അബൂദബി: ഇന്നലെ അബൂദബിയിലെ ഖസർ അൽ വതനിൽ നടന്ന ഔദ്യോഗിക ചടങ്ങിൽ പ്രസിഡന്റ് ഹിസ് ഹൈനസ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ യുഎഇയുടെ പരമോന്നത സിവിലിയൻ ബഹുമതിയായ ഓർഡർ ഓഫ് സായിദ് പുരസ്കാരം അമേരിക്കൻ പ്രസിഡന്റ് ഡൊണാൾഡ് ട്രംപിന് സമ്മാനിച്ചു.

UAE President confers Order of Zayed on US President#UAE_welcomes_US_President
#UAEUSA #WamNews pic.twitter.com/yXIJmIBKu7

— WAM English (@WAMNEWS_ENG) May 15, 2025

യുഎഇയുടെ സ്ഥാപക പിതാവായ ഷെയ്ഖ് സായിദ് ബിൻ സുൽത്താൻ അൽ നഹ്യാന്റെ പേരിലുള്ള ഈ പുരസ്കാരം രാഷ്ട്രത്തലവന്മാർക്കും യുഎഇയുമായുള്ള രാഷ്ട്രീയ ബന്ധം ശക്തിപ്പെടുത്തുന്നതിൽ മികവ് പുലർത്തിയ ലോക നേതാക്കൾക്കുമാണ് നൽകാറുള്ളത്. യുഎഇ സന്ദർശനത്തിന്റെ ഭാഗമായാണ് അമേരിക്കൻ പ്രസിഡണ്ട് ഡൊണാൾഡ് ട്രംപ് ഈ ബഹുമതിക്കർഹനായത്. 

സമ്മേളനത്തിൽ ഇരു നേതാക്കളും രണ്ട് രാജ്യങ്ങൾ തമ്മിലുള്ള തന്ത്രപരമായ പങ്കാളിത്തത്തിന്റെ പ്രാധാന്യം എടുത്തു പറഞ്ഞു. "ഒരു യഥാർത്ഥ വീരൻ" എന്ന് ഷെയ്ഖ് മുഹമ്മദിനെ വിശേഷിപ്പിച്ച ട്രംപ് ഇരു രാജ്യങ്ങളഉം തമ്മിലുള്ള സൗഹൃദത്തെക്കുറിച്ച് ഊന്നിപ്പറഞ്ഞു. മേഖലയിലെ സമാധാനവും സ്ഥിരതയും പ്രോത്സാഹിപ്പിക്കാൻ ലക്ഷ്യമിട്ടുള്ള സംരംഭങ്ങളിൽ അമേരിക്കയുമായി സഹകരിക്കുന്നതിനുള്ള യുഎഇയുടെ പ്രതിബദ്ധത ഷെയ്ഖ് മുഹമ്മദ് ആവർത്തിച്ചു. 

അമേരിക്കൻ പ്രസിഡന്റിന്റെ സന്ദർശനം ഉഭയകക്ഷി ബന്ധം മെച്ചപ്പെടുത്തുന്നതിന് ഗണ്യമായ സംഭാവന നൽകുമെന്ന് ഷെയ്ഖ് മുഹമ്മദ് അഭിപ്രായപ്പെട്ടു. യുഎഇയും യുഎസും തമ്മിലുള്ള ശക്തമായ പങ്കാളിത്തത്തിന് അദ്ദേഹം ഊന്നൽ നൽകി, നിരവധി സംയുക്ത പദ്ധതികളിൽ അമേരിക്ക ഒരു തന്ത്രപരമായ പങ്കാളിയാണെന്ന് അദ്ദേഹം വ്യക്തമാക്കി. യുഎഇ-യുഎസ് ബന്ധങ്ങളുടെ ഭാവിയെക്കുറിച്ച് ശുഭാപ്തിവിശ്വാസം പ്രകടിപ്പിച്ച ഡൊണാൾഡ് ട്രംപ് ബന്ധം കൂടുതൽ ശക്തവും സമൃദ്ധവുമായി വളരുമെന്ന് പ്രസ്താവിച്ചു.

The United Arab Emirates has conferred its highest civilian honor, the 'Order of Zayed', upon former US President Donald Trump. This prestigious award recognizes outstanding contributions and achievements that reflect the values and legacy of the UAE's founding father, Sheikh Zayed bin Sultan Al Nahyan.