മനാമ: ഐസിസി വനിതാ ടി20 ലോകകപ്പില്‍ ഏഷ്യ യോഗ്യതാ മത്സരങ്ങള്‍ക്കൊരുങ്ങി ( ICC Women’s T20 World Cup - Asia Qualifier) ബഹ്‌റൈന്‍ വനിതാ ക്രിക്കറ്റ് ടീം. ഈ മാസം 21 വരെ ആതിഥേയ രാജ്യമായ തായ്‌ലന്‍ഡിലെ ബാങ്കോക്കില്‍ നടക്കുന്ന ഐസിസി വനിതാ ടി20 ലോകകപ്പ് ഏഷ്യ ക്വാളിഫയറില്‍ ആണ് ബഹ്‌റൈന്‍ വനിതാ ക്രിക്കറ്റ് ടീം മത്സരിക്കുന്നത്. ഭൂട്ടാന്‍, നേപ്പാള്‍, കുവൈത്ത്, ഖത്തര്‍, യുഎഇ, ഹോങ്കോംഗ്, മലേഷ്യ, തായ്‌ലന്‍ഡ് എന്നിങ്ങനെ ടൂര്‍ണമെന്റില്‍ എട്ട് രാജ്യങ്ങള്‍ ആണ് പങ്കെടുക്കുന്നത്. 

ലോകകപ്പില്‍ മത്സരിക്കുന്ന ഏഷ്യന്‍ ടീമുകളിലൊന്നായി യോഗ്യത ലഭിക്കുകയാണെങ്കില്‍ ബഹ്‌റൈന്‍ ടീം ഏഷ്യയിലെ ഏറ്റവും ശക്തമായ വളര്‍ന്നുവരുന്ന ക്രിക്കറ്റ് രാജ്യമായി മാറും.

ഇന്ന് തെര്‍ദ്തായ് ക്രിക്കറ്റ് ഗ്രൗണ്ടില്‍ ആദ്യ മത്സരത്തില്‍ നേപ്പാളിനെയാണ് ബഹ്‌റൈന്‍ നേരിടുന്നത്. നേപ്പാളും ഹോങ്കോങ്ങും ഉള്‍പ്പെട്ട ഗ്രൂപ്പ് സിയിലാണ് ബഹ്‌റൈന്‍. ഗ്രൂപ്പ് മത്സരങ്ങളില്‍ ഓരോ ടീമും പരസ്പരം രണ്ട് മത്സരങ്ങള്‍ കളിച്ചാണ് ഫൈനല്‍ റൗണ്ടുകളിലേക്ക് പ്രവേശിക്കുക. ഒന്നാം സ്ഥാനക്കാരാകും ഫൈനല്‍ റൗണ്ടിലെത്തുക. ഇന്ത്യയും അഫ്ഗാനും പാകിസ്താനും ബംഗ്ലാദേശും ഉള്‍പ്പെടെയുള്ള രാജ്യങ്ങളിലെ ടീമുകള്‍ നേരത്തെ തന്നെ ലോകകപ്പ് യോഗ്യത നേടിയവരാണ്.

Bahrain Women’s Cricket Team Set to Shine at ICC Women’s T20 World Cup - Asia Qualifier 
 Bahrain Women’s Team the very best in the ICC Women’s T20 World Cup Asia Qualifier