ന്യൂഡൽഹി: രാജ്യത്ത് കോവിഡ് ബാധിച്ച് കഴിഞ്ഞ 24 മണിക്കൂറിനിടെ നാല് പേർ മരണപ്പെട്ടതായി ആരോഗ്യ കുടുംബക്ഷേമ മന്ത്രാലയം. ഡൽഹി, തമിഴ്‌നാട്, മഹാരാഷ്ട്ര, കേരളം എന്നീ സംസ്ഥാനങ്ങളിൽ ഓരോ മരണം വീതമാണ് റിപ്പോർട്ട് ചെയ്തത്. മാത്രാലയത്തിന്റെ കണക്കുകൾ പ്രകാരം തിങ്കളാഴ്ച രാവിലെ 8 മണി വരെ ഇന്ത്യയിലെ സജീവ കോവിഡ് -19 കേസുകൾ 3,961 ആയി ഉയർന്നു. 

ഈ വർഷം ജനുവരി മുതൽ ഇന്നലെ വരെ രാജ്യത്ത് കോവിഡ് മൂലം മരിച്ചവരുടെ എണ്ണം 32 ആയി ഉയർന്നു. ഞായറാഴ്ച നാല് മരണങ്ങൾ റിപ്പോർട്ട് ചെയ്യപ്പെട്ടു. ഔദ്യോഗിക കണക്കുകൾ പ്രകാരം, ഞായറാഴ്ച 203 പുതിയ കേസുകൾ സജീവ കേസുകൾ കൂടി റിപ്പോർട്ട് ചെയ്തിട്ടുണ്ട്. ഡൽഹിയിൽ 47 പുതിയ കേസുകൾ കൂടി റിപ്പോർട്ട് ചെയ്തതോടെ ദേശീയ തലസ്ഥാനത്ത് ആകെ സജീവമായ കേസുകളുടെ എണ്ണം 483 ആയി. 

ALSO READ: 41 വിമാനങ്ങൾ തകർത്ത യുക്രൈന്റെ ആക്രമണം സ്ഥിരീകരിച്ച് സെലൻസ്കി, ഉപയോഗിച്ചത് 117 ഡ്രോണുകൾ, 18 മാസത്തെ ആസൂത്രണം

കേരളത്തിൽ ഞായറാഴ്ച 35 പുതിയ കേസുകൾ റിപ്പോർട്ട് ചെയ്തതോടെ സജീവ കേസുകളുടെ എണ്ണം 1,435 ആയി ഉയർന്നു. മഹാരാഷ്ട്രയിൽ 21 പുതിയ കേസുകൾ റിപ്പോർട്ട് ചെയ്തതോടെ സജീവ കേസുകളുടെ എണ്ണം 506 ആയി. അതേസമയം, കേരളത്തിൽ കോവിഡ് പരിശോധന കൃത്യമായി നടക്കുന്നത് കൊണ്ടാണ് എണ്ണം ഉയർന്ന് കാണുന്നതെന്ന് ആരോഗ്യമന്ത്രി വീണ ജോർജ്ജ് പറഞ്ഞു.

പശ്ചിമ ബംഗാളിൽ 44 പുതിയ കേസുകൾ റിപ്പോർട്ട് ചെയ്യപ്പെട്ടു. ഇതോടെ സംസ്ഥാനത്തെ സജീവ കേസുകൾ 331 ആയി ഉയർന്നു. ഏത് സാഹചര്യവും കൈകാര്യം ചെയ്യാൻ കേന്ദ്രം പൂർണ്ണമായും സജ്ജമാണെന്ന് വെള്ളിയാഴ്ച കേന്ദ്ര ആരോഗ്യ-ആയുഷ് സഹമന്ത്രി പ്രതാപ്‌റാവു ജാദവ് ഉറപ്പ് നൽകി. കോവിഡ്-19 തരംഗങ്ങളുടെ തുടക്കത്തിൽ വികസിപ്പിച്ച അടിസ്ഥാന സൗകര്യങ്ങൾ അവലോകനം ചെയ്തിട്ടുണ്ടെന്നും ഏത് സാഹചര്യത്തെയും നേരിടാനുള്ള തയ്യാറെടുപ്പുകൾ പുരോഗമിക്കുകയാണെന്നും അദ്ദേഹം കൂട്ടിച്ചേർത്തു.

ALSO READ: ഗസ്സയിലെ ഏക ഡയാലിസിസ് കേന്ദ്രവും തകർത്ത് ഇസ്‌റാഈൽ; രോഗികൾക്ക് പോകാൻ ഇടമില്ല, 54 മരണം

അതേസമയം, സ്കൂൾ കുട്ടികളുടെ ആരോഗ്യം സംബന്ധിച്ച് സർക്കാർ, സ്വകാര്യ സ്കൂളുകൾ മുൻകരുതലുകൾ എടുക്കണമെന്ന് ആവശ്യപ്പെട്ട് കർണാടക ആരോഗ്യ വകുപ്പ് സർക്കുലർ പുറപ്പെടുവിച്ചു. സ്കൂൾ കുട്ടികൾക്ക് പനി, ചുമ, ജലദോഷം, മറ്റ് ലക്ഷണങ്ങൾ എന്നിവ ഉണ്ടായാൽ അവരെ സ്കൂളിലേക്ക് അയയ്ക്കരുത്. ഡോക്ടറുടെ നിർദ്ദേശപ്രകാരം ഉചിതമായ ചികിത്സയും പരിചരണ നടപടികളും പാലിക്കണമെന്നും സർക്കുലറിൽ നിർദേശം നൽകി.

In the past 24 hours, four COVID-19-related deaths have been reported in the country, according to the Ministry of Health and Family Welfare. One death each was recorded in Delhi, Tamil Nadu, Maharashtra, and Kerala.