അബൂദബി: മെയ് 29 മുതല്‍ യുഎഇയില്‍ പുതിയ മാധ്യമ ഉപയോഗ നിയന്ത്രണ, നിര്‍വ്വഹണം നിയമം നിലവില്‍വന്നിരിക്കുകയാണ്. പരമ്പരാഗത അച്ചടി- ഇലക്ട്രോണിക്, ഡിജിറ്റല്‍ പ്ലാറ്റ്‌ഫോമുകളിലുടനീളമുള്ള ലംഘനങ്ങളെ ലക്ഷ്യം വച്ചാണ് യുഎഇ മീഡിയ കൗണ്‍സില്‍ (UAE Media Council) വിശദമായ ചട്ടക്കൂട് കൊണ്ടുവന്നത്. ഒരു മില്യണ്‍ ദിര്‍ഹം വരെ പിഴയും (1.24 ലക്ഷം രൂപ) ലംഘനം ആവര്‍ത്തിച്ചാല്‍ രണ്ട് മില്യണ്‍ ദിര്‍ഹം വരെ പിഴയും ലഭിക്കുന്നതുള്‍പ്പെടെയുള്ള കുറ്റകൃത്യങ്ങളാണ് പുതിയ ചട്ടക്കൂടില്‍ ഉള്‍പ്പെടുത്തിയിരിക്കുന്നത്. 

പുതിയ ലൈസന്‍സിങ് നിയമങ്ങള്‍, കര്‍ശന ഉള്ളടക്ക മാനദണ്ഡങ്ങള്‍, തെറ്റായ വിവരങ്ങള്‍ പ്രചരിപ്പിക്കല്‍, മതപരമോ സദാചാരമോ ആയ ലംഘനങ്ങള്‍, ദേശസുരക്ഷയ്ക്കുള്ള ഭീഷണികള്‍ എന്നിവ സംബന്ധിച്ച് മാധ്യമങ്ങളിലെ ഉത്തരവാദിത്വത്തെക്കുറിച്ചാണ് നിയമത്തില്‍ പറയുന്നത്. പ്രധാന കുറ്റകൃത്യങ്ങളും അനുബന്ധ പിഴകളും നിയമലംഘനങ്ങളെ നിരവധി വിഭാഗങ്ങളായി ചട്ടക്കൂടില്‍ വിഭജിക്കുന്നു. ഓരോന്നിനും തീവ്രതയും ആവര്‍ത്തനവും അനുസരിച്ചാണ് ശിക്ഷ നിര്‍വചിക്കുന്നത്.

1. മത, സദാചാര ലംഘനങ്ങള്‍

മതവിശ്വാസങ്ങളെയോ ദൈവത്തെയോ അവഹേളിക്കല്‍: പത്തു ലക്ഷം ദിര്‍ഹം വരെ പിഴ.
പൊതു സദാചാരം ലംഘിക്കല്‍/ വിനാശകരമായ പ്രത്യയശാസ്ത്രങ്ങള്‍ പ്രോത്സാഹിപ്പിക്കല്‍: ഒരു ലക്ഷം ദിര്‍ഹം വരെ പിഴ.
കൊലപാതകം, ബലാത്സംഗം അല്ലെങ്കില്‍ മയക്കുമരുന്ന് ദുരുപയോഗം പോലുള്ള കുറ്റകൃത്യങ്ങള്‍ക്ക് പ്രേരിപ്പിക്കുന്ന ഉള്ളടക്കം: ഒന്നര ലക്ഷം ദിര്‍ഹം വരെ പിഴ.

2. രാഷ്ട്രത്തിനും ദേശീയ സുരക്ഷയ്ക്കും എതിരായ കുറ്റകൃത്യങ്ങള്‍
ദേശീയ ചിഹ്നങ്ങളെയോ ഭരണ സംവിധാനത്തെയോ രാഷ്ട്ര സ്ഥാപനങ്ങളെയോ അനാദരിക്കല്‍: 50,000 മുതല്‍ 500,000 ദിര്‍ഹം വരെ പിഴ.
ആഭ്യന്തര അല്ലെങ്കില്‍ വിദേശ നയത്തെ അപമാനിക്കല്‍: 50,000 മുതല്‍ 500,000 ദിര്‍ഹം വരെ പിഴ.
വിദേശ ബന്ധങ്ങളെയോ സാമൂഹിക ഐക്യത്തെയോ ദുര്‍ബലപ്പെടുത്തല്‍: 250,000 ദിര്‍ഹം വരെ പിഴ.

