“അടുത്ത പോപ്പ് ആകാന്‍ എനിക്ക് ആഗ്രഹമുണ്ട്”, മാധ്യമപ്രവര്‍ത്തകരുടെ ചോദ്യത്തിന് അമേരിക്കന്‍ പ്രസിഡന്റ് ഡോണാള്‍ഡ് ട്രംപ് നല്‍കിയ മറുപടിയാണ് സോഷ്യല്‍ മീഡിയയില്‍ ഇപ്പോള്‍ ചിരിയും ചര്‍ച്ചയും. മാധ്യമപ്രവര്‍ത്തകര്‍ രാഷ്ട്രീയഭാവി സംബന്ധിച്ചും തെരഞ്ഞെടുപ്പുമായി ബന്ധപ്പെട്ട ചോദ്യങ്ങള്‍ ചോദിച്ചപ്പോഴാണ് ട്രംപ് തന്റെ ട്രേഡ് മാർക്ക് സ്റ്റൈലിൽ മുഖം ചുളിച്ചു “ഞാന്‍ അടുത്ത പോപ്പാകാമോ എന്ന് ചിന്തിക്കുന്നുണ്ട്” എന്ന് പറഞ്ഞത്.

പിന്നാലെ സോഷ്യൽ മീഡിയ കമന്റുകളിൽ ട്രംപ് പോപ്പായാൽ കപ്യാർ മൈ ഫ്രണ്ട് തന്നെയെന്നുള്ള രസകരമായ കമന്റുകളാണ് നിറയുന്നത്.

ആരാകണം പുതിയ പോപ്പ്  എന്നത് സംബന്ധിച്ച് തനിക്ക് പ്രത്യേക താല്‍പര്യങ്ങളൊന്നുമില്ലെന്നും ന്യൂയോര്‍ക്കില്‍ നിന്നുളള ആളായാല്‍ കൂടുതൽ സന്തോഷമുണ്ടാകുമെന്നും ട്രംപ് കൂട്ടിച്ചേർത്തു.