മുംബൈ: മുംബൈയിൽ നിന്ന് ലണ്ടനിലേക്ക് പുറപ്പെട്ട വിമാനം ഇന്ത്യയിലേക്ക് തിരിച്ച് മടങ്ങി. എയർ ഇന്ത്യയുടെ  AIC 129 വിമാനമാണ് തിരിച്ചുവന്നത്. ഇന്ന് രാവിലെ മുംബൈ വിമാനത്താവളത്തിൽ നിന്ന് പുറപ്പെട്ട വിമാനമാണ് ഇത്. മൂന്ന് മണിക്കൂർ ആകാശത്ത് ചെലവഴിച്ചതിന് ശേഷം മുംബൈയിൽ തിരിച്ചെത്തിയതായി ഫ്ലൈറ്റ്റാഡാർ 24 ഡാറ്റ ഉദ്ധരിച്ച് വാർത്താ ഏജൻസി പിടിഐ റിപ്പോർട്ട് ചെയ്തു. 

മുംബൈ-ലണ്ടൻ വിമാനം പുലർച്ചെ 5:39 ന് ആണ് പുറപ്പെട്ടത്. എന്നാൽ, ഇറാനിലെ സ്ഥിതിഗതികളും വ്യോമാതിർത്തി അടച്ചതും കാരണം തങ്ങളുടെ നിരവധി വിമാനങ്ങൾ വഴിതിരിച്ചുവിടുകയോ ഉത്ഭവസ്ഥാനത്തേക്ക് മടങ്ങുകയോ ചെയ്യുന്നുണ്ടെന്ന് എയർ ഇന്ത്യ പ്രസ്താവനയിൽ പറഞ്ഞു.

എയർ ഇന്ത്യയുടെ  വഴി തിരിച്ചുവിടുകയോ മടങ്ങുകയോ ചെയ്യുന്ന വിമാനങ്ങൾ

AI130 - ലണ്ടൻ ഹീത്രോ-മുംബൈ - വിയന്നയിലേക്ക് വഴിതിരിച്ചുവിട്ടു
AI102 - ന്യൂയോർക്ക്-ഡൽഹി - ഷാർജയിലേക്ക് വഴിതിരിച്ചുവിട്ടു
AI116 - ന്യൂയോർക്ക്-മുംബൈ - ജിദ്ദയിലേക്ക് വഴിതിരിച്ചുവിട്ടു
AI2018 - ലണ്ടൻ ഹീത്രോ-ഡൽഹി - മുംബൈയിലേക്ക് വഴിതിരിച്ചുവിട്ടു
AI129 - മുംബൈ-ലണ്ടൻ ഹീത്രോ - മുംബൈയിലേക്ക് തിരികെവന്നു
AI119 - മുംബൈ-ന്യൂയോർക്ക് - മുംബൈയിലേക്ക് തിരികെവന്നു
AI103 - ഡൽഹി-വാഷിംഗ്ടൺ - ഡൽഹിയിലേക്ക് തിരികെവന്നു
AI106 - ന്യൂവാർക്ക്-ഡൽഹി - ഡൽഹിയിലേക്ക് തിരികെവന്നു
AI188 - വാൻകൂവർ-ഡൽഹി - ജിദ്ദയിലേക്ക് വഴിതിരിച്ചുവിട്ടു
AI101 - ഡൽഹി-ന്യൂയോർക്ക് - ഫ്രാങ്ക്ഫർട്ട്/മിലാൻ
AI126 - ചിക്കാഗോ-ഡൽഹി - ജിദ്ദയിലേക്ക് വഴിതിരിച്ചുവിട്ടു
AI132 - ലണ്ടൻ ഹീത്രോ-ബെംഗളൂരു - ഷാർജയിലേക്ക് വഴിതിരിച്ചുവിട്ടു
AI2016 - ലണ്ടൻ ഹീത്രോ-ഡൽഹി - വിയന്നയിലേക്ക് വഴിതിരിച്ചുവിട്ടു
AI104 - വാഷിംഗ്ടൺ-ഡൽഹി - വിയന്നയിലേക്ക് വഴിതിരിച്ചുവിട്ടു
AI190 - ടൊറന്റോ-ഡൽഹി - ഫ്രാങ്ക്ഫർട്ടിലേക്ക് വഴിതിരിച്ചുവിട്ടു
AI189 - ഡൽഹി-ടൊറന്റോ - ഡൽഹിയിലേക്ക് മടങ്ങുന്നു

