ദുബൈ: ജുബൈലിൽ ഹൈഡ്രജൻ ഉപയോഗിച്ച് പ്രവർത്തിക്കുന്ന ട്രക്ക് പരീക്ഷിക്കുന്നതിനായി ഡിഎച്ച്എൽ ഗ്ലോബൽ ഫോർവേഡിംഗ് ഹൈഡ്രജൻ മൊബിലിറ്റി സ്ഥാപനമായ ഹൈപ്പർവ്യൂ സഊദിയുമായി കരാർ ഒപ്പിട്ടു. 

മൂന്ന് മാസത്തെ പൈലറ്റ് പ്രോഗ്രാമിൽ ഹൈപ്പർവ്യൂ വികസിപ്പിച്ചെടുത്തതും DHL ന്റെ പ്രവർത്തനങ്ങൾക്കായി രൂപകൽപ്പന ചെയ്തതുമായ ഹെവി-ഡ്യൂട്ടി ഹൈഡ്രജൻ വാഹനമായ HTO2.1 ട്രക്ക് മോഡൽ പരീക്ഷിക്കും. ട്രക്കിന്റെ പ്രകടനം, ചെലവ്, കാര്യക്ഷമത, എന്നിവ വിലയിരുത്തുക എന്നതാണ് പരീക്ഷണത്തിലൂടെ ലക്ഷ്യമിടുന്നത്.

ക്ലീൻ എനർജിയും നൂതന സാങ്കേതികവിദ്യകളും പ്രോത്സാഹിപ്പിക്കുന്ന സഊദി വിഷൻ 2030 ഉം ആയി ഈ പൈലറ്റ് പ്രോഗ്രാമിന് വളരെ അടുത്ത ബന്ധമുണ്ട്. 2050 ആകുമ്പോഴേക്കും നെറ്റ് സീറോ ഉദ്വമനം നേടാനുള്ള DHL-ന്റെ ലക്ഷ്യത്തെയും ഇത് പിന്തുണയ്ക്കുന്നു.

"സുസ്ഥിരമായ നവീകരണത്തിലൂടെ ലോജിസ്റ്റിക്സിനെ പുനർനിർവചിക്കാനുള്ള DHL-ന്റെ പ്രതിബദ്ധതയാണ് ഈ പൈലറ്റ് പരീക്ഷണം പ്രതിഫലിപ്പിക്കുന്നത്," സഊദിയിലെ DHL ഗ്ലോബൽ ഫോർവേഡിംഗ് സിഇഒ സ്യൂ ഡോണോഗ് വ്യക്തമാക്കി. 

പരീക്ഷണത്തിന്റെ കൂടുതൽ വിവരങ്ങൾ

HTO2.1 ട്രക്ക്: ദീർഘദൂര ഗതാഗതത്തിനായി മികച്ച ഡ്രൈവിംഗ് സാങ്കേതികവിദ്യയും നൂതന സെൻസറുകളും ഉപയോഗിച്ച് നിർമ്മിച്ചത്.

പ്രകടനം: 45 ടൺ വരെ ഭാരം കൈകാര്യം ചെയ്യാൻ കഴിയും, ഒരു തവണ റീഫിൽ ചെയ്യുമ്പോൾ ഏകദേശം 450 കിലോമീറ്റർ സഞ്ചരിക്കാൻ കഴിയും.

ഇക്കോ സവിശേഷതകൾ: ​ഗ്രീൻ ഹൈഡ്രജൻ ഉപയോഗിച്ച് പ്രവർത്തിപ്പിക്കുകയാണെങ്കിൽ ഊർജ്ജ ഉപയോഗം 10 ശതമാനം കുറയ്ക്കുകയും ജലബാഷ്പം മാത്രം പുറത്തുവിടുകയും ചെയ്യുന്നു.

DHL Global Forwarding partners with Hyperview Saudi to pilot a hydrogen-powered heavy-duty truck in Jubail, supporting Saudi Vision 2030 and sustainable logistics. The HTO2.1 truck promises zero emissions and long-haul efficiency.