മലപ്പുറം: ജനവാസമേഖലകളിൽ വന്യജീവി ആക്രമണങ്ങൾ വർധിക്കുമ്പോഴും ശാശ്വത പരിഹാരം കാണാനാവാതെ വനംവകുപ്പ്. സംസ്ഥാനത്തെ മലയോരമേഖലകളിൽ ഉൾപ്പെടെ വന്യമൃഗങ്ങളുടെ  ആക്രമണവും മനുഷ്യക്കുരുതിയും തുടർക്കഥയാവുകയാണ്. ഇതിന്റെ ഏറ്റവും ഒടുവിലെ ഉദാഹരമാണ് ഇന്നലെ മലപ്പുറം കാളികാവിൽ ടാപ്പിങ് തൊഴിലാളി കളപ്പറമ്പിൽ അബ്ദുൽ ഗഫൂർ കടുവയുടെ ആക്രമണത്തിൽ കൊല്ലപ്പെട്ട അതിദാരുണ സംഭവം. മനുഷ്യജീവൻ പൊലിയുമ്പോൾ മാത്രമാണ് വനംവകുപ്പ് നിസംഗത വെടിയുന്നത്. പുതിയ ആക്രമണങ്ങളും മരണവും ഉണ്ടാവുമ്പോൾ നഷ്ടപരിഹാരം, താൽക്കാലിക ജോലി എന്നിങ്ങനെയുള്ള കേവല സമാശ്വാസ നടപടികൾക്കപ്പുറം മറ്റു കാര്യമായ പരിഹാരങ്ങളൊന്നും സർക്കാർ ഭാഗത്തു നിന്നും ഉണ്ടാവാറില്ല. 

സംസ്ഥാനത്തെ വിവിധ ജില്ലകളിലെ 218 വില്ലേജുകൾ വന്യജീവി ആക്രമണങ്ങളാൽ ഗുരുതര പ്രതസന്ധി നേരിടുന്നുണ്ടന്നാണ് കണ്ടത്തിയിരിക്കുന്നത്. വന്യജീവികൾ ജനവാസ മേഖവലകളിലേക്ക് ഇറങ്ങുന്നത് നിയന്ത്രിക്കാൻ സൗരോർജ വേലി, കിടങ്ങുകൾ ഉൾപ്പെടെ വിവിധ സംവിധാനങ്ങളൊരുക്കിയാണ് സർക്കാർ പരിഹാരം കാണാൻ ശ്രമിക്കുന്നത്. ഇതിനായി 33 കോടിയോളം സംസ്ഥാനം  ചെലവഴിച്ചു. എന്നിട്ടും  കടുവ, പുലി, ആന എന്നീ വന്യമൃഗങ്ങളുടെ ആക്രമണത്തിൽ കൊല്ലപ്പെട്ടവരുടെ എണ്ണം വർധിച്ചു വരുന്നതായാണ് കണക്കുകൾ. കഴിഞ്ഞ പത്തു വർഷത്തിനിടെ 996 പേർ വന്യജീവി അക്രമണത്തിൽ കൊല്ലപ്പെടുകയും എണ്ണായിരത്തിലേറെ പേർക്ക് ഗുരുതരമായി പരുക്കേൽക്കുകയും ചെയ്തുവെന്നാണ് കണക്കുകൾ സാക്ഷ്യപ്പെടുത്തുന്നത്. മനുഷ്യർക്കു നേരെയുള്ള വന്യജീവി ആക്രമണങ്ങൾ തടയുന്നതിൽ നിലവിലെ ന്നാണ് ഇതെല്ലാം തെളിയിക്കുന്നത്.  കേന്ദ്ര വന്യജീവി സംരക്ഷണ നിയമ പ്രകാരം കർശന നിയന്ത്രണങ്ങളാണ് നിലനിൽക്കുന്നത്. അതുകൊണ്ടുതന്നെ വന്യജീവി ആക്രമണം നേരിടുന്നതിനു നിയമ ഭേദഗതി വേണമെന്ന ആവശ്യവും ശക്തമാണ്.

കുടുംബത്തിലെ ഒരാൾക്ക് ജോലി നൽകണമെന്ന് വി.ഡി സതീശൻ

കോഴിക്കോട്: മലയോര മേഖലയിലെ ജനങ്ങളെ കൂടുതൽ ഭീതിയിലാക്കുന്ന സംഭവമാണ് മലപ്പുറം കാളികാവിലുണ്ടായതെന്ന് പ്രതിപക്ഷ നേതാവ് വി.ഡി സതീശൻ. പ്രദേശത്ത് കടുവയുടേയും പുലിയുടേയും സാന്നിധ്യമുണ്ടെന്ന് ദിവസങ്ങൾക്ക് മുൻപ് നാട്ടുകാർ പരാതിപ്പെട്ടിട്ടും വനവകുപ്പ് ഒരു പ്രതിരോധ നടപടിയും സ്വീകരിക്കാൻ തയാറായില്ലെന്ന് അദ്ദേഹം കുറ്റപ്പെടുത്തി. 
അബ്ദുൽ ഗഫൂറിന്റെ മരണത്തോടെ മൂന്ന് കുട്ടികൾ ഉൾപ്പെട്ട കുടുംബമാണ് അനാഥമായത്. ധനസഹായം മാത്രം  പോര. കുടുംബത്തിലെ ഒരാൾക്ക് ജോലി കൂടി നൽകാൻ സർക്കാർ തയാറാകണമെന്നും വി.ഡി സതീശൻ പറഞ്ഞു.

Despite increasing wildlife attacks on human settlements, the forest department is yet to find a sustainable solution. The government has been offering temporary relief measures, such as compensation and temporary jobs, but a long-term solution remains elusive, leaving residents vulnerable to repeated attacks [1].