"ഈ അപ്രതീക്ഷിത തടസ്സം മൂലം യാത്രക്കാർക്കുണ്ടായ അസൗകര്യത്തിൽ ഞങ്ങൾ ഖേദിക്കുന്നു. യാത്രക്കാർക്ക് താമസ സൗകര്യം ഒരുക്കുന്നത് ഉൾപ്പെടെ, ഇത് പരമാവധി കുറയ്ക്കാൻ ഞങ്ങൾ എല്ലാ ശ്രമങ്ങളും നടത്തുന്നു എന്ന് എയർ ഇന്ത്യ പ്രസ്താവനയിൽ പറഞ്ഞു. റദ്ദാക്കൽ അല്ലെങ്കിൽ സൗജന്യ റീഷെഡ്യൂളിംഗ് തിരഞ്ഞെടുക്കുന്ന യാത്രക്കാർക്ക് റീഫണ്ട് വാഗ്ദാനം ചെയ്യുന്നുണ്ട് എയർ ഇന്ത്യ. യാത്രക്കാരെ അവരുടെ ലക്ഷ്യസ്ഥാനങ്ങളിലേക്ക് കൊണ്ടുപോകുന്നതിന് ബദൽ ക്രമീകരണങ്ങൾ ഏർപ്പെടുത്തിയിട്ടുള്ളതായും എയർ ഇന്ത്യ പ്രസ്താവനയിൽ വ്യക്തമാക്കി.

അതേസമയം അഹമ്മദാബാദ് വിമാന ദുരന്തത്തിൽ മരണസംഖ്യ 290 ആയി. വിമാനത്തിലുണ്ടായിരുന്ന 229 യാത്രക്കാരും 12 ജീവനക്കാരും മരിച്ചതായി സ്ഥിരീകരിച്ചു. ഒരാൾ മാത്രമാണ് അത്ഭുതകരമായി രക്ഷപ്പെട്ടത്. ബ്രിട്ടീഷ് പൗരനായ വിശ്വാസ് കുമാർ രമേഷ് ആണ് രക്ഷപ്പെട്ടത്. യാത്രക്കാർക്ക് പുറമേ വിമാനം ഇടിച്ചിറങ്ങിട്ട മെഡിക്കൽ കോളേജ് മെസ്സിൽ ഉണ്ടായിരുന്ന വിദ്യാർഥികളും പ്രദേശവാസികളും ഉൾപ്പെടെ 49 പേരും മരിച്ചിട്ടുണ്ട്. വിമാനത്തിൽ ഉണ്ടായിരുന്ന പത്തനംതിട്ട സ്വദേശിനി രഞ്ജിത ജി. നായർ എന്ന നഴ്‌സും ഉൾപ്പെടുന്നു. എയർ ഇന്ത്യയുടെ AI 171 വിമാനമാണ് ലണ്ടനിലേക്കുള്ള ടേക്ക് ഓഫിനിടെ മേഘാനി നഗറിലെ ജനവാസ മേഖലയോട് ചേർന്ന പ്രദേശത്ത് തകർന്ന് വീണത്. വ്യാഴാഴ്ച ഉച്ചയ്ക്ക് 1.39 ന് ആണ് ബോയിങ് 787-8 ഡ്രീം ലൈനർ അപകടത്തിപെട്ടത്.

A flight from Mumbai to London returned to India. It was Air India's AIC 129 flight that turned back. The flight had departed from Mumbai airport this morning. After spending three hours in the air, it returned to Mumbai, according to FlightRadar24 data cited by news agency PTI.