മഥുര: ജയ് ശ്രീറാം വിളിക്കാന്‍ നിര്‍ബന്ധിച്ച് മുസ് ലിം യുവാവിന് അവഹേളനം. ഉത്തര്‍പ്രദേശിലെ മഥുരയിലാണ് സംഭവം. ഒരു കൂട്ടം ആളുകള്‍ ചേര്‍ന്ന് 'ജയ് ശ്രീ റാം' വിളിക്കാന്‍ നിര്‍ബന്ധിക്കുകയും വിസമ്മതിച്ചപ്പോള്‍ പരസ്യമായി അവഹേളിക്കുകയുമായിരുന്നു. സുഹൈല്‍ എന്ന യുവാവാണ് ആള്‍ക്കൂട്ടത്തിന്റെ അതിക്രമത്തിന് ഇരയായത്. ഇതിനെതിരെ സുഹൈല്‍ പരാതി നല്‍കി. 

യുവാവിനോട് മോശമായി പെരുമാറിയ പ്രതികള്‍ സംഭവത്തിന്റെ വീഡിയോ ചിത്രീകരിച്ച് ഓണ്‍ലൈനില്‍ പ്രചരിപ്പിക്കുകയും ചെയ്തിട്ടുണ്ട്. പിന്നാലെ സുഹൈല്‍ പൊലിസില്‍ പരാതി നല്‍കി. 

''ജയ് ശ്രീ റാം' വിളിക്കാന്‍ നിര്‍ബന്ധിച്ച അവര്‍ എന്നോട് മോശമായി പെരുമാറി. അസഭ്യം പറഞ്ഞു.  വീഡിയോ ചിത്രീകരിച്ച് സോഷ്യല്‍ മീഡിയ പ്ലാറ്റ്ഫോമുകളില്‍ പ്രചരിപ്പിക്കുകയും ചെയ്തു'. സുഹൈല്‍ പറഞ്ഞു.

സുഹൈലിന്റെ പരാതിയില്‍ പൊലിസ് കേസെടുത്തിട്ടുണ്ട്. തിരിച്ചറിഞ്ഞ ഒരാള്‍ക്കും തിരിച്ചറിയാത്ത അഞ്ച് പേര്‍ക്കുമെതിരെയാണ് കേസെടുത്തിരിക്കുന്നത്. അന്വേഷണം ആരംഭിച്ചതായും പ്രതികളെ തിരിച്ചറിയാനും അറസ്റ്റ് ചെയ്യാനുമുള്ള ശ്രമങ്ങള്‍ പുരോഗമിക്കുകയാണെന്നും മഥുരയിലെ റായ പൊലിസ് വ്യക്തമാക്കി.

A disturbing incident in Mathura, Uttar Pradesh, where a Muslim youth named Suhail was allegedly forced to chant 'Jai Shri Ram' by a group and publicly humiliated when he refused.