കാലിക്കറ്റ്

അഫ്‌സൽ - ഉൽ - ഉലമ പ്രവേശനം 
അഫിലിയേറ്റഡ് കോളജുകളിലേക്ക് 2025 - 2026 അധ്യയന വർഷത്തെ രണ്ടു വർഷ അഫ്‌സൽ - ഉൽ - ഉലമ ( പ്രിലിമിനറി ) പ്രവേശനത്തിനുള്ള അപേക്ഷ ക്ഷണിച്ചു. ജൂൺ അഞ്ചുവരെ ഓൺലൈനായി അപേക്ഷ സമർപ്പിക്കാം. ഫീസ് എസ്.സി, എസ്.ടി. - 205രൂപ, മറ്റുള്ളവർ - 495രൂപ. യോഗ്യത: എസ്.എസ്.എൽ.സി/ തത്തുല്യം. ഉയർന്ന പ്രായപരിധി 20 വയസ്. വിശദമായ വിജ്ഞാപനം പ്രവേശന വിഭാഗം വെബ്‌സൈറ്റിൽ admission.uoc.ac.in.

അപേക്ഷാ തീയതി നീട്ടി
സർവകലാശാലക്ക് കീഴിലുള്ള ആർട്‌സ് ആൻഡ് സയൻസ്, അറബിക് / ഓറിയന്റൽ കോളജുകളിലെ വിവിധ ബിരുദ / ബിരുദാനന്തര പ്രോഗ്രാമുകളിലെ അനുവദനീയമായ സീറ്റുകളിലേക്ക് നിബന്ധനകൾക്ക് വിധേയമായി 2025 - 26 അധ്യയനവർഷത്തേക്ക് മാത്രമായി താൽകാലിക സീറ്റ് വർധനവിന് അപേക്ഷാ തീയതി 31 വരേക്കു നീട്ടി.

പരീക്ഷാ അപേക്ഷ
എം.എഡ്. - രണ്ടാം സെമസ്റ്റർ ( 2021 പ്രവേശനം മുതൽ ) ജൂലൈ 2025, നാലാം സെമസ്റ്റർ ( 2020 പ്രവേശനം മുതൽ ) ഏപ്രിൽ 2025 റഗുലർ/ സപ്ലിമെന്ററി പരീക്ഷകൾക്ക് പിഴ കൂടാതെ ജൂൺ 16 വരെയും 200 രൂപ പിഴയോടെ ജൂൺ 20 വരെയും അപേക്ഷിക്കാം. ലിങ്ക് ജൂൺ രണ്ടു മുതൽ ലഭ്യമാകും

പരീക്ഷാഫലം
ഒന്നാം സെമസ്റ്റർ ( CCSS - 2023 പ്രവേശനം ) എം.എസ് സി. ഫിസിക്‌സ് നവംബർ 2024 സപ്ലിമെന്ററി പരീക്ഷകളുടെ ഫലം പ്രസിദ്ധീകരിച്ചു. മൂന്നാം സെമസ്റ്റർ ബി.പി.എഡ്. നവംബർ 2024 റഗുലർ / സപ്ലിമെന്ററി പരീക്ഷകളുടെ ഫ ലം പ്രസിദ്ധീകരിച്ചു. പുനർമൂല്യനിർണയത്തിന് ജൂൺ 10 വരെ അപേക്ഷിക്കാം.

അഞ്ചാം സെമസ്റ്റർ എൽ.എൽ.ബി. യൂനിറ്ററി, ബി.ബി.എ. എൽ.എൽ.ബി. ഹോണേഴ്സ് ( 2019 മുതൽ 2022 വരെ പ്രവേശനം ) നവംബർ 2024, ബി.ബി.എ. എൽ.എൽ.ബി. ഹോണേഴ്സ് ( 2017, 2018 പ്രവേശനം ) ഏപ്രിൽ 2025 റഗുലർ / സപ്ലിമെന്ററി പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിന് ജൂൺ 13 വരെ അപേക്ഷിക്കാം.

എംജി

ജർമൻ എ1, അപ്രീസിയേഷൻ പ്രോഗ്രാമുകൾ
മഹാത്മാ ഗാന്ധി സർവകലാശാലയുടെ ഡയരക്ടറേറ്റ് ഫോർ അപ്ലൈഡ് ഷോർട്ട്  ടേം പ്രോഗ്രാംസ്(ഡാസ്പ്) നടത്തുന്ന ജർമൻ എ1 പ്രോഗ്രാമിനും  അപ്രീസിയേഷൻ പ്രോഗ്രാമുകളിലേക്കും ഇപ്പോൾ അപേക്ഷിക്കാം. തിങ്കൾ മുതൽ വെള്ളിവരെ ഓൺലൈനിലും ശനിയാഴ്ച്ച ഓഫ്‌ലൈനായുമാണ് ജർമൻ എ1 പ്രോഗ്രാമിന്റെ ക്ലാസ് നടത്തുന്നത്.

മാസ്റ്ററിങ് ഇന്ത്യൻ സ്റ്റോക്ക് മാർക്കറ്റ്( ഓഫ് ലൈൻ- 14 ദിവസം), പൈതൺ ഡാംഗോ വെബ് ഡവലപ്‌മെന്റ് (ഹൈബ്രിഡ്- 60 മണിക്കൂർ), ഡിജിറ്റൽ ആൻഡ് സോഷ്യൽ മീഡിയ മാർക്കറ്റിങ് (ഓൺലൈൻ- 60 മണിക്കൂർ), അക്കൗണ്ടിങ് യൂസിങ് ടാലി പ്രൈം(ഓൺലൈൻ-40 മണിക്കൂർ) എന്നിവയാണ് അപ്രീസിയേഷൻ പ്രോഗ്രാമുകൾ. വിശദവിവരങ്ങൾക്ക് 8078786798, 0481 2733292 എന്നീ ഫോൺ നമ്പരുകളിൽ ബന്ധപ്പെടണം. ഇ മെയിൽ[email protected], വെബ്- dasp.mgu.ac.in.

പ്രാക്ടിക്കൽ
നാലാം സെമസ്റ്റർ എം.എസ്.സി ക്ലിനിക്കൽ ന്യൂടീഷൻ (2023 അഡ്മിഷൻ റഗുലർ, 2019 മുതൽ 2022 വരെ അഡ്മിഷനുകൾ റീ അപ്പിയറൻസ് ഏപ്രിൽ 2025) പരീക്ഷകളുടെ പ്രാക്ടിക്കൽ പരീക്ഷ ജൂലൈ 21 മുതൽ നടക്കും. നാലാം സെമസ്റ്റർ സി.ബി.സി.എസ്.എസ് (പുതിയ സ്‌കീം- 2023 അഡ്മിഷൻ റഗുലർ, 2022 അഡ്മിഷൻ  ഇംപ്രൂവ്മെന്റ്, 2018 മുതൽ 2022 വരെ അഡ്മിഷനുകൾ റീ അപ്പിയറൻസ് മാർച്ച് 2025) പരീക്ഷയുടെ ബിഎ കഥകളി വേഷം, കഥകളി സംഗീതം പ്രാക്ടിക്കൽ പരീക്ഷകൾ ജൂലൈ ഒൻപത്, 13 തീയതികളിലായി തൃപ്പൂണിത്തുറ ആർ.എൽ.വി കോളജ് ഓഫ് മ്യൂസിക് ആൻഡ് ഫൈൻ ആർട്സിൽ നടക്കും.

കൂടുതല്‍ Career വാര്‍ത്തകള്‍ക്ക് ഗ്രൂപ്പില്‍ ജോയിന്‍ ചെയ്യുക