ന്യൂഡൽഹി: ഇന്റർനെറ്റും സ്‍മാർട്ട്‌ഫോണുകളും വ്യാപകമായി പ്രചാരത്തിലാകുന്നതിനൊപ്പം ഓൺലൈൻ തട്ടിപ്പുകളും ആശങ്കാജനകമായി വർദ്ധിച്ചുവരുകയാണ്. പ്രത്യേകിച്ച് തീർത്ഥാടനയാത്രക്കാരെയും വിനോദസഞ്ചാരികളെയും ലക്ഷ്യമാക്കിയാണ് തട്ടിപ്പുകാർ ഇപ്പോൾ ചതികൾ ആസൂത്രണം ചെയ്യുന്നത്. ഈ സാഹചര്യത്തിൽ കേന്ദ്ര ആഭ്യന്തര മന്ത്രാലയത്തിന് കീഴിൽ പ്രവർത്തിക്കുന്ന ഇന്ത്യൻ സൈബർ ക്രൈം കോർഡിനേഷൻ സെന്റർ (I4C) ഓൺലൈൻ ബുക്കിംഗ് തട്ടിപ്പുകളുടെ പുതിയ രീതികളെക്കുറിച്ച് പൗരന്മാർക്ക് മുന്നറിയിപ്പ് നൽകി.

എന്താണ് സംഭവിക്കുന്നത്?

I4C പുറപ്പെടുവിച്ച മുന്നറിയിപ്പിൻ്റെ അടിസ്ഥാനത്തിൽ, വ്യാജ യാത്രാ പോർട്ടലുകൾ, ഫേസ്ബുക്കിലും വാട്ട്‌സ്ആപ്പിലുമുള്ള തെറ്റിദ്ധരിപ്പിക്കുന്ന പരസ്യങ്ങൾ, വ്യാജ അക്കൗണ്ടുകൾ തുടങ്ങിയവ മുഖേന ഉപയോക്താക്കളെ ഓൺലൈൻ ബുക്കിംഗിലേക്ക് ആകർഷിക്കുകയും പണം പിരിക്കുകയും ചെയ്യുകയാണ് തട്ടിപ്പുകാർ. കേദാർനാഥ് ഹെലികോപ്റ്റർ ബുക്കിംഗ്, ചാർ ധാം യാത്ര, തിരുപ്പതി ദർശൻ, ഹോട്ടൽ, ടാക്‌സി ബുക്കിങ് തുടങ്ങി നിരവധി "ആകർഷക" പാക്കേജുകൾക്ക് കാഴ്‌ചയ്ക്ക് മനോഹരമായ വെബ്‌സൈറ്റുകൾ ഒരുക്കിയാണ് ഇവർ പ്രവർത്തിക്കുന്നത്.

പണം അടയ്ക്കുന്ന ഉപയോക്താക്കൾക്ക് പിന്നീട് കുറെക്കാലം കാത്തിരുന്നിട്ടും സർവീസ് ലഭിക്കില്ല. കൂടാതെ നൽകിയിരിക്കുന്ന ഫോൺ നമ്പറുകൾ പ്രവർത്തിക്കില്ല. ഇത്തരം പോർട്ടലുകൾ നിയമാനുസൃതമായി കാണപ്പെടുമ്പോഴും ഉപഭോക്താക്കൾക്ക് സേവനം ലഭിക്കാതെ പോകുന്ന സാഹചര്യങ്ങളാണ് റിപ്പോർട്ടുകളിൽ പറയുന്നത്.

സുരക്ഷിത ബുക്കിംഗിന് വേണ്ട മുൻകരുതലുകൾ

• I4C ഉൾപ്പെടെ സൈബർ സുരക്ഷാ ഏജൻസികൾ പൗരന്മാർക്കായി ചില നിർദ്ദേശങ്ങൾ പങ്കുവെച്ചിട്ടുണ്ട്:
• ആധികാരികത പരിശോധിക്കുക: പണമടയ്ക്കുന്നതിന് മുൻപ് വെബ്‌സൈറ്റ് യഥാർത്ഥമാണോ എന്ന് പരിശോധിക്കുക.
• പതിവ് തെറ്റുകൾ ഒഴിവാക്കുക: Facebook, WhatsApp പോലുള്ള പ്ലാറ്റ്‌ഫോമുകളിൽ കാണുന്ന "Sponsored" പരസ്യങ്ങളിൽ ക്ലിക്ക് ചെയ്യുന്നതിന് മുൻപ് സൂക്ഷിക്കുക.
• സര്‍ക്കാര്‍/വിശ്വസനീയ ഏജന്‍സികള്‍ മാത്രം: Bookings എപ്പോഴും ഗവൺമെന്റ് വെബ്‌സൈറ്റുകളിലൂടെയോ അംഗീകൃത ട്രാവൽ ഏജൻസികളിലൂടെയോ മാത്രം ചെയ്യുക.
• തട്ടിപ്പിന്റെ സൂചനകളുണ്ടെങ്കില്‍: അത്തരത്തിലുള്ള വെബ്‌സൈറ്റുകൾ കണ്ടെത്തിയാൽ ഉടൻ തന്നെ www.cybercrime.gov.in വഴി അല്ലെങ്കിൽ 1930 എന്ന നമ്പറിൽ റിപ്പോർട്ട് ചെയ്യുക.
• കേദാർനാഥ് ഹെലികോപ്റ്റർ ബുക്കിംഗിന്: ട്രസ്റ്റ് ഓഫ്ിഷ്യൽ പോർട്ടൽ വഴി മാത്രമേ ബുക്കിംഗ് നടത്താവൂ. അതുവഴിയാണ് അത്യന്തം സുരക്ഷിതം.

The Indian Cyber Crime Coordination Centre (I4C) has issued a warning about fake travel portals targeting pilgrims and tourists. Scammers are using fraudulent websites and social media ads to trick users into booking pilgrimages like Kedarnath helicopter rides, Char Dham tours, and hotel stays. Victims often pay upfront but receive no services. Authorities urge citizens to verify websites, avoid suspicious ads, and report fraud to cybercrime.gov.in or call 1930.