അബൂദബി: ഹുമിഡിറ്റി കൂടുമെന്നും മൂടല്‍മഞ്ഞിന് സാധ്യതയുണ്ടെന്നും പ്രവചിച്ച് യുഎഇയിലെ ഏറ്റവും പുതിയ കാലാവസ്ഥാ വിവരങ്ങള്‍ അപ്‌ഡേറ്റ് ചെയ്ത് ദേശീയ കാലാവസ്ഥാ കേന്ദ്രം (എന്‍സിഎം). ഇന്ന് ഉച്ചയോടെ ചില മേഘങ്ങള്‍ കിഴക്കോട്ട് ദൃശ്യമാകും. ഇന്ന് രാത്രിയും നാളെ (വെള്ളിയാഴ്ച) രാവിലെയും ഹുമിഡിറ്റി കൂടിയതായിരിക്കും. ചില തീരപ്രദേശങ്ങളില്‍ മൂടല്‍മഞ്ഞ് രൂപപ്പെടാനുള്ള സാധ്യതയും ഉണ്ടാകും. തെക്കുകിഴക്കന്‍ ദിശയില്‍ നിന്ന് നേരിയതോ മിതമായതോ ആയ കാറ്റ് പ്രതീക്ഷിക്കാം. അറേബ്യന്‍ ഗള്‍ഫിലും ഒമാന്‍ കടലിലും നേരിയ തോതില്‍ കാറ്റുണ്ടാകുമെന്നും എന്‍സിഎം അറിയിച്ചു.

ഇന്നലെ പുലര്‍ച്ചെ 5 മണിക്ക് അല്‍ ഐനിലെ ദംതയില്‍ രേഖപ്പെടുത്തിയ ഏറ്റവും കുറഞ്ഞ താപനില 20.4°-C ആയിരുന്നു. അതേസമയം ഉച്ചയ്ക്ക് 2:45 ന് അല്‍ ദഫ്ര മേഖലയിലെ മുഖൈറിസില്‍ ഏറ്റവും ഉയര്‍ന്ന താപനില 49°-C ല്‍ എത്തി. സമാന താപനിലയായിരിക്കും ഇന്നും ഉണ്ടാകുക.

നാളെ കിഴക്കന്‍ പ്രദേശങ്ങളില്‍ ഉച്ചകഴിഞ്ഞ് മേഘങ്ങള്‍ രൂപം കൊള്ളും. രാവിലെ വരെ രാത്രി മുഴുവന്‍ ഹുമിഡിറ്റി നിലനില്‍ക്കും. തീരദേശ പ്രദേശങ്ങളില്‍ മൂടല്‍മഞ്ഞ് സാധ്യത കൂടുതലാണ്. തെക്കുകിഴക്കന്‍ നിന്ന് വടക്ക് പടിഞ്ഞാറോട്ട് മാറി മണിക്കൂറില്‍ 35 കിലോമീറ്റര്‍ വരെ വേഗതയില്‍ കാറ്റ് വീശും.

UAE weather alert: Rising humidity and fog risk across coastal areas