യുഎഇയിലെ ഭൂരിഭാ​ഗം പ്രവാസികളും സ്വകാര്യ മേഖലയിലാണ് ജോലി ചെയ്യുന്നത്. എന്നാൽ, പലരും സർക്കാർ ജോലികളിലേക്ക് മാറാൻ ആഗ്രഹിക്കുന്നു. സർക്കാർ ജോലികൾ കൂടുതൽ സ്ഥിരതയുള്ളതായി കണക്കാക്കപ്പെടുന്നു, കൂടാതെ മികച്ച ആനുകൂല്യങ്ങളും നൽകുന്നു. സാധാരണയായി യുഎഇ പൗരൻമാർക്ക് മുൻ​ഗണന നൽകാറുണ്ടെങ്കിലും, ആരോഗ്യപരിപാലനം, വിദ്യാഭ്യാസം, ഐടി, നഗരാസൂത്രണം, സാമൂഹ്യ സംരക്ഷണം തുടങ്ങിയ വിവിധ മേഖലകളിൽ സർക്കാരിന്റെ നിയന്ത്രണത്തിലുള്ള നിരവധി സ്ഥാപനങ്ങൾ സ്കിൽ ഉള്ള വിദേശികൾക്ക് തൊഴിലവസരങ്ങൾ നൽകാറുണ്ട്.

ദുബൈയിൽ സർക്കാർ ജോലിക്ക് എങ്ങനെ അപേക്ഷിക്കാം

ദുബൈയിൽ ഒരു പൊതുമേഖലാ കരിയർ ലക്ഷ്യമിടുന്നുണ്ടെങ്കിൽ, സർക്കാർ വകുപ്പുകൾ വിവിധ തസ്തികകളിലായി ജോലി ഒഴിവുകൾ പോസ്റ്റ് ചെയ്യാറുണ്ട്. ഫെഡറൽ, ലോക്കൽ വകുപ്പുകൾ അവസരങ്ങൾ വാഗ്ദാനം ചെയ്യുന്നു. ജോലി അന്വേഷിക്കുന്നവർക്കുള്ള ഒരു പ്രധാന ഉറവിടം ദുബൈ ഗവൺമെന്റിന്റെ ഔദ്യോഗിക പോർട്ടലാണ് - dubaicareers.ae.

dubaicareers.ae-യിൽ രജിസ്റ്റർ ചെയ്യുന്നതെങ്ങനെ

1) ഹോംപേജിന് മുകളിലുള്ള ‘My Profile’ ക്ലിക്ക് ചെയ്യുക.

2) ‘New User’ തിരഞ്ഞെടുത്ത്, നിങ്ങളുടെ ഇമെയിൽ വിലാസവും പാസ്‌വേര്‍ഡും നൽകുക.

3) ‘My Profile’ ലോഗിൻ ചെയ്ത് അക്കൗണ്ട് സജ്ജമാക്കുക.

4) നിങ്ങളുടെ റെസ്യൂമെ (PDF/DOC ഫോർമാറ്റിൽ), എമിറേറ്റ്സ് ഐഡി, പാസ്പോർട്ട് കോപ്പി, വിദ്യാഭ്യാസ സർട്ടിഫിക്കറ്റുകൾ എന്നിവയുടെ ഡിജിറ്റൽ പകർപ്പ് തയ്യാറാക്കുക.

5) ആവശ്യമായ ഡോക്യുമെന്റുകൾ അപ്ലോഡ് ചെയ്ത് വ്യക്തിഗത വിവരങ്ങൾ പൂർത്തിയാക്കുക. രജിസ്റ്റർ ചെയ്തുകഴിഞ്ഞാൽ, 'ജോബ് സെർച്ച്' ഫീച്ചർ ഉപയോഗിച്ച് നിങ്ങൾക്ക് ജോലികൾ കണ്ടെത്താനും അപേക്ഷിക്കാനും സാധിക്കും. 

Private sector employees in the UAE looking to transition to government jobs can explore various opportunities. To apply, candidates typically need to meet specific eligibility criteria, submit required documents, and follow the application process outlined by the respective government agencies. Understanding the requirements and procedures can help streamline the transition process.