സൂർ: ബഹു. സമസ്ത പ്രസിഡണ്ട് സയ്യിദുൽ ഉലമ സയ്യിദ് മുഹമ്മദ് ജിഫ്‌രി മുത്തു കോയ തങ്ങൾ 2025 മെയ് 16-ന് നടക്കുന്ന സൂർ ദാറുൽ ഖുർആൻ ഹയർ സെക്കണ്ടറി മദ്റസയുടെ സിൽവർ ജൂബിലി ആഘോഷം ഉദ്ഘാടനം ചെയ്യും. 

നാല് പതിറ്റാണ്ടായി ജനമനസ്സുകളിൽ സ്തുത്യർഹമായ പ്രവർത്തനം നടത്തിവരുന്ന സൂർ കേരള മുസ്‌ലിം ജമാഅത്ത് കമ്മിറ്റിയുടെ കീഴിൽ 2001-ൽ സ്ഥാപിതമായ മദ്റസയും, ഒമാനിലെ ആദ്യകാല മദ്റസകളിലൊന്നായ ഇത്, ആത്മീയ വെളിച്ചം വിതറി ഇസ്‌ലാമിക ബോധം വളർത്തുന്നതിൽ മാതൃകാപരമായ പങ്ക് വഹിക്കുന്നു. 

125 അംഗ വിശാല സ്വാഗത സംഘാടക സമിതി രൂപീകരിച്ചു. ചെയർമാൻ മുഹിയുദ്ധീൻ മുസ്‌ലിയാർ, കൺവീനർ ശിഹാബ് വാളക്കുളം, ഖജാഞ്ചി അഡ്വ. സഈദ് കൂത്തുപറമ്പ്, വർക്കിംഗ് ചെയർമാൻ ബശീർ ഫൈസി കൂരിയാട്, വർക്കിംഗ് കൺവീനർ ആബിദ് മുസ്‌ലിയാർ എന്നിവർ നേതൃത്വം നൽകും. സ്വാഗത സംഘ രൂപീകരണ കൺവെൻഷൻ മുഹിയുദ്ധീൻ മുസ്‌ലിയാരുടെ അധ്യക്ഷതയിൽ സ്വദർ മുഅല്ലിം ബശീർ ഫൈസി കൂരിയാട് ഉദ്ഘാടനം ചെയ്തു. ആബിദ് മുസ്‌ലിയാർ സ്വാഗതവും ശറഫുദ്ധീൻ കൊടുങ്ങല്ലൂർ നന്ദിയും പറഞ്ഞു. ഹാഫിള് ഫൈസൽ ഫൈസി, അബ്ദുൽ നാസർ ദാരിമി, സൈദ് നെല്ലായ, ശിഹാബ് വാളക്കുളം, അഡ്വ. സഈദ് കൂത്തുപറമ്പ് എന്നിവർ ആശംസകൾ നേർന്നു. 

മുഖ്യ രക്ഷാധികാരികളായി അൻവർ ഹാജി അൽ ഫൗസ്, മൊയ്തീൻ ഹാജി കണ്ണൂർ, ഹംസ വാളകുളം, അബൂബക്കർ നല്ലളം, സൈനുദ്ദീൻ കൊടുവള്ളി, അഷ്റഫ് നാദാപുരം, സുലൈമാൻ ഹാജി തളിക്കുളം, ഉസ്മാൻ അന്തിക്കാട് എന്നിവർ തെരഞ്ഞെടുക്കപ്പെട്ടു. 
സമസ്തയുടെ പൊതുപരീക്ഷയിൽ ഉന്നത വിജയം കൈവരിച്ച മദ്റസ, നൂറുകണക്കിന് കുട്ടികൾക്ക് വിജ്ഞാനദാനം നടത്തി, ലോകത്തിന്റെ വിവിധ ഭാഗങ്ങളിൽ സേവനം ചെയ്യുന്നവർക്ക് മാതൃകയാണ്.