തിരുവനന്തപുരം: ഇന്ത്യയിലെ പ്രമുഖ ഇലക്ട്രിക് ഇരുചക്ര വാഹന നിർമ്മാതാക്കളായ ഓല ഇലക്ട്രിക്, തങ്ങളുടെ പുതിയ ഇലക്ട്രിക് മോട്ടോർസൈക്കിൾ 'റോഡ്സ്റ്റർ എക്സ്' കേരള വിപണിയിൽ അവതരിപ്പിച്ചു. തലസ്ഥാനമായ പാപ്പനംകോട് ഓല ഷോറൂമിൽ നടന്ന ചടങ്ങിൽ റോഡ്സ്റ്റർ എക്സിന്റെ അനാച്ഛാദനം നടന്നു. റോഡ്സ്റ്റർ എക്സിന്റെ വിതരണം ഓല ഇലക്ട്രിക് കേരളത്തിൽ ആരംഭിച്ചതായും കമ്പനി അറിയിച്ചു.

 

 

റോഡ്സ്റ്റർ എക്സ്+ 4.5kWh വേരിയന്റിന് 1.30 ലക്ഷം രൂപയും, 501 കിലോമീറ്റർ റേഞ്ച് വാഗ്ദാനം ചെയ്യുന്ന റോഡ്സ്റ്റർ എക്സ്+ 9.1kWh (4680 ഭാരത് സെൽ) വേരിയന്റിന് 2 ലക്ഷം രൂപയുമാണ് എക്സ്-ഷോറൂം വില. ഇലക്ട്രിക് സ്കൂട്ടർ വിപണിയിൽ ശക്തമായ സാന്നിധ്യമായ ഓല, റോഡ്സ്റ്റർ സീരീസിലൂടെ ഇലക്ട്രിക് മോട്ടോർസൈക്കിൾ വിഭാഗത്തിലും വിപ്ലവം സൃഷ്ടിക്കാൻ ലക്ഷ്യമിടുന്നു.

ആകർഷകമായ ഓഫറുകൾ

ലോഞ്ചിന്റെ ഭാഗമായി, ആദ്യ 5,000 ഉപഭോക്താക്കൾക്ക് 10,000 രൂപ വിലമതിക്കുന്ന ആനുകൂല്യങ്ങൾ ഓല പ്രഖ്യാപിച്ചു. 'റൈഡ് ദി ഫ്യൂച്ചർ' കാമ്പെയ്‌നിന്റെ ഭാഗമായി എക്സ്റ്റെൻഡഡ് വാറന്റി, മൂവ്ഒഎസ്+, എസൻഷ്യൽ കെയർ എന്നിവ സൗജന്യമായി ലഭിക്കും. 

സവിശേഷതകൾ

റോഡ്സ്റ്റർ എക്സ് സീരീസ് മിഡ്-ഡ്രൈവ് മോട്ടോറിനൊപ്പം മികച്ച പ്രകടനവും സുരക്ഷയും ഉറപ്പാക്കുന്നു. ചെയിൻ ഡ്രൈവും ഇന്റഗ്രേറ്റഡ് എംസിയു (മോട്ടോർ കൺട്രോൾ യൂണിറ്റ്) ഉം ഉൾപ്പെടുന്ന പവർട്രെയിൻ മികച്ച ആക്സിലറേഷനും റേഞ്ചും നൽകുന്നു. ഫ്ലാറ്റ് കേബിളുകൾ ഉപയോഗിച്ച് ഭാരം കുറയ്ക്കുകയും താപ പ്രകടനം മെച്ചപ്പെടുത്തുകയും ചെയ്യുന്നു. സിംഗിൾ എബിഎസോടുകൂടിയ പേറ്റന്റ് നേടിയ ബ്രേക്ക്-ബൈ-വയർ സാങ്കേതികവിദ്യ, അഡ്വാൻസ്ഡ് റീജനറേഷൻ, ക്രൂയിസ് കൺട്രോൾ, റിവേഴ്‌സ് മോഡ് തുടങ്ങിയ മൂവ്ഒഎസ് 5 ഫീച്ചറുകളും റോഡ്സ്റ്റർ എക്സിനെ വേറിട്ടതാക്കുന്നു.

ബാറ്ററി സവിശേഷതകൾ

IP67 വാട്ടർപ്രൂഫ്, ഡസ്റ്റ് പ്രൂഫ് സർട്ടിഫിക്കേഷനോടുകൂടിയ ബാറ്ററി സിസ്റ്റം, അഡ്വാൻസ്ഡ് വയർ ബോണ്ടിംഗ് സാങ്കേതികവിദ്യ, എളുപ്പത്തിൽ അറ്റകുറ്റപ്പണികൾ സാധ്യമാക്കുന്ന ബാറ്ററി മാനേജ്മെന്റ് സിസ്റ്റം (ബിഎംഎസ്) എന്നിവ റോഡ്സ്റ്റർ എക്സിന്റെ പ്രത്യേകതകളാണ്.

 

 

വില

റോഡ്സ്റ്റർ എക്സ് 2.5kWh: ₹99,999
റോഡ്സ്റ്റർ എക്സ് 3.5kWh: ₹1,09,999
റോഡ്സ്റ്റർ എക്സ് 4.5kWh: ₹1,24,999
റോഡ്സ്റ്റർ എക്സ്+ 4.5kWh: ₹1,29,999
റോഡ്സ്റ്റർ എക്സ്+ 9.1kWh (501 കി.മീ. റേഞ്ച്): ₹1,99,999