പത്തനംതിട്ട: പത്തനംതിട്ട വെണ്ണിക്കുളത്തുനിന്ന് 17 വയസ്സുള്ള പെൺകുട്ടിയെ കാണാനില്ലെന്ന് പരാതി. മധ്യപ്രദേശ് സ്വദേശിയായ ഗം​ഗാറാം റാവത്തിന്റെ മകൾ രോഷ്നി റാവത്തിനെയാണ് കാണാതായത്. ഗം​ഗാറാം വർഷങ്ങളായി കേരളത്തിൽ ജോലി ചെയ്യുകയും കുടുംബത്തോടൊപ്പം പത്തനംതിട്ടയിൽ താമസിക്കുകയും ചെയ്യുകയാണ്.

പെൺകുട്ടിയെ ഇന്നലെ (വ്യാഴാഴ്ച) രാവിലെ മുതൽ കാണാനില്ലെന്നും പൊലീസിൽ നൽകിയ പരാതിയിൽ കുടുംബം വ്യക്തമാക്കുന്നു. പ്ലസ് ടു പരീക്ഷ കഴിഞ്ഞ് ഫലത്തിനായി കാത്തിരിക്കുന്ന ഘട്ടത്തിലായിരുന്ന രോഷ്നി. കുട്ടിക്ക് ഹിന്ദി, മലയാളം, ഇംഗ്ലീഷ് എന്നീ ഭാഷകളിൽ ആശയവിനിമയം നടത്താൻ കഴിയും.

കാണാതാകുമ്പോൾ കറുപ്പിൽ വെളുത്ത കള്ളികളുള്ള ഷർട്ടും സാധാരണ തരം ഡ്രസുമാണ് കുട്ടി ധരിച്ചിരുന്നത്. തിരുവനന്തപുരത്തേക്കുള്ള ട്രെയിൻ കയറി പോയതായി സ്ഥിരീകരിക്കപ്പെടാത്ത റിപ്പോർട്ടുകൾ പുറത്ത് വന്നിട്ടുണ്ടെങ്കിലും അതിന് ഔദ്യോഗിക ഉറപ്പ് ലഭിച്ചിട്ടില്ല.

പെൺകുട്ടിയെ കുറിച്ച് എന്തെങ്കിലും വിവരം ലഭിച്ചാൽ  സമീപത്തെ പൊലിസ് സ്റ്റേഷനുമായി ബന്ധപ്പെടണമെന്നു പൊലീസ് അഭ്യർത്ഥിച്ചു. അന്വേഷണം ഊർജിതമാക്കിയതായി അധികൃതർ അറിയിച്ചു.

Pathanamthitta: A 17-year-old girl named Roshni Rawat has been reported missing from Vennikulam. Daughter of Madhya Pradesh native Gangaram Rawat, Roshni had been living with her family in Kerala for years. She was last seen on Thursday morning. A Plus Two student awaiting exam results, she speaks Hindi, English, and Malayalam.