മെൽബൺ: വേൾഡ് ടെസ്റ്റ് ചാമ്പ്യൻഷിപ്പ് ഫൈനലിനുള്ള ഓസ്‌ട്രേലിയൻ ടീമിനെ പ്രഖ്യാപിച്ചു. ജൂൺ 11 മുതൽ 15 വരെയാണ് വേൾഡ് ടെസ്റ്റ് ചാമ്പ്യൻഷിപ്പിന്റെ ഫൈനൽ പോരാട്ടം നടക്കുന്നത്. കലാശപ്പോരാട്ടത്തിൽ സൗത്ത് ആഫ്രിക്കയെയാണ് ഓസ്‌ട്രേലിയ നേരിടുക. പരുക്കേറ്റ കാമറൂൺ ഗ്രീനും ടീമിൽ ഇടം പിടിച്ചു. 

ശ്രീലങ്കൻ പര്യടനത്തിൽ നിന്ന് വിട്ടുനിന്ന ജോഷ് ഹേസൽവുഡും പാറ്റ് കമ്മിൻസും ടീമിലേക്ക് തിരിച്ചെത്തി. പരുക്കേറ്റ കാമറൂൺ ഗ്രീനും ടീമിൽ ഇടം പിടിച്ചു. ബോർഡർ ഗവാസ്കർ ട്രോഫിയും ശ്രീലങ്കൻ പരമ്പരയും പരുക്ക് മൂലം ഗ്രീനിന് നഷ്ടമായിരുന്നു. 

ശ്രീലങ്കൻ പരമ്പരയിൽ കളിച്ച ടോഡ് മർഫി, ഷോൺ ആബട്ട്, കൂപ്പർ കോണോളി എന്നീ താരങ്ങൾക്ക് ടീമിൽ ഇടം നേടാൻ സാധിച്ചില്ല. ട്രാവിസ് ഹെഡ്,ഉസ്മാൻ ഖവാജ,സ്റ്റീവ് സ്മിത്ത്, മാർക്കസ് ലാബുഷാനെ, നഥാൻ ലിയോൺ എന്നീ പ്രധാന താരങ്ങളും ടീമിൽ ഇടം നേടി. വേൾഡ് ടെസ്റ്റ് ചാമ്പ്യൻഷിപ് ഫൈനൽ കഴിഞ്ഞാൽ വെസ്റ്റ് ഇൻഡീസിനെതിരെയാണ് ഓസ്‌ട്രേലിയക്ക് പരമ്പരയുള്ളത്. ജൂൺ 26 മുതലാണ് മൂന്ന് മത്സരങ്ങളുള്ള ടെസ്റ്റ് പരമ്പരക്ക് തുടക്കം കുറിക്കുന്നത്. 

വേൾഡ് ടെസ്റ്റ് ചാമ്പ്യൻഷിപ്പ് ഫൈനലിനും വെസ്റ്റ് ഇൻഡീസ് പര്യടനത്തിനുമുള്ള ഓസ്‌ട്രേലിയൻ സ്‌ക്വാഡ്

പാറ്റ് കമ്മിൻസ് (ക്യാപ്റ്റൻ),സ്കോട്ട് ബോളണ്ട്, അലക്സ് കാരി, കാമറൂൺ ഗ്രീൻ, ജോഷ് ഹേസിൽവുഡ്, ട്രാവിസ് ഹെഡ്, ജോഷ് ഇംഗ്ലിസ്, ഉസ്മാൻ ഖവാജ, സാം കോൺസ്റ്റാസ്, മാറ്റ് കുഹ്നെമാൻ, മാർനസ് ലാബുഷാഗ്നെ, നഥാൻ ലിയോൺ, സ്റ്റീവ് സ്മിത്ത്, മിച്ചൽ സ്റ്റാർക്ക്, ബ്യൂ വെബ്‌സ്റ്റർ.

ട്രാവലിംഗ് റിസർവ്- ബ്രണ്ടൻ ഡോഗെറ്റ്

Australias squad for the World Test Championship final has been announced