കൊല്ലം: മദര്‍തെരേസയുടെ ചരമദിനമായ ഇന്ന് കലയപുരം സങ്കേതത്തില്‍ അന്താരാഷ്ട്ര ജീവകാരുണ്യ ദിനവും അധ്യാപകദിനവും സംയുക്തമായി ആചരിക്കും.
ഏറ്റവും മികച്ച ജീവകാരുണ്യ പ്രവര്‍ത്തകയ്ക്കുള്ള മദര്‍തെരേസ അവാര്‍ഡ് കൊട്ടാരക്കര നീലാംവിള പുത്തന്‍ വീട്ടില്‍ ചിന്നമ്മ ജോണിന് ജില്ലാ കലക്ടര്‍ ടി. മിത്ര സമ്മാനിക്കും.
രാവിലെ 11 ന് പ്രൊഫ എം.പി. മന്മഥന്‍ സ്മാരക ഹാളില്‍ (സങ്കേതം) ആശ്രയ പ്രസിഡന്റ് കെ. ശാന്തശിവന്റെ അധ്യക്ഷതയില്‍ ചേരുന്ന സമ്മേളനംജില്ലാ കലക്ടര്‍
ഉദ്ഘാടനം ചെയ്യും. തുടര്‍ന്നു മികച്ച അധ്യാപകരായ തോമസ് ജോണ്‍, പി.സി. ബാബുക്കുട്ടി, സൈമണ്‍ ബേബി, പി.ജി. ലളിതാമ്മ, എം.ആര്‍. തങ്കമണി, ജെ. എസ്. രാജി എന്നിവരെ കലക്ടര്‍ പൊന്നാട അണിയിച്ച് ആദരിക്കും.
മദര്‍തെരേസയുടെ ഫോട്ടോ വെട്ടിക്കവല ബ്ലോക്ക് പഞ്ചായത്ത് പ്രസിഡന്റ് ആര്‍. ദീപ അനാച്ഛാദനം ചെയ്യും. കൊട്ടാരക്കര മുനിസിപ്പല്‍ ചെയര്‍പേഴ്‌സണ്‍ ഗീത സുധാകരന്‍ മുഖ്യ
പ്രഭാഷണം നടത്തും. മൈലം ഗ്രാമപഞ്ചായത്ത് പ്രസിഡന്റ് ഗിരിജ മുരളീധരന്‍ വിശിഷ്ടാതിഥിയാകും.
ജില്ലാ പഞ്ചായത്തംഗം ആര്‍. രശ്മി, ബ്ലോക്ക് പഞ്ചായത്തംഗങ്ങളായ ചന്ദ്രകുമാരി ടീച്ചര്‍, അഡ്വ. മൈലം ഗണേഷ്, ഗ്രാമപഞ്ചായത്തംഗങ്ങളായ സൂസമ്മ ബേബി, ആര്‍. ഗോപാലകൃഷ്ണന്‍, എല്‍. ഉഷാകുമാരി, ജി. കുമാരന്‍, ഡി. മറിയാമ്മ ടീച്ചര്‍, പൂവറ്റൂര്‍ സുരേന്ദ്രന്‍,സങ്കേതം സെക്രട്ടറി കലയപുരം ജോസ,് ട്രഷറര്‍ മത്തായി എന്നിവര്‍ സംസാരിക്കും.