ലോക പൊലിസ് ഉച്ചകോടിക്ക് മെയ് 13ന് ദുബൈയിൽ തുടക്കം. ദുബൈ വേൾഡ് ട്രേഡ് സെന്ററിൽ വെച്ചാണ് ഉച്ചകോടി നടക്കുന്നത്. ഉച്ചകോടിയുടെ നാലാം പതിപ്പിനാണ് 13ന് തിരശീല ഉയരുന്നത്. ഉച്ചകോടി മെയ് 15വരെ നീണ്ടു നിൽക്കും. ദുബൈ മീഡിയ ഓഫീസാണ് ഇക്കാര്യം വ്യക്തമാക്കിയത്. 

Dubai Police will host the 4th edition of the World Police Summit (WPS) from 13 to 15 May at the Dubai World Trade Centre. The summit will convene police leaders, law enforcement agencies, international experts, and leading global organizations. pic.twitter.com/ADwJYbJoTE

— Dubai Media Office (@DXBMediaOffice) May 9, 2025

നിയമപാലനത്തിലും, സുരക്ഷാ മേഖലയിലുമുള്ള ഏറ്റവും പുതിയ മുന്നേറ്റങ്ങളെക്കുറിച്ചെല്ലാം ഉച്ചകോടി ചർച്ച ചെയ്യും. കൂടാതെ, പൊലിസ് സേനകൾ നേരിടുന്ന പ്രധാന വെല്ലുവിളികളെക്കുറിച്ച് ഉച്ചകോടി സമ​ഗ്രമായ പഠനങ്ങൾ സംഘടിപ്പിക്കും. ലോക സംഘടനകളടെ ഭാരവാഹികൾ, ഈ മേഖലയിലെ പ്രമുഖർ, പൊലിസ് ഉദ്യോ​ഗസ്ഥർ തുടങ്ങി വ്യത്യസ്ത വിഭാ​ഗങ്ങളുടെ പ്രതിനിധികൾ ഉച്ചകോടിയിൽ പങ്കെടുക്കും. 

ഏറ്റവും പുതിയ സാങ്കേതികവിദ്യകളും സേവനങ്ങളും അവതരിപ്പിക്കുന്നതിനും, ഇവയെക്കുറിച്ച് ചർച്ചകൾ നടത്തുന്നതിനും, ഇത്തരം സേവനങ്ങളുടെ വിൽക്കൽ - വാങ്ങലുകൾക്കും ഉച്ചകോടി വലിയ അവസരമാണ് തുറന്നിടുന്നത്. അത്യാധുനിക പൊലിസിം​ഗ്, സുരക്ഷാ സാങ്കേതിക മേഖലകളിലെ ഏറ്റവും പുതിയ സേവനങ്ങൾ എന്നിവ ലഭ്യമാക്കുന്ന ഒരു പ്രധാനപ്പെട്ടയിടം കൂടിയാണ് ലോക പൊലിസ് ഉച്ചകോടി.

The fourth edition of the World Police Summit kicks off in Dubai on May 13 at the Dubai World Trade Centre. Organized by the Dubai Media Office, the summit will run until May 15, bringing together global law enforcement experts to discuss security challenges and innovations. The event highlights Dubai's role as a hub for international policing and public safety collaboration.