തെഹ്‌റാന്‍: ഇസ്‌റാഈല്‍ ആക്രമണത്തില്‍ കൊല്ലപ്പെട്ടവരില്‍ യുവ ഇറാനി കവയത്രി പര്‍ണിയ അബ്ബാസിയും. തെഹ്‌റാന് സമീപത്തെ സത്താര്‍ ഖാനിലുണ്ടായ ആക്രമണത്തിലാണ് പര്‍ണിയ (23) കൊല്ലപ്പെട്ടത്. വ്യോമാക്രമണത്തില്‍ പര്‍ണിയയും അവരുടെ മാതാപിതാക്കളും 16 വയസ്സുള്ള ഇളയ സഹോദരന്‍ പര്‍ഹാമും കൊല്ലപ്പെട്ടു. സത്താര്‍ഖാന്‍ സ്ട്രീറ്റിലെ ഓര്‍ക്കിഡ് കോംപ്ലക്‌സിലുള്ള കുടുംബത്തിന്റെ വീട് മൊത്തം തകരുകയുംചെയ്തു. അവരുടെ ഇളംശരീരം തകര്‍ന്ന കെട്ടിടാവശിഷ്ടങ്ങളുടെ കോണ്‍ക്രീറ്റ് കട്ടികള്‍ക്കിടയില്‍ ഞെരിഞ്ഞമര്‍ന്നുകിടക്കുന്ന ചിത്രങ്ങള്‍ സോഷ്യല്‍മീഡിയയില്‍ പ്രചരിക്കുന്നുണ്ട്. ബോംബാക്രമണം നടന്ന് സംഭവസ്ഥലത്തെത്തിയപ്പോള്‍ രക്ഷാപ്രവര്‍ത്തകര്‍ പര്‍ണിയയുടെയും സഹോദരന്റെയും മൃതദേഹങ്ങള്‍ അവശിഷ്ടങ്ങളില്‍ നിന്ന് പുറത്തെടുക്കുന്നത് കണ്ടതായി അടുത്ത സുഹൃത്ത് മറിയം പറഞ്ഞു. ഇറാനിലെ പുതിയ തലമുറ കവികളില്‍ ഏറ്റവും അംഗീകാരം ലഭിച്ചവരില്‍ ഒരാള്‍ക്കൂടിയായിരുന്നു പര്‍ണിയ. 

കാസ്‌വിന്‍ ഇന്റര്‍നാഷണല്‍ യൂണിവേഴ്‌സിറ്റിയില്‍ നിന്ന് ഇംഗ്ലീഷ് വിവര്‍ത്തനത്തില്‍ ബിരുദം നേടിയ അവര്‍ ഒരു ഇംഗ്ലീഷ് അദ്ധ്യാപികയും ബാങ്