ് ഗൾഫ് രാജ്യങ്ങളിലെയും സിബിഎസ്ഇ സ്കൂളുകൾ ഏപ്രിൽ മുതൽ മാർച്ച് വരെയുള്ള ഒരു അക്കാദമിക് കലണ്ടറാണ് പിന്തുടരുന്നത്. ഡ്യുവൽ എക്സാമിൽ പങ്കെടുക്കുന്നത് ഓപ്ഷണൽ ആണെങ്കിലും, ഡ്യുവൽ എക്സാം സംവിധാനം തിരഞ്ഞെടുക്കുന്ന എല്ലാ വിദ്യാർത്ഥികളും രണ്ടാം പരീക്ഷ പൂർത്തിയാക്കി, എല്ലാ പത്താം ക്ലാസ് വിദ്യാർത്ഥികളും പ്ലസ് വൺ ക്ലാസിലേക്ക് മാറാൻ തയ്യാറാകുന്നതുവരെ പ്ലസ് വൺ ക്ലാസുകൾ ആരംഭിക്കുന്നത് വൈകിപ്പിക്കാൻ പുതിയ നിയമം സ്കൂളുകളോട് ആവശ്യപ്പെടും.

Dubai: CBSE's newly announced dual-exam system for Class 10 is expected to reshape the academic calendar for Grade 11 in UAE schools starting 2026. The policy allows students to take board exams twice yearly (February/April), potentially delaying the next academic year's start while awaiting all results. Education leaders weigh in on the implications for Gulf-based CBSE institutions.