ബെംഗളുരു: കര്‍ണാടകയിലെ ബെലഗാവിയില്‍ പതിനഞ്ചുകാരിയെ കൂട്ടബലാത്സംഗത്തിനിരയാക്കി ദൃശ്യം പകര്‍ത്തിയ അഞ്ചുപേര്‍ പിടിയില്‍. പ്രായപൂര്‍ത്തിയാകാത്ത പെണ്‍കുട്ടിയുടെ കാമുകനും സുഹൃത്തുക്കളുമാണ് ആക്രമണത്തിനു പിന്നിലെന്നാണ് റിപ്പോര്‍ട്ടുകള്‍.

ഒറ്റയ്ക്ക് താമസിക്കുന്ന സ്ത്രീയെ വീട്ടില്‍ കയറി പീഡിപ്പിക്കാന്‍ ശ്രമിച്ചു; വാളയാര്‍ കേസില്‍ ജാമ്യത്തില്‍ ഇറങ്ങിയ പ്രതി വീണ്ടും അറസ്റ്റില്‍ 

സംഘം രണ്ടു മാസത്തോളം പെണ്‍കുട്ടിയെ പീഡനത്തിരയാക്കി. പതിനഞ്ചുകാരിയെ തട്ടിക്കൊണ്ടു പോയ കാമുകനും സംഘവും ആദ്യം പെണ്‍കുട്ടിയെ പീഡനിത്തിരയാക്കി ദൃശ്യങ്ങള്‍ പകര്‍ത്തിയിരുന്നു. പിന്നീട് ഈ ദൃശ്യങ്ങള്‍ പുറത്തുവിടുമെന്ന് ഭീഷണിപ്പെടുത്തി വിവിധ സ്ഥലങ്ങളില്‍ എത്തിച്ച് പീഡിപ്പിക്കുകയായിരുന്നു.

പെണ്‍കുട്ടി അറിയിച്ചതിനെ തുടര്‍ന്ന് കുടുംബം പൊലിസില്‍ പരാതി നല്‍കുകയായിരുന്നു. 

കേസിനെക്കുറിച്ച് കൂടുതല്‍ കാര്യങ്ങള്‍ ഇപ്പോള്‍ വെളിപ്പെടുത്താനാകില്ലെന്ന് പൊലിസ് കമ്മീഷണര്‍ ബോറസെ ഭൂഷണ്‍ ഗുലാബ്രാവു പറഞ്ഞു. അഞ്ചു പ്രതികള്‍ കസ്റ്റഡിയിലാണെന്നും ഒരാളെ ഇനിയും പിടികൂടാനുണ്ടെന്നും അദ്ദേഹം പറഞ്ഞു.

'പൊലിസ് രജിസ്റ്റര്‍ ചെയ്ത കേസില്‍ എല്ലാ പ്രതികളും 18 വയസ്സിന് മുകളിലുള്ളവരാണ്. കുറ്റകൃത്യം ചെയ്തത് 6 കുറ്റവാളികള്‍ കൂടിച്ചേര്‍ന്നാണ്. 24 മണിക്കൂറിനുള്ളില്‍ ഞങ്ങള്‍ അവരില്‍ 5 പേരെ അറസ്റ്റ് ചെയ്തു, ഒരാള്‍ ഒളിവിലാണ്,' ഗുലാബ്രാവു പറഞ്ഞു.

കൊടുവള്ളിയിൽ യുവാവിനെ തട്ടികൊണ്ടുപോയ സംഘത്തിലെ ഒരാൾ കൂടി പിടിയിൽ

'ഞങ്ങളുടെ ഫോറന്‍സിക് സംഘം എല്ലാ തെളിവുകളും ശേഖരിച്ച് പ്രവര്‍ത്തിക്കുന്നുണ്ട്. ഈ ഹീനമായ കുറ്റകൃത്യം ചെയ്ത കുറ്റവാളികള്‍ കൂടുതല്‍ കാലം ജയിലില്‍ കഴിയുമെന്ന് ഉറപ്പാക്കും,' അദ്ദേഹം കൂട്ടിച്ചേര്‍ത്തു.