3. ലൈസന്‍സ് ലംഘനങ്ങള്‍
ലൈസന്‍സില്ലാതെ പ്രവര്‍ത്തിക്കല്‍: ആദ്യ കുറ്റകൃത്യത്തിന് 10,000 ദിര്‍ഹം പിഴ. ആവര്‍ത്തിച്ചുള്ള കുറ്റകൃത്യത്തിന്: 40,000 ദിര്‍ഹം പിഴ.
30 ദിവസത്തിനുള്ളില്‍ ലൈസന്‍സ് പുതുക്കിയില്ലെങ്കില്‍: ഓരോദിവസത്തിനും 150 ദിര്‍ഹം വീതം പിഴ. (പരമാവധി 3,000 ദിര്‍ഹം വരെ).
ലൈസന്‍സ് കൈമാറുകയോ നിര്‍മ്മിക്കുകയോ ചെയ്യല്‍: 20,000 ദിര്‍ഹം പിഴ.
കാലഹരണപ്പെട്ട ലൈസന്‍സ് ഉപയോഗിക്കല്‍: ആദ്യ കുറ്റകൃത്യത്തിന് 10,000 ദിര്‍ഹം. ആവര്‍ത്തിച്ചുള്ള കുറ്റകൃത്യത്തിന് 20,000 ദിര്‍ഹം പിഴ. 

4. തെറ്റായ വിവരങ്ങള്‍ പ്രസിദ്ധീകരിക്കല്‍

തെറ്റായ വിവരങ്ങള്‍ പ്രചരിപ്പിക്കല്‍: ആദ്യ കുറ്റകൃത്യത്തിന് 5,000 ദിര്‍ഹം പിഴ. ആവര്‍ത്തിച്ചുള്ള കുറ്റകൃത്യത്തിന് 10,000 ദിര്‍ഹം പിഴ.
പെര്‍മിറ്റ് ഇല്ലാതെ പുസ്തകമേള സംഘടിപ്പിക്കുകയോ തടസ്സപ്പെടുത്തുകയോ ചെയ്യല്‍: ദിര്‍ഹം 40,000 പിഴ. ആവര്‍ത്തിച്ചാല്‍ ഇരട്ടി.
ലൈസന്‍സില്ലാതെ ലഖുലേഘയോ മറ്റോ അച്ചടിക്കല്‍: 20,000 ദിര്‍ഹം പിഴ. ആവര്‍ത്തിച്ചാല്‍ ഇരട്ടിയാകും.

5. വിദേശ മാധ്യമപ്രവര്‍ത്തകര്‍

ലൈസന്‍സില്ലാതെ പ്രവര്‍ത്തിച്ചാല്‍: മൂന്നുതവണ വരെ രേഖാമൂലമുള്ള മുന്നറിയിപ്പ് നല്‍കും. ആവര്‍ത്തിച്ചുള്ള കുറ്റകൃത്യത്തിന് 10,000 ദിര്‍ഹം പിഴ. ഗുരുതരമായതോ ആവര്‍ത്തിച്ചുള്ളതോ ആയ കേസുകളില്‍ ആറ് മാസം വരെ താല്‍ക്കാലികമായി അടച്ചുപൂട്ടും, അല്ലെങ്കില്‍ എന്നന്നേക്കും അടച്ചുപൂട്ടും. അല്ലെങ്കില്‍ ലൈസന്‍സുകള്‍ റദ്ദാക്കും.

