അബൂദബി: ബലിപെരുന്നാള്‍ ആഘോഷ വേളയില്‍ യുഎഇ പ്രസിഡന്റ് ഹിസ് ഹൈനസ് ഷെയ്ഖ് മുഹമ്മദ് ബിന്‍ സായിദ് അല്‍ നഹ്യാന്‍, സുപ്രീം കൗണ്‍സില്‍ അംഗങ്ങളായ എമിറേറ്റ്‌സ് ഭരണാധികാരികള്‍, കിരീടാവകാശികള്‍, ഡെപ്യൂട്ടി ഭരണാധികാരികള്‍, ഷെയ്ഖുമാര്‍ എന്നിവരെ സ്വീകരിച്ചു.

അബൂദബിയിലെ അല്‍ മുഷ്‌രിഫ് പാലസില്‍ നടന്ന ചടങ്ങില്‍, നേതാക്കള്‍ ഈദ് ആശംസകള്‍ കൈമാറി. എല്ലാവര്‍ക്കും ആരോഗ്യവും സന്തോഷവും തുടര്‍ന്നും ലഭിക്കാനും, ഈ അവസരം യുഎഇ ജനതയ്ക്ക് അനുഗ്രഹങ്ങളും സമൃദ്ധിയും സമാധാനവും നല്‍കാനും അവര്‍ പ്രാര്‍ത്ഥിച്ചു. 

അബൂദബിയിലെ അല്‍ മുഷ്രിഫ് കൊട്ടാരത്തില്‍ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ഹിസ് ഹൈനസ് ഷെയ്ഖ് മുഹമ്മദ് ബിന്‍ റാഷിദ് അല്‍ മക്തൂം, സുപ്രീം കൗണ്‍സില്‍ അംഗവും ഷാര്‍ജ ഭരണാധികാരിയുമായ എച്ച്.എച്ച്. ഡോ. ഷെയ്ഖ് സുല്‍ത്താന്‍ ബിന്‍ മുഹമ്മദ് അല്‍ ഖാസിമി, സുപ്രീം കൗണ്‍സില്‍ അംഗവും അജ്മാന്‍ ഭരണാധികാരിയുമായ എച്ച്.എച്ച്. ഷെയ്ഖ് ഹുമൈദ് ബിന്‍ റാഷിദ് അല്‍ നുഐമി, സുപ്രീം കൗണ്‍സില്‍ അംഗവും ഫുജൈറ ഭരണാധികാരിയുമായ എച്ച്.എച്ച്. ഷെയ്ഖ് ഹമദ് ബിന്‍ മുഹമ്മദ് അല്‍ ഷര്‍ഖി, സുപ്രീം കൗണ്‍സില്‍ അംഗവും ഉമ്മുല്‍ ഖൈവൈന്‍ ഭരണാധികാരിയുമായ എച്ച്.എച്ച്. ഷെയ്ഖ് സൗദ് ബിന്‍ റാഷിദ് അല്‍ മുഅല്ല, സുപ്രീം കൗണ്‍സില്‍ അംഗവും റാസല്‍ഖൈമ ഭരണാധികാരിയുമായ എച്ച്.എച്ച്. ഷെയ്ഖ് സഊദ് ബിന്‍ സഖര്‍ അല്‍ ഖാസിമി എന്നിവര്‍ക്ക് സ്വീകരണം നല്‍കി.

ചടങ്ങില്‍ വൈസ് പ്രസിഡന്റും ഡെപ്യൂട്ടി പ്രധാനമന്ത്രിയും പ്രസിഡന്‍ഷ്യല്‍ കോര്‍ട്ട് ചെയര്‍മാനുമായ ഷെയ്ഖ് മന്‍സൂര്‍ ബിന്‍ സായിദ് അല്‍ നഹ്യാനും പങ്കെടുത്തു.
 
അബൂദബി കിരീടാവകാശി ഷെയ്ഖ് ഖാലിദ് ബിന്‍ മുഹമ്മദ് ബിന്‍ സായിദ് അല്‍ നഹ്യാന്റെ സാന്നിധ്യത്തില്‍ യുഎഇ പ്രസിഡന്റ് ഹിസ് ഹൈനസ് ഷെയ്ഖ് മുഹമ്മദ് ബിന്‍ സായിദ് അല്‍ നഹ്യാനും ആശംസകള്‍ നേര്‍ന്നു. ദുബൈ കിരീടാവകാശിയും ഉപപ്രധാനമന്ത്രിയും പ്രതിരോധ മന്ത്രിയുമായ ഷെയ്ഖ് ഹംദാന്‍ ബിന്‍ മുഹമ്മദ് ബിന്‍ റാഷിദ് അല്‍ മക്തൂം; ഷാര്‍ജ കിരീടാവകാശിയും ഉപഭരണാധികാരിയുമായ ഷെയ്ഖ് സുല്‍ത്താന്‍ ബിന്‍ മുഹമ്മദ് ബിന്‍ സുല്‍ത്താന്‍ അല്‍ ഖാസിമി; അജ്മാന്‍ കിരീടാവകാശി ഷെയ്ഖ് അമ്മാര്‍ ബിന്‍ ഹുമൈദ് അല്‍ നുഐമി; ഉമ്മുല്‍ ഖൈവൈനിലെ കിരീടാവകാശി എച്ച്.എച്ച് ഷെയ്ഖ് റാഷിദ് ബിന്‍ സഊദ് ബിന്‍ റാഷിദ് അല്‍ മുഅല്ല; റാസല്‍ഖൈമ കിരീടാവകാശി ഷെയ്ഖ് മുഹമ്മദ് ബിന്‍ സഊദ് ബിന്‍ സഖര്‍ അല്‍ ഖാസിമി; ഉമ്മുല്‍ ഖുവൈനിലെ ഉപഭരണാധികാരി ഷെയ്ഖ് അഹമ്മദ് ബിന്‍ സഊദ് ബിന്‍ റാഷിദ് അല്‍ മുഅല്ല എന്നിവരും ഈദ് ആശംസകള്‍ നേര്‍ന്നു.

യുഎഇയെ പുരോഗതിയുടെയും സമൃദ്ധിയുടെയും പാതയില്‍ ദൈവം തുടര്‍ന്നും നയിക്കട്ടെയെന്ന് അവര്‍ ആശംസിച്ചു. രാഷ്ട്രത്തിന്റെ വികസനത്തെ പിന്തുണയ്ക്കാനും, ജനങ്ങളുടെ ശോഭനമായ ഭാവി ഉറപ്പാക്കാനും, യുഎഇയുടെ നേട്ടങ്ങളും ആഗോള പ്രതിഷ്ഠയും വര്‍ധിപ്പിക്കാനും അവര്‍ ഒന്നിച്ചുള്ള പ്രതിബദ്ധത പ്രകടിപ്പിച്ചു.

On the occasion of Eid Al Adha, UAE President His Highness Sheikh Mohamed bin Zayed Al Nahyan welcomed Supreme Council Members, Rulers of the Emirates, Crown Princes, Deputy Rulers, and Sheikhs at Al Mushrif Palace in Abu Dhabi. The event featured the exchange of Eid greetings and prayers for the UAE’s continued prosperity, security, and progress.