കഴിഞ്ഞ ഒരാഴ്ചക്കാലയളവിൽ സഊദി അറേബ്യയിൽ 15,928 പേരെ അറസ്റ്റ് ചെയ്തതായി അധികൃതർ അറിയിച്ചു. 2025 മെയ് 1 മുതൽ മെയ് 7 വരെയുള്ള കാലയളവിൽ രാജ്യത്ത് നടത്തിയ പ്രത്യേക റെയ്ഡുകളിൽ റെസിഡൻസി നിയമങ്ങൾ ലംഘിച്ചവരെയും, അനധികൃത തൊഴിലാളികളെയും, കുടിയേറ്റ നിയമങ്ങൾ ലംഘിച്ചവരെയും, അതിർത്തി സുരക്ഷാ ലംഘനം നടത്തിയവരെയുമാണ് പിടികൂടിയത്.

2025 മെയ് 10-ന് സഊദി ആഭ്യന്തര മന്ത്രാലയം നൽകിയ വിവരമനുസരിച്ച്, റെസിഡൻസി നിയമലംഘനത്തിന് 10,179 പേരെയും തൊഴിൽ നിയമങ്ങൾ ലംഘിച്ചതിന് 1,837 പേരെയും അതിർത്തി സുരക്ഷാ ലംഘനങ്ങൾക്ക് 3,912 പേരെയും അറസ്റ്റ് ചെയ്തിട്ടുണ്ട്.

خلال أسبوع.. ضبط 15928 مخالفًا لأنظمة الإقامة والعمل وأمن الحدود.

⁧#وطن_بلا_مخالف pic.twitter.com/9BlSbsLzwb

— وزارة الداخلية 🇸🇦 (@MOISaudiArabia) May 10, 2025

വിദേശികളുടെ താമസ, തൊഴിൽ ലംഘനങ്ങൾ കണ്ടെത്തുന്നതിനായി സഊദി ആഭ്യന്തര മന്ത്രാലയം നിരന്തരം പ്രത്യേക ഓപ്പറേഷനുകൾ നടത്തുന്നുണ്ട്. ഇത്തരം കേസുകൾ റിപ്പോർട്ട് ചെയ്യാൻ പൊതുജനങ്ങൾക്ക് നിർദേശം നൽകിയിട്ടുണ്ട്. മക്ക, റിയാദ് എന്നിവിടങ്ങളിൽ നിന്നുള്ളവർ 911 എന്ന നമ്പറിലും മറ്റ് പ്രദേശങ്ങളിൽ നിന്നുള്ളവർ 999 എന്ന നമ്പറിലും നിയമലംഘനങ്ങൾ റിപ്പോർട്ട് ചെയ്യണമെന്ന് അധികൃതർ അറിയിച്ചു. 

അതേസമയം, രാജ്യത്ത് നുഴഞ്ഞുകയറാൻ ശ്രമിക്കുന്നവർക്ക് സഹായം നൽകുന്നത് ഗുരുതരമായ കുറ്റമാണെന്ന് സഊദി ആഭ്യന്തര മന്ത്രാലയം നേരത്തെ തന്നെ അറിയിച്ചിരുന്നു. അനധികൃതമായി കുടിയേറ്റക്കാർക്ക് യാത്രാ സൗകര്യങ്ങൾ ഒരുക്കുക, താവളം നൽകുക, മറ്റു സേവനങ്ങൾ വാഗ്ദാനം ചെയ്യുക തുടങ്ങിയ പ്രവൃത്തികൾ നിയമവിരുദ്ധമായി കണക്കാക്കപ്പെടും. ഇത്തരം കുറ്റകൃത്യങ്ങൾക്ക് പിടിക്കപ്പെടുന്നവർക്ക് 15 വർഷം വരെ തടവുശിക്ഷയോടൊപ്പം ഒരു മില്യൺ റിയാൽ (ഏകദേശം 2.2 കോടി രൂപ) പിഴയും ലഭിക്കാനിടയുണ്ടെന്ന് സഊദി അധികൃതർ നേരത്തെ അറിയിച്ചിട്ടുണ്ട്.

Saudi authorities arrested 15,928 individuals in just one week for violating residency, labor, and border security laws. The crackdown targeted illegal workers, overstayers, and those involved in unlawful entry. Read more about Saudi Arabia's strict enforcement measures.