എറണാകുളം: സംസ്ഥാനത്ത് കനത്ത മഴ തുടരുന്ന സാഹചര്യത്തില്‍ വിവിധയിടങ്ങളില്‍ നിരവധി അപകടങ്ങളും നാശനഷ്ടങ്ങളും റിപ്പോര്‍ട്ട് ചെയ്തിട്ടുണ്ട്. തൃശൂര്‍-ഗുരുവായൂര്‍ റൂട്ടില്‍ റെയില്‍വേ ട്രാക്കില്‍ മരം വീണ് ട്രെയിന്‍ ഗതാഗതം തടസപ്പെട്ടു. തൃശൂര്‍ അമല പരിസരത്ത് റെയില്‍വേ ട്രാക്കില്‍ ഇലക്ട്രിക് ലൈനിലേക്കാണ് മരം വീണത്. മരം നീക്കംചെയ്യുന്നതിനായി അധികൃതര്‍ നടപടികള്‍ ആരംഭിച്ചിട്ടുണ്ട്.

കളമശ്ശേരി അപ്പോളോ ജംഗ്ഷന് സമീപത്തുള്ള മേല്‍പ്പാലത്തില്‍ ഇന്ന് രാവിലെ 5:15ന് ഒരു കാര്‍ തലകീഴായി മറിഞ്ഞു. അപകടത്തില്‍ കോട്ടയം സ്വദേശിയായ ജയിംസ് എന്നയാള്‍ക്ക് പരുക്കേറ്റു. മുന്നിലെ വാഹനം പെട്ടെന്ന് നിറുത്തിയതിനെ തുടര്‍ന്ന് ജെയിംസ് കാര്‍ വെട്ടിച്ചതോടെ കാറിന്റെ നിയന്ത്രണം നഷ്ടപ്പെടുകയായിരുന്നു.  

മൂവാറ്റുപ്പുഴയില്‍ ഒഴുക്കില്‍പ്പെട്ട് ഒരാളെ കാണാതായി. വള്ളിക്കട സ്വദേശി 42കാരനായ ജോബിനെയാണ് കാണാതായത്. ഇയാളെ കണ്ടെത്താനായി തെരച്ചില്‍ നടക്കുന്നുണ്ട്. കണ്ണൂര്‍ ജില്ലയിലെ മലയോര പ്രദേശങ്ങളില്‍ കനത്ത മഴ തുടരുകയാണ്. കുപ്പം പുഴയിലെ നിരവധി പാലങ്ങള്‍ വെള്ളത്തില്‍ മുങ്ങി. പുഴ കരകവിഞ്ഞ് ഒഴുകിയതോടെ സമീപത്തെ വീടുകളിലേക്ക് വെള്ളം കയറിയിട്ടുണ്ട്.

വയനാട്ടിലെ മുത്തങ്ങ മന്മഥമൂല റോചില്‍ വെള്ളം കയറി. കല്ലൂര്‍പുഴ കരകവിഞ്ഞാണ് ഈ പ്രദേശത്തേക്ക് വെള്ളം കയറിയത്. മുട്ടില്‍ പഞ്ചായത്തിലെ നാല് സെന്റ് കോളനിയിലെ നിവാസികളെ സുരക്ഷിതമായ പനംകണ്ടി സ്‌കൂളിലേക്ക് മാറ്റിപ്പാര്‍പ്പിച്ചിട്ടുണ്ട്.

Torrential rains continue to lash Kerala, causing multiple incidents across the state. A fallen tree disrupted train services on the Thrissur-Guruvayur route, while a car overturned in Kalamassery. In a tragic incident, a man was swept away by floodwaters in Muvattupuzha. Authorities are on high alert as red warnings remain in several districts. Stay updated on rescue operations and weather alerts.