വിവാഹാഘോഷങ്ങൾ ആഡംബരത്തിൽ നിന്ന് വളരെ സാധാരണ രീതിയിലേക്ക് മാറുന്ന കാലമാണിത്. ചൈനയിലെ ഒരു യുവദമ്പതികളുടെ വിവാഹം ഇപ്പോൾ സോഷ്യൽ മീഡിയ ഏറ്റെടുത്തിരിക്കുന്നത്. 140 അതിഥികളെ പങ്കെടുപ്പിച്ച ഇവരുടെ വിവാഹാഘോഷം നടന്നത് ഒരു സ്റ്റാർ റസ്റ്റോറന്റിലായിരുന്നു. ആകെ ചിലവായത് വെറും 3,000 യുഎസ് ഡോളർ (ഏകദേശം 2.5 ലക്ഷം രൂപ) മാത്രമെന്നതാണ് മറ്റൊരു പ്രധാനകാര്യം.

ചടങ്ങിനായി ഓഡിറ്റോറിയം റെഡിയാക്കിയിരുന്നുവെങ്കിലും, അവസാന നിമിഷത്തിൽ അത് റദ്ദാകുകയായിരുന്നു. അതിനുശേഷമാണ് ഇവർ പ്രശസ്തമായ ഹൈദിലാവോ ഹോട്ട്‌പോട്ട് റെസ്റ്റോറന്റിൽ വിവാഹം നടത്താൻ തീരുമാനിച്ചത്. ഈ ദമ്പതികൾ രണ്ട് പേരും ഹൈദിലാവോയുടെ ആരാധകരാണ്. “ഞങ്ങൾ പലപ്പോഴും തമാശയായി പറയാറുണ്ടായിരുന്നു നമ്മുടെ വിവാഹം ഹൈദിലാവോയിലാകും നടക്കുക. ഇപ്പോൾ അത് യാഥാർത്ഥ്യമായി,” എന്നാണ് 26കാരിയായ വധു ഷാവോ പറഞ്ഞത്.

റസ്റ്റോറന്റുമായി ബന്ധപ്പെട്ടമ്പോൾ നല്ല പ്രതികരണമാണ് ലഭിച്ചതെന്നും,കൂടാതെ അലങ്കാരത്തിനും ഒരുക്കങ്ങൾക്കും അവർ ആവശ്യത്തിന് സഹകരിച്ചുവെന്നും അവർ പറഞ്ഞു. തങ്ങളുടെ ശേഷിക്കുള്ളിൽ എല്ലാവർക്കും ഭക്ഷണവിരുന്ന് ഒരുക്കാൻ സാധിച്ചുവെന്നത് വളരെ സന്തോഷകരമായ അനുഭവമായിരുന്നുവെന്ന് ദമ്പതികൾ പറഞ്ഞു.

വിവാഹത്തിന് പരമ്പരാഗത ചടങ്ങുകളൊന്നും ഉണ്ടായിരുന്നില്ല. അതിതികളുമായി ആത്മാർത്ഥമായി സമയം ചെലവഴിക്കാനാണ് മുൻഗണന നൽകിയതെന്നും, ആരുടേയും സമ്മാനങ്ങളോ പണമോ സ്വീകരിച്ചിട്ടില്ലെന്നും അവർ വ്യക്തമാക്കുന്നു.

ഇവരുടെ വിവാഹബില്ല് കൂടി ഒരു കൗതുകമായിരുന്നു — രണ്ടുമീറ്റർ നീളത്തിൽ. അതിഥികൾ ഭക്ഷണത്തിനായി ഉപയോഗിച്ചിരുന്നത് മുഴുവനായും റസ്റ്റോറന്റിന്റെ സ്റ്റാൻഡേർഡ് ഹോട്ട്‌പോട്ട് മെനുവായതിനാൽ  ഹൈദിലാവോ രണ്ട് മീറ്റർ ബില്ല് ഒടുവിൽ സോഷ്യൽ മീഡിയയിലും വൈറലായി.

ജിയാങ്‌സു, ഷെജിയാങ് പോലുള്ള സമ്പന്ന പ്രവിശ്യകളിൽ വിവാഹച്ചെലവുകൾ പൊതുജനങ്ങൾക്ക് ഏറെ ഭാരമായി മാറിയിരിക്കുന്ന സാഹചര്യത്തിലാണ് ഇത്തരം ലളിതവിവാഹങ്ങൾ യുവാക്കൾക്കിടയിൽ ശ്രദ്ധേയമാകുന്നത്. ഓരോ വിരുന്ന് മേശയ്ക്കും 700 ഡോളർ വരെ ചെലവാകുന്ന ചൈനീസ് വിവാഹപരമ്പരയിൽ നിന്ന് വിട്ടുമാറിയ ഈ വിവാഹം, 'ബഡ്ജറ്റ് ഫ്രണ്ട്ലി' മാതൃകയായി നിരവധി പേരെ സ്വാധീനിച്ചുകൊണ്ടിരിക്കുന്നു.

A Chinese couple’s budget-friendly wedding is gaining attention after they hosted 140 guests at a popular hotpot restaurant for just ₹2.5 lakh (approx. $3,000). With no traditional rituals, venues, or event planners, the couple chose a simple celebration at Haidilao, their favorite restaurant. The final bill — a two-meter-long receipt — became a viral highlight. The couple declined gifts and emphasized meaningful time with loved ones over extravagant spending, reflecting a growing trend among Chinese youth toward minimalist weddings.