കൊപ്പം: എസ്.വൈ.എസ് പട്ടാമ്പി മണ്ഡലം കമ്മിറ്റിക്ക് കീഴിലുള്ള ഖുര്‍ആന്‍ സ്റ്റഡി സെന്റര്‍ നടത്തുന്ന ജി.എം സലാഹുദ്ധീന്‍ ഫൈസി വല്ലപ്പുഴയുടെ ഖുര്‍ആന്‍ പ്രഭാഷണവും പ്രാര്‍ഥനാസദസും സെപ്റ്റംബര്‍ നാളെ കാലത്ത് 10 ന് വിളയൂര്‍ കൂരാച്ചിപ്പടി വലിയപാലം ഓഡിറ്റോറിയത്തില്‍  നടക്കും. ആമയൂരില്‍ നടക്കുന്ന പ്രതിമാസ ഖുര്‍ആന്‍ പ്രഭാഷണത്തിന്റെ പ്രചരണാര്‍ഥം സംഘടിപ്പിക്കുന്ന പരിപാടി എസ്.വൈ.എസ് പട്ടാമ്പി മണ്ഡലം ജന.സെക്രട്ടറി സയ്യിദ് ഹസന്‍ സഖാഫ് തങ്ങള്‍ ഉദ്ഘാടനം ചെയ്യും. സമസ്ത കേരള ജംഇയ്യത്തുല്‍ മുഅല്ലിമീന്‍ ജില്ലാ വൈസ് പ്രസിഡന്റ് കെ. ടി മുഹമ്മദലി ബാഖവി പ്രാര്‍ഥന നടത്തും. വിളയൂര്‍ ഗ്രാമപഞ്ചായത്ത് പ്രസിഡന്റ് കെ. മുരളി മുഖ്യാതിഥിയായി പങ്കെടുക്കും. ജി.എം സ്വലാഹുദ്ധീന്‍ ഫൈസി വല്ലപ്പുഴ മുഖ്യ പ്രഭാഷണം നടത്തും. ഖുര്‍ആന്‍ സ്റ്റഡി സെന്റര്‍ മണ്ഡലം ചെയര്‍മാന്‍ സമദ് മാസ്റ്റര്‍ പൈലിപ്പുറം, എസ്.വൈ.എസ് മണ്ഡലം ട്രഷറര്‍ മുഹമ്മദ് എന്ന മാനു ഹാജി കൈപ്പുറം, ഭാരവാഹികളായ കുഞ്ഞുമൊയ്തീന്‍ എടപ്പലം,  ഷൗക്കത്തലി മൗലവി പ്രസംഗിക്കും.
എസ്.കെ.എസ്.എസ്.എഫ് വിളയൂര്‍ ക്ലസ്റ്റര്‍ പ്രസിഡന്റ് സലാം അന്‍വരി, സെക്രട്ടറി ഫാറൂഖ് വിളയൂര്‍,  നാസര്‍ അസ്‌ലമി,  കോയാമു വള്ളിയത്ത്, എസ്.വൈ.എസ് കൂരാച്ചിപ്പടി യൂനിറ്റ് സെക്രട്ടറി ഷാഹുല്‍ ഹമീദ് മൗലവി, വി.എം അബുഹാജി, വി. കുഞ്ഞഹമ്മദ് ഹാജി, കെ.എ ലത്തീഫ് കുഞ്ഞിപ്പ, വി.ടി ഉമര്‍ ഫൈസി, മുഹമ്മദ് കുട്ടി മൗലവി സംബന്ധിക്കും. ഖുര്‍ആന്‍ സ്റ്റഡി സെന്റര്‍ മണ്ഡലം ജനറല്‍ കണ്‍വീനര്‍ ആരിഫ് ഫൈസി തിരുവേഗപ്പുറ സ്വാഗതവും എസ്.വൈ.എസ് വിളയൂര്‍ പഞ്ചായത്ത് ജന. സെക്രട്ടറി കെ.ടി കുഞ്ഞുമുഹമ്മദ് മൗലവി നന്ദിയും പറയും.