ന്യൂഡല്‍ഹി: ഡല്‍ഹിയില്‍ ഒമ്പത് വയസുകാരിയെ ബലാത്സംഗം ചെയ്ത് കൊലപ്പെടുത്തിയ ശേഷം മൃതദേഹം സ്യൂട്ട് കേസില്‍ ഒളിപ്പിച്ച സംഭവത്തില്‍ പ്രതിക്കായി തെരച്ചില്‍ ഊര്‍ജ്ജിതം. 

വടക്ക് കിഴക്കന്‍ ഡല്‍ഹിയിലെ ദയാല്‍പൂരില്‍ ശനിയാഴ്ചയായിരുന്നു സംഭവം. പെണ്‍കുട്ടിയുടെ അയല്‍ക്കാരന്റെ വീട്ടിലാണ് സ്യൂട്ട്‌കേസില്‍ മൃതദേഹം ഒളിപ്പിച്ചനിലയില്‍ കണ്ടത്. രക്തംവാര്‍ന്ന നിലയില്‍ കണ്ടെത്തിയ പെണ്‍കുട്ടിയെ ജെ.പി.സി ആശുപത്രിയിലെത്തിച്ചെങ്കിലും മരിച്ചതായി ഡോക്ടര്‍മാര്‍ സ്ഥിരീകരിക്കുകയായിരുന്നു. മൃതദേഹത്തില്‍ ലൈംഗികാതിക്രമത്തിന്റെ ലക്ഷണങ്ങളും കണ്ടെത്തി. ഭാരതീയ ന്യായ സംഹിതയിലെ വിവിധ വകുപ്പുകള്‍, പോക്‌സോ നിയമത്തിലെ സെക്ഷന്‍ 6 പ്രകാരവുമാണ് കേസെടുത്തിട്ടുള്ളത്. 

ശനിയാഴ്ച വൈകുന്നേരം അമ്മാവന്റെ വീട്ടില്‍ പോയ പെണ്‍കുട്ടി ഏറെനേരം കഴിഞ്ഞിട്ടും തിരിച്ചെത്താത്തതിനേ തുടര്‍ന്ന് നടത്തിയ തിരച്ചിലിലാണ്, അടുത്തവീട്ടിലേക്ക് കുട്ടി കയറിപ്പോകുന്നത് കണ്ടതായി തെരുവില്‍ കളിച്ചുകൊണ്ടിരുന്ന കുട്ടികളില്‍നിന്ന് അറിഞ്ഞത്. തുടര്‍ന്ന് പെണ്‍കുട്ടിയുടെ പിതാവ് അടുത്ത വീട്ടിലെത്തിയപ്പോള്‍ പൂട്ടിയിട്ടനിലയിലായിരുന്നു. സമീപത്തുണ്ടായിരുന്ന നാട്ടുകാരോടൊപ്പം വീടിന്റെ വാതില്‍ പൊളിച്ച് കയറിയപ്പോള്‍ ഒരു സ്യൂട്ട്‌കേസില്‍ നിന്ന് രക്തം ഒഴുകുന്നതായി കണ്ടെത്തുകയായിരുന്നു.

In a gruesome murder that unfolded on Saturday evening, a nine-year-old girl was allegedly sexually assaulted and murdered by her 30-year-old neighbour at his house near Dayalpur in northeast Delhi, after which he stuffed her body in a suitcase to hide it, police officers said on Sunday.