ന്യൂഡല്‍ഹി: രണ്ടു കോടി രൂപ വിലമതിക്കുന്ന വജ്രം മോഷ്ടിച്ചു കടത്താന്‍ ശ്രമിച്ച രണ്ടു പേര്‍ പിടിയില്‍. ദക്ഷിണ ഡല്‍ഹിയിലെ മാഡന്‍ഗിര്‍ പ്രദേശത്തു നിന്നാണ് ഇവരെ പിടികൂടിയത്. പിടിയിലായവരില്‍ ഒരാള്‍ പ്രായപൂര്‍ത്തിയാകാത്ത ആളാണ്. കഴിഞ്ഞ ദിവസമാണ് ആഭരണ ബ്രോക്കറായ വിജയ് ഗുപ്തയുടെ കാറില്‍ നിന്നു വജ്രങ്ങള്‍ മോഷ്ടിച്ചത്.
കാറിന്റെ കാറ്റഴിച്ചുവിട്ടശേഷമാണ് ഇവര്‍ മോഷണം നടത്തിയത്. തുടര്‍ന്ന് സി.സി.ടിവി ദൃശ്യങ്ങളെ അടിസ്ഥാനമാക്കിയാണ് പൊലിസ് മോഷ്ടാക്കളെ അറസ്റ്റു ചെയ്തത്.