യുവേഫ നേഷന്‍സ് ലീഗ് കിരീടം സ്വന്തമാക്കി പോര്‍ച്ചുഗല്‍. ഫൈനലില്‍ സ്‌പെയിനെ പെനല്‍റ്റി ഷൂട്ടൗട്ടില്‍ 5-3 ന് തോല്‍പ്പിച്ചാണ് റോണോയുടെയും സംഘത്തിന്റെയും വിജയം. നിശ്ചിത സമയത്തും അധിക സമയത്തും 2-2 എന്ന സ്‌കോറില്‍ സമനിലയില്‍ പിരിഞ്ഞ മത്സരത്തില്‍, പെനല്‍റ്റി ഷൂട്ടൗട്ടിലൂടെയാണ് പോര്‍ച്ചുഗല്‍ വിജയികളായത്. ന്യൂനോ മെന്‍ഡസ് മത്സരത്തിലെ മികച്ച താരമായി തെരഞ്ഞെടുക്കപ്പെട്ടു.

21ാം മിനിറ്റില്‍ മാര്‍ട്ടിന്‍ സുബി മെന്‍ഡിയുടെ ഗോളില്‍ സ്‌പെയിന്‍ ലീഡെടുത്തു. എന്നാല്‍ അഞ്ച് മിനിറ്റ് തികയും മുന്‍പേ 25ാം മിനിറ്റില്‍ ന്യൂനോ മെന്‍ഡസ് പോര്‍ച്ചുഗലിനെ ഒപ്പമെത്തിച്ചു. എന്നാല്‍ മത്സരത്തിന്റെ ആദ്യ പകുതി അവസാനിക്കുന്നതിന് മുന്‍പ് 45ാം മിനിറ്റില്‍ മൈക്കല്‍ ഒയാര്‍സബാലിലൂടെ സ്‌പെയിന്‍ വീണ്ടും മുന്നിലെത്തി. എന്നാല്‍, സ്‌പെയിനിന്റെ കിരീട മോഹങ്ങള്‍ക്ക് അന്തകനായി റൊണാള്‍ഡോ അവതരിച്ചു. 61ാം മിനിറ്റിലായിരുന്നു റൊണാള്‍ഡോയുടെ സമനില ഗോള്‍. പിന്നീട് 90 മിനിറ്റ് വരെയും, എക്‌സ്ട്രാടൈമിലും മത്സരം സമനിലയില്‍ തുടര്‍ന്നു. 

പെനല്‍റ്റി ഷൂട്ടൗട്ടിലേക്കു നീണ്ട മത്സരത്തില്‍ പോര്‍ച്ചുഗലിനായി കിക്കെടുത്ത എല്ലാവരും ലക്ഷ്യം കണ്ടു. എന്നാല്‍ മറുവശത്ത്, സ്പാനിഷ് താരം അല്‍വാരോ മൊറാട്ടയുടെ പെനല്‍റ്റി പോര്‍ച്ചുഗല്‍ ഗോള്‍കീപ്പര്‍ ഡിയോഗോ കോസ്റ്റ തടഞ്ഞത് മത്സരം പോര്‍ച്ചുഗലിന് അനുകൂലമാക്കി.

പോര്‍ച്ചുഗലനായി റൊണാള്‍ഡോ നേടുന്ന മൂന്നാം കിരീടമാണിത്. (2016 യൂറോ, 2019 നേഷന്‍സ് ലീഗ്). ഇതോടെ അന്താരാഷ്ട്ര കരിയറില്‍ റൊണാള്‍ഡോ നേടുന്ന ഗോളുകളുടെ എണ്ണം 138 ആയി.

Portugal clinched the UEFA Nations League title after a thrilling 5-3 penalty shootout victory over Spain following a 2-2 draw in regulation and extra time. Cristiano Ronaldo and his squad secured their second Nations League triumph in a dramatic final, with Nuno Mendes named Player of the Match. The win adds to Portugal's growing trophy cabinet, cementing their status as a European football powerhouse.