ഷാർജ: വാഹനമോടിക്കുമ്പോൾ ഫോൺ ഉപയോ​ഗിക്കുന്നത് വലിയൊരു പ്രശ്നമാണ്. പലപ്പോഴും ഇത് വലിയ അപകടങ്ങൾക്ക് കാരണമാകാറുണ്ട്. പെട്ടെന്നുള്ള ലെയ്ൻ മാറ്റങ്ങൾ, റെഡ് സി​ഗ്നൽ ലംഘനം, വാഹനം കൂട്ടിയിടിക്കുക, ഹൈവേകളിലെ വേഗ‍ പരിധിക്ക് വളരെ താഴെ വാഹനമോടിക്കൽ തുടങ്ങി നിരവധി പ്രശ്നങ്ങൾക്ക് ഇത് കാരണമാകും. ഒരു നിമിഷത്തെ അശ്രദ്ധ പോലും ചിലപ്പോൾ ജീവൻ അപകടത്തിലാക്കും. നിരന്തരമായ ബോധവൽക്കരണ കാമ്പെയ്‌നുകളും ആവർത്തിച്ചുള്ള മുന്നറിയിപ്പുകളും ഉണ്ടായിരുന്നിട്ടും, യുഎഇയിൽ ഫോണുപയോ​ഗിച്ച് കൊണ്ട് വാഹനമോടിക്കുന്ന പ്രവണത നിലനിൽക്കുന്നുണ്ട്. ഇതിനുള്ള ഏറ്റവും വലിയ തെളിവാണ് 2024ൽ മാത്രം വാഹനമോടിക്കുമ്പോൾ മൊബൈൽ ഫോൺ ഉപയോഗിച്ചതിന് 648,631 കേസുകൾ ആഭ്യന്തര മന്ത്രാലയം രേഖപ്പെടുത്തിയത്. 'ഫോണില്ലാതെ വാഹനമോടിക്കൽ' എന്ന പ്രമേയത്തിൽ തിങ്കളാഴ്ച (14/04/2025) ആരംഭിക്കുന്ന ഏകീകൃത ഗൾഫ് ട്രാഫിക് വാരത്തിന് മുന്നോടിയായാണ് ഈ കണക്കുകൾ പുറത്തുവിട്ടത്.

ഫോൺ ഉപയോ​ഗിച്ചുകൊണ്ട് അശ്രദ്ധമായി വാഹനമോടിക്കുന്നവരെ ട്രാഫിക് പട്രോളിംഗ് വഴി നേരിട്ടോ അല്ലെങ്കിൽ യുഎഇയിലെ സ്മാർട്ട് മോണിറ്ററിംഗ് സംവിധാനങ്ങൾ വഴിയോ തിരിച്ചറിയാൻ സാധിക്കും. വാഹനമോടിക്കുമ്പോൾ ഫോൺ ഉപയോ​ഗിക്കുന്നത് അപകട സാധ്യത ഗണ്യമായി വർധിപ്പിക്കുന്നതിനാൽ ഈ പ്രവണത ഒഴിവാക്കണമെന്ന് അധികൃതർ ഡ്രൈവർമാരോട് അഭ്യർത്ഥിച്ചിട്ടുണ്ട്. റോഡ് സുരക്ഷ പ്രോത്സാഹിപ്പിക്കുന്നതിനായി യുഎഇ അധികൃതർ കർശനമായ ശിക്ഷകൾ നടപ്പാക്കിയിട്ടുണ്ട്. വാഹനമോടിക്കുമ്പോൾ മൊബൈൽ ഫോൺ ഉപയോഗിച്ചതിന് പിടിക്കപ്പെട്ട ഏതൊരാൾക്കും 800 ദിർഹം പിഴ, ഡ്രൈവിംഗ് ലൈസൻസിൽ നാല് ബ്ലാക്ക് പോയിന്റുകൾ തുടങ്ങിയ ശിക്ഷകൾ നേരിടേണ്ടിവരും.

2024ൽ യുഎഇയിലെ ഓരോ എമിറേറ്റിലും ഫോണുപയോ​ഗവുമായി ബന്ധപ്പെട്ട് നടന്ന നിയമലംഘനങ്ങൾ

അബൂദബി: 466,029, ദുബൈ: 87,321, ഷാർജ: 84,512, അജ്മാൻ: 8,963, റാസ് അൽ ഖൈമ: 1,606, ഫുജൈറ: 170, ഉമ്മുൽ ഖുവൈൻ: 30

Despite strict regulations, UAE authorities issued fines to a staggering 650,000+ drivers in 2024 for using phones while driving. This alarming number raises questions about the effectiveness of road safety enforcement and public compliance. Learn why distracted driving remains a major challenge in the Emirates.