ലിസ്ബൺ: യുവേഫ നേഷൻസ് ലീഗ് സെമി ഫൈനൽ പോരാട്ടങ്ങൾക്കുള്ള പോർച്ചുഗൽ ടീമിനെ പ്രഖ്യാപിച്ചു. ജൂൺ നാലിന് ജർമനിക്കെതിരെ നടക്കുന്ന മത്സരങ്ങൾക്കുള്ള ടീമിനെയാണ് പരിശീലകൻ റോബർട്ടോ മാർട്ടിനെസ് പുറത്തുവിട്ടത്. ടീമിൽ സൂപ്പർതാരം ക്രിസ്റ്റ്യാനോ റൊണാൾഡോയും ഇടം നേടി. നിലവിൽ ടൂർണമെന്റിൽ ആറ് ഗോളുകളാണ് റൊണാൾഡോ നേടിയിട്ടുള്ളത്. 

ഗ്രൂപ്പ് എയിൽ ഒന്നാം സ്ഥാനക്കാരായാണ് പോർച്ചുഗൽ അടുത്ത റൗണ്ടിലേക്ക് മുന്നേറിയത്. ക്വാർട്ടർ ഫൈനലിൽ ഡെൻമാർക്കിനെ തകർത്താണ് റൊണാൾഡോയും സംഘവും സെമി ഫൈനലിലേക്ക് മുന്നേറിയത്. ഇരു പാദങ്ങളിലുമായി നടന്ന മത്സരത്തിൽ 5-3 എന്ന സ്കോറിനായിരുന്നു പോർച്ചുഗലിന്റെ വിജയം. 

സെമി ഫൈനലിൽ ഒറ്റ മത്സരം മാത്രമേ ഉണ്ടായിരിക്കൂ. ജൂൺ ആറിന് നടക്കുന്ന രണ്ടാം സെമി ഫൈനലിൽ ഫ്രാൻസും പോർച്ചുഗലും ആണ് ഏറ്റുമുട്ടുക. ഫൈനൽ പോരാട്ടം ജൂൺ എട്ടിനാണ് നടക്കുന്നത്. മൂന്നാം സ്ഥാനത്തിനുള്ള മത്സരവും അന്നേ ദിവസം തന്നെ നടക്കും. 

നേഷൻസ് ലീഗ് സെമി ഫൈനലിനുള്ള പോർച്ചുഗൽ സ്ക്വാഡ്

ഗോൾകീപ്പർമാർ

ഡിയോഗോ കോസ്റ്റ, റൂയി സിൽവ, ജോസ് സാ.

ഡിഫൻഡർമാർ

ഡിയോഗോ ദലോട്ട്, നെൽസൺ സെമെഡോ, റൂബൻ ഡയസ്, റെനാറ്റോ വീഗ, അൻ്റോണിയോ സിൽവ, ന്യൂനോ മെൻഡസ്, നൂനോ തവാരസ്, ഗോൺസലോ ഇനിൻസിയോ.

മിഡ്ഫീൽഡർമാർ

ജോവോ നെവ്സ്, വിറ്റിൻഹ, റൂബൻ നെവ്സ്, ബ്രൂണോ ഫെർണാണ്ടസ്, ബെർണാഡോ സിൽവ, ജോവോ പാൽഹിൻഹ, പെഡ്രോ ഗോൺസാൽവസ്.

ഫോർവേഡുകൾ

ക്രിസ്റ്റ്യാനോ റൊണാൾഡോ, റാഫേൽ ലിയോ, പെഡ്രോ നെറ്റോ, ഫ്രാൻസിസ്‌കോ ട്രിങ്‌കോ, റോഡ്രിഗോ മോറ, ഫ്രാൻസിസ്‌കോ കോൺസെയ്‌സോ, ഡിയോഗോ ജോട്ട, ഗോൺഗോൾ ജോട്ട.

Portugal squad announced for UEFA Nations League semi-final matches