മാധ്യമങ്ങള്‍ക്കായി 20 നിര്‍ബന്ധിത ഉള്ളടക്ക മാനദണ്ഡങ്ങള്‍ 

• * ദൈവിക, ഇസ്ലാമിക വിശ്വാസങ്ങള്‍, മതങ്ങള്‍ എന്നിങ്ങനെ എല്ലാ വിശ്വാസങ്ങളോടുമുള്ള ബഹുമാനം.
• യുഎഇയുടെ ഭരണസംവിധാനം, ദേശീയ ചിഹ്നങ്ങള്‍, സ്ഥാപനങ്ങള്‍, സംസ്ഥാനത്തിന്റെ പരമോന്നത താല്‍പ്പര്യങ്ങള്‍ എന്നിവയോടുള്ള ബഹുമാനം. 
• * യുഎഇയുടെ ആഭ്യന്തര, വിദേശ നയങ്ങളോടുള്ള ബഹുമാനം. 
• * യുഎഇയുടെ വിദേശ ബന്ധങ്ങളെ തകര്‍ക്കുന്ന ഉള്ളടക്കം പാടില്ല. 
• * സാംസ്‌കാരിക പൈതൃകവും ദേശീയ സ്വത്വവും സംരക്ഷിക്കുക. 
• * ദേശീയ ഐക്യത്തെയോ സാമൂഹിക ഐക്യത്തെയോ ദുര്‍ബലപ്പെടുത്തുന്ന ഉള്ളടക്കമില്ലെന്ന് ഉറപ്പാക്കുക. 
• * വിഭാഗീയത, ഗോത്ര- പ്രാദേശിക പ്രകോപനം പാടില്ല.
• * അക്രമം, വിദ്വേഷ പ്രസംഗം അല്ലെങ്കില്‍ ഭീകരത എന്നിവ പ്രോത്സാഹിപ്പിക്കരുത്. 
• * സാമൂഹിക ധാര്‍മ്മിക മൂല്യങ്ങള്‍ പാലിക്കുകയും പൊതുതാല്‍പ്പര്യ സംരക്ഷിക്കുകയും ചെയ്യുക.
• * നിയമ, സാമ്പത്തിക, ജുഡീഷ്യല്‍ അല്ലെങ്കില്‍ സുരക്ഷാ സംവിധാനങ്ങളെ അപകീര്‍ത്തിപ്പെടുത്തുന്ന ഉള്ളടക്കം പാടില്ല
• * വ്യക്തിസ്വകാര്യതയെയും സ്വകാര്യ ജീവിതത്തെയും ബഹുമാനിക്കണം
• * കൊലപാതകം, ബലാത്സംഗം, മയക്കുമരുന്ന് ഉപയോഗം എന്നിവയുള്‍പ്പെടെയുള്ള കുറ്റകൃത്യങ്ങള്‍ക്ക് പ്രേരിപ്പിക്കുന്നതിനോ പ്രോത്സാഹിപ്പിക്കുന്നതിനോ കര്‍ശനമായ നിരോധനം.
• * പൊതു സദാചാരത്തെ ലംഘിക്കുന്നതോ കുട്ടികളെയോ യുവാക്കളെയോ ദ്രോഹിക്കുന്നതോ ആയ കുറ്റകരമായ ചിത്രങ്ങള്‍, ഭാഷ, പ്രയോഗം, ചിത്രീകരണങ്ങള്‍ എന്നിവ പാടില്ല. 
• * വ്യക്തികള്‍ക്കോ സ്ഥാപനങ്ങള്‍ക്കോ എതിരായ വ്യാജ വാര്‍ത്തകള്‍ പ്രസിദ്ധീകരിക്കരുത്.
• * ദേശീയ കറന്‍സിയെ ദോഷകരമായി ബാധിക്കുന്നതോ രാജ്യത്തിന്റെ സാമ്പത്തിക ശേഷിയെ ദുര്‍ബലപ്പെടുത്തുന്നതോ ആയ ഉള്ളടക്കമില്ലെന്ന് ഉറപ്പാക്കുക.
• കിംവദന്തികളോ തെറ്റായ വിവരങ്ങളോ പ്രചരിപ്പിക്കാതിരിക്കല്‍.
• * ശത്രുതാപരമായ രാഷ്ട്രീയ, വംശീയ, പ്രത്യയശാസ്ത്ര, സാമൂഹിക ഗ്രൂപ്പുകളെ മഹത്വവല്‍ക്കരിക്കുകയോ പ്രോത്സാഹിപ്പിക്കുകയോ അരുത്.
• * പൊതുനയവും പ്രൊഫഷണലിസവും ഉയര്‍ത്തിപ്പിടിക്കുന്നതിന് മാധ്യമപരിപാടികള്‍ അതിഥികളെയും പങ്കാളികളെയും ശ്രദ്ധാപൂര്‍വ്വം തിരഞ്ഞെടുക്കണം. 
• * യുഎഇയുടെ സംസ്‌കാരത്തെയും സ്വത്വത്തെയും മൂല്യങ്ങളെയും ബഹുമാനിക്കുന്നതാകണം പരസ്യങ്ങള്‍.
• * മീഡിയ കൗണ്‍സില്‍ അംഗീകരിച്ച പ്രായ വര്‍ഗ്ഗീകരണങ്ങള്‍ പാലിക്കണം.
• * കുട്ടികളുടെ സംരക്ഷണ നിയമങ്ങളും പ്രായപൂര്‍ത്തിയാകാത്തവരെ സംബന്ധിച്ച ദേശീയ നിയമനിര്‍മ്മാണവും പൂര്‍ണ്ണമായി പാലിക്കണം.

A wide-reaching new media law has officially come into force across the United Arab Emirates as from May 29, 2025, bringing with it a detailed framework for media regulation and enforcement. The law, announced by the UAE Media Council, targets violations across traditional and digital platforms with fines that can reach up to Dh1 million, and even Dh2 million for repeat offences.