കോഴിക്കോട്: കുറ്റ്യാടി-കോഴിക്കോട് സംസ്ഥാന പാതയില്‍ സ്വകാര്യ ബസും ടോറസ് ലോറിയും കൂട്ടിയിടിച്ച് ഇരുപതോളം പേർക്ക് പരുക്കേറ്റു. ഇന്നലെ വൈകിട്ട് നാല് മണിയോടെ ചെറിയ കുമ്പളത്ത് വച്ച് കുറ്റ്യാടിയിൽ നിന്ന് കോഴിക്കോട്ടേക്ക് പോകുകയായിരുന്ന വൈറ്റ് റോസ് ബസ് എതിർദിശയിൽ നിന്ന് വന്ന ലോറിയുമായി കൂട്ടിയിടിച്ചാണ് അപകടം ഉണ്ടായത്. അപകടത്തിൽ സാരമായി പരുക്കേറ്റ 10 പേരെ കോഴിക്കോട് മെഡിക്കൽ കോളേജിലും ബാക്കിയുള്ളവരെ സമീപത്തെ ആശുപത്രികളിലും പ്രവേശിപ്പിച്ചു. 

നിഷ അമ്പലക്കുളങ്ങര (45), അഷ്രഫ് ബാലുശ്ശേരി (48), ശാലു പനിക്കീഴിൽ (23), നാണു പുതിയോട്ടിൽ (79), സുമ ഏരൻതോട്ടം (50), കുഞ്ഞിക്കേളപ്പൻ നായർ (65), രമ്യ (37), സീമ (40), നദീറ (45), അബ്ദുസ്സലാം കൂത്താളി (50), ചന്ദ്രൻ (60), അബ്ദുസ്സലാം (60) തുടങ്ങി പരുക്കേറ്റവരെ ചികിത്സക്കായി ആശുപത്രിയിൽ പ്രവേശിപ്പിച്ചത്. സംഭവത്തെ തുടർന്ന് സംസ്ഥാന പാതയിൽ ഗതാഗത തടസ്സം ഉണ്ടായി.

അതേസമയം, ഇന്നലെ രാവിലെ നടന്ന മറ്റൊരു സംഭവത്തിൽ, പാനൂരിൽ ഇലക്ട്രിക് സ്കൂട്ടർ തീപിടിച്ച് കത്തിനശിച്ചു. പാനൂരിനടുത്ത് മൊകേരിയിലാണ് സംഭവം നടന്നത്. പാനൂർ ടൗണിലെ പത്രം ഏജന്റ് ചെണ്ടയാട് സ്വദേശി മൂസയുടെ KL-58 AH 4983 നമ്പരുള്ള കൈനറ്റിക് ഗ്രീൻ ഇലക്ട്രിക് സ്കൂട്ടറിനാണ് ഓടിക്കൊണ്ടിരിക്കെ തീപിടിച്ചത്.  മൊകേരി പുതുമ മുക്കിന് സമീപം പത്രം വിതരണം ചെയ്യുമ്പോഴായിരുന്നു സംഭവമെന്ന് മൂസ വ്യക്തമാക്കുന്നു. പുക കണ്ട ഉടൻ വാഹനം നിർത്തി ഇറങ്ങിയതിനാൽ അദ്ദേഹം പരുക്കേൽക്കാതെ രക്ഷപ്പെട്ടു. അതേസമയം, അപകടത്തിൽ വാഹനത്തിന്റെ ടയറുകൾ ഉൾപ്പടെ എല്ലാം പൂർണമായി കത്തിനശിച്ചു.

Twenty people were injured when a private bus collided with a Toras lorry on the Kuttiyadi-Kozhikode state highway near Cheriya Kumbalathu. The accident occurred around 4 PM yesterday when the White Rose bus, heading towards Kozhikode from Kuttiyadi, crashed into an oncoming lorry.