കൊച്ചി : ഇന്ത്യയിൽ  മുസ്‌ലിംങ്ങൾക്ക് വിശ്വാസപരമോ , ആചാരപരമോ അനുഷ്ഠാനപരമോ ആയ ഒരു നിയമങ്ങൾക്കും ബ്രിട്ടീഷ് ഭരണ കാലഘത്തിലടക്കം ഇന്നേവരെ ഒരു ഭരണകർത്താക്കളും തടസം നിന്നിട്ടില്ലന്നും എന്നാൽ പുതിയ വഖ്ഫ് ഭേദഗതി നിയമം മുസ്‌ലിംങ്ങളുടെ വിശ്വാസപരമായ വഖഫ് അവകാശത്തിന്മേലുള്ള കടന്ന് കയറ്റമാണന്നും ജിഫ്രി മുത്തുക്കോയ തങ്ങൾ.

സുന്നീ പണ്ഡിത സഭകളുടെ സംയുക്ത ഭരണഘടന- വഖഫ് സംരക്ഷണ സമ്മേളനം കൊച്ചിയിൽ വീഡിയോ കോൺഫറൻസ് വഴി ഉദ്ഘാടനം ചെയ്യുകയായിരുന്നു അദ്ദേഹം. മുസ്‌ലിംങ്ങൾക്ക് വിശ്വാസപരമായി വഖഫ് ചെയ്യാൻ യോഗ്യമായവ മാത്രമാണ് വഖഫ് ചെയ്യുന്നത്. എന്നാൽ  പുതിയ വഖഫ് ഭേദഗതി നിയമത്തിലെ പല ഭേദഗതികളും മുസ്‌ലിം സമുദായത്തിലെ വിശ്വാസപരമായ അവകാശങ്ങൾക്ക് മേലുള്ള കടന്നുകയറ്റമാണ്.

പ്രത്യേകിച്ചും പുതിയ വഖഫ് നിയമത്തിലെ  3 C പ്രകാരം ഏതൊരു വഖഫ് സ്വത്തിലും സർക്കാരിന് അവകാശം ഉന്നയിക്കാമെന്നത്. അത്തരം അവകാശം ഉയർന്നാൽ പിന്നീട് അത് പരിശോധിക്കാൻ കളക്ടർക്കടക്കം ചുമതലപ്പെടുത്തുകയും അനന്തമായി ഈ വഖഫ് സ്വത്ത് അന്യാധീനപ്പെടുകയും ചെയ്യുന്നു. ഇത്തരത്തിൽ അതിഗുരുതരമായ വകുപ്പുകൾ ഉൾപ്പെടുത്തി കൊണ്ടുള്ള പുതിയ വഖഫ് നിയമങ്ങൾ മുസ്‌ലിം സമൂഹത്തിന് വിശ്വാസപരമായി അംഗീകരിക്കാനാവില്ലന്നും അദ്ദേഹം പറഞ്ഞു രാജ്യത്ത് സമാധാനവും സഹവർതിത്വവും ഏറ്റവും ഉന്നതമായി കാണുന്ന മുസ്‌ലിം സമുദായത്തിൻ്റെ വിശ്വാസപരമായ അവകാശങ്ങൾ നഷ്ടപ്പെടുന്ന ഇത്തരം നിയമങ്ങൾ നടപ്പാക്കുന്നതിൽ നിന്നും അധികാരികൾ പിന്മാറണമെന്നും ഇക്കാര്യത്തിൽ രാജ്യത്തെ പരമോന്നത കോടതിയിൽ നിന്നുള്ള താൽക്കാലിക ഉത്തരവ് ആശ്വാസകരമാണെന്നും തുടർന്നും ഇക്കാര്യത്തിൽ ആശ്വാസകരമായ വിധി പ്രതീക്ഷിക്കുന്നതായും തങ്ങൾ വ്യക്തമാക്കി.

കലൂർ സ്റ്റേഡിയം ഗ്രൗണ്ടിൽ നടന്ന സമ്മേളനം കലൂർ മഹല്ല് ഖാസി ടി.എസ് സലാഹുദ്ധീൻ ബുഖാരി തങ്ങൾ കൂരിയാടിന്റെ പ്രാർഥനയോടെ ആരംഭിച്ചു. സമസ്ത കേരള ജംഇയ്യതുൽ ഉലമ കേന്ദ്ര മുശാവറ അംഗവും സ്വാഗതസംഘം ചെയർമാനുമായ ഐ.ബി ഉസ്മാൻ ഫൈസി അധ്യക്ഷനായി. കാന്തപുരം വിഭാഗം സെക്രട്ടറി ഇബ്രാഹീം ഖലീലുൽ ബുഖാരി തങ്ങൾ മുഖ്യപ്രഭാഷണം നിർവഹിച്ചു. ദക്ഷിണ കേരള ജംഇയ്യതുൽ ഉലമ ജില്ലാ ജനറൽ സെക്രട്ടറി മുഹമ്മദ് തൗഫീഖ് മൗലവി ആമുഖ പ്രഭാഷണം നിർവഹിച്ചു.

സമസ്ത സെക്രട്ടറി ഉമർ ഫൈസി മുക്കം, മുസ്തഫ മുണ്ടുപാറ, ശുഐബുൽ ഹൈതമി, ഡോ.മുഹമ്മദ് കുഞ്ഞ് സഖാഫി കൊല്ലം, ജുനൈദ് കടക്കൽ, ബഷീർ വഹബി അടിമാലി എന്നിവർ വിവിധ വിഷയങ്ങൾ സംസാരിച്ചു. കേരള മുസ് ലിം ജമാഅത്ത് ജില്ലാ പ്രസിഡന്റ് വി.എച്ച് അലി ദാരിമി സ്വാഗതവും എസ്.വൈ.എസ് സംസ്ഥാന ട്രഷറർ എ.എം പരീദ് നന്ദിയും പറഞ്ഞു.

Prominent Islamic scholar Jifri Muthukkoya Thangal has strongly criticized the Waqf Amendment Bill, calling it a direct attack on the religious rights of India's Muslim community. He argues that the proposed changes undermine the autonomy of Waqf institutions, which are crucial for preserving Islamic heritage and managing religious properties.