ന്യൂഡൽഹി: രാജ്യത്ത് കൊവിഡ് രോഗികളുടെ എണ്ണം വീണ്ടും ഉയരുന്നതിന്റെ പശ്ചാത്തലത്തിൽ കേന്ദ്ര സർക്കാർ ജാഗ്രത ശക്തമാക്കുന്നു. വിവിധ സംസ്ഥാനങ്ങളിൽ കോവിഡ് കേസുകൾ വർദ്ധിക്കുന്ന സാഹചര്യത്തിൽ കേന്ദ്ര ആരോഗ്യമന്ത്രാലയത്തിന്റെ നേതൃത്വത്തിൽ ഉന്നതതല യോഗം ചേർന്ന് നിലവിലെ സാഹചര്യം വിലയിരുത്തി.

കേന്ദ്രം പുറത്തുവിട്ട ഏറ്റവും പുതിയ കണക്കുകൾ പ്രകാരം, രാജ്യത്ത് നിലവിൽ 3,758 പേർക്ക് കൊവിഡ് സ്ഥിരീകരിച്ചിട്ടുണ്ട്. ഇതിൽ ഏറ്റവും കൂടുതൽ കേസുകൾ കേരളത്തിൽ നിന്നാണ് - 1,400 പേരാണ് നിലവിൽ കൊവിഡ് ബാധിതരായുള്ളത്.

മഹാരാഷ്ട്രയിൽ 506 കേസുകൾ റിപ്പോർട്ട് ചെയ്തതായി അവിടത്തെ ആരോഗ്യവകുപ്പ് അറിയിച്ചു. ഡൽഹി, ഗുജറാത്ത്, കർണാടക തുടങ്ങിയ സംസ്ഥാനങ്ങളിലുമാണ് കൊവിഡ് കേസുകളിൽ വർധനവ് രേഖപ്പെടുത്തുന്നത്.

എങ്കിലും രോഗവ്യാപനം ആശങ്കാജനകമാകാത്ത നിലവാരത്തിലാണെന്ന് ആരോഗ്യവകുപ്പ് അധികൃതർ വ്യക്തമാക്കിയിട്ടുണ്ട്. എന്നാൽ മുന്നൊരുക്കമായ് സംസ്ഥാനങ്ങളോട് ആശുപത്രികളിൽ മരുന്നുകൾ, ഓക്സിജൻ സിലിണ്ടറുകൾ, വാക്സിനുകൾ, കിടക്കകൾ എന്നിവ സജ്ജമാക്കാൻ കേന്ദ്രസർക്കാർ നിർദ്ദേശം നൽകി.

വിവിധ ജില്ലകളിൽ ജാഗ്രതാ നടപടികളും നിരീക്ഷണ സംവിധാനവും ശക്തമാക്കിയിട്ടുണ്ട്. പൊതുജനങ്ങൾ വ്യക്തിഗത ശുചിത്വം പാലിക്കുകയും, ആവശ്യമെങ്കിൽ മാസ്‌ക് ഉപയോഗിക്കുകയും ചെയ്യണമെന്ന് ആരോഗ്യവിഭാഗം പൊതുജനങ്ങളെ അറിയിച്ചു.ജാഗ്രതയും മുൻകരുതലും രോഗവ്യാപനം നിയന്ത്രിക്കാനുള്ള പ്രധാന വഴിയാണെന്ന് കേന്ദ്രം പറഞ്ഞു.

India is witnessing a rise in Covid-19 cases with 3,758 active cases reported nationwide, according to the Union Health Ministry. Kerala has recorded the highest number with 1,400 active infections. Maharashtra reported 506 cases, while Delhi, Gujarat, and Karnataka also show an upward trend. The central government has directed states to ensure availability of hospital beds, oxygen, medicines, and vaccines. Authorities stated there is no cause for alarm but urged continued vigilance.