കൊച്ചി: മയക്കുമരുന്ന് കേസിൽ അറസ്റ്റിലായ നടൻ ഷൈൻ ടോം ചാക്കോക്ക് ജാമ്യം. വൈദ്യ പരിശോധന നടത്തിയതിന് ശേഷം ഷൈൻ ടോം ചാക്കോയെ എറണാംകുളം നോർത്ത് പൊലിസ് സ്റ്റേഷനിൽ എത്തിക്കുകയായിരുന്നു.

ഇവിടെ നിന്നും നടപടിക്രമങ്ങൾ പൂർത്തിയായതിന് ശേഷമാണ് ജാമ്യം അനുവദിച്ചത്. ജാമ്യം ലഭിക്കാവുന്ന വകുപ്പുകളാണ് ഷൈൻ ടോമിനെതിരെ ചുമത്തിയിട്ടുള്ളത്. ജാമ്യത്തിൽ വിട്ടെങ്കിലും പൊലിസ് ഷൈനിനെ വീണ്ടും വിളിപ്പിക്കും. ലഹരി പരിശോധനയുടെ ഫലം വരുന്നതിന്റെ അടിസ്ഥാനത്തിലായിരിക്കും ഷൈനിനെ പൊലിസ് വിളിപ്പിക്കുക. 

നാല് മണിക്കൂറോളം നീണ്ടു നിന്ന ചോദ്യം ചെയ്യലിന് ശേഷമാണ് നടനെതിരെ കേസ് രേഖപ്പെടുത്തിയതും അറസ്റ്റിലാക്കിയതും. മയക്കുമരുന്ന് ഉപയോഗം, ഗൂഢാലോചന, തെളിവ് നശിപ്പിക്കൽ എന്നീ കുറ്റങ്ങൾ ആണ് നടനെതിരെ ചുമത്തിയിട്ടുണ്ട്. എൻഡിപിഎസ് ആക്ട് 27 29/1, ബിഎൻഎസസ് 238 വകുപ്പുകളിലാണ് എഫ്‌ഐആർ രജിസ്റ്റർ ചെയ്തിട്ടുള്ളത്.

Shine Tom Chacko granted bail in drug case