ഇന്ത്യൻ സ്പിന്നർ പിയൂഷ് ചൗള ക്രിക്കറ്റിൽ നിന്നും വിരമിക്കൽ പ്രഖ്യാപിച്ചു. തന്റെ സോഷ്യൽ മീഡിയ അക്കൗണ്ടിലൂടെയാണ് പിയൂഷ് ചൗള വിരമിക്കൽ പ്രഖ്യാപനം ക്രിക്കറ്റ് ലോകത്തെ അറിയിച്ചത്. ഇന്ത്യൻ ക്രിക്കറ്റിന് ഒരുപിടി സംഭാവനകൾ നൽകിയ പ്രതിഭയാണ് ചൗള.  ഇന്ത്യക്കുവേണ്ടി 2006ൽ റെഡ് ബോൾ ക്രിക്കറ്റിൽ അരങ്ങേറ്റം കുറിച്ച ചൗള ആറ് ഇന്നിങ്സുകളിൽ നിന്നും നിന്നും ഏഴ് വിക്കറ്റുകളാണ് സ്വന്തമാക്കിയിട്ടുള്ളത്. ഇംഗ്ലണ്ടിനെതിരെ ടെസ്റ്റ് ക്രിക്കറ്റിൽ അരങ്ങേറ്റം കുറിച്ച താരം 2012 വരെയാണ് ഇന്ത്യൻ റെഡ് ബോൾ ക്രിക്കറ്റ് ജേഴ്സി അണിഞ്ഞത്. 

ഏകദിനത്തിൽ ഇന്ത്യയ്ക്ക് വേണ്ടി 32 വിക്കറ്റുകൾ സ്വന്തമാക്കിയ താരം കുട്ടി ക്രിക്കറ്റിൽ നാല് വിക്കറ്റുകളും കൈപ്പിടിയിൽ ആക്കിയിട്ടുണ്ട്. 2007 ടി-20 ലോകകപ്പ്, 2011 ഏകദിന ലോകകപ്പ് എന്നീ കിരീടങ്ങൾ സ്വന്തമാക്കിയ ഇന്ത്യൻ ടീമിലെ അംഗമായിരുന്നു പിയൂഷ്‌ ചൗള.

ഫസ്റ്റ് ക്ലാസ് ക്രിക്കറ്റിലും തന്റെ പ്രതിഭ അടയാളപ്പെടുത്തിയ താരമാണ് ചൗള. 137 ഫസ്റ്റ് ക്ലാസ് മത്സരങ്ങളിൽ നിന്നും 446 വിക്കറ്റുകളാണ് താരം സ്വന്തമാക്കിയിട്ടുള്ളത്. ഇതിൽ 23 തവണ ഫൈഫർ വിക്കറ്റ് നേട്ടങ്ങളും അദ്ദേഹം സ്വന്തമാക്കിയിട്ടുണ്ട്. 164 ലിസ്റ്റ് മത്സരങ്ങളിൽ നിന്നും 254 വിക്കറ്റുകളും വീഴ്ത്തിയിട്ടുള്ള താരമാണ് ചൗള.

ഐപിഎല്ലിൽ വിവിധ ഫ്രാഞ്ചൈസികൾക്ക് വേണ്ടി കളിക്കാനും താരത്തിന് സാധിച്ചിട്ടുണ്ട്. പഞ്ചാബ് കിങ്സ് കൊൽക്കത്ത നൈറ്റ് റൈഡേഴ്സ് ചെന്നൈ സൂപ്പർ കിങ്സ് മുംബൈ ഇന്ത്യൻസ് എന്നീ ടീമുകൾക്ക് വേണ്ടിയായിരുന്നു ചൗള പന്തെറിഞ്ഞത്. 2014ൽ കൊൽക്കത്ത നൈറ്റ് റൈഡേഴ്‌സിനൊപ്പം ഐപിഎൽ കിരീടം നേടാനും ചൗളക്ക് സാധിച്ചു. 

Indian spinner Piyush Chawla has announced his retirement from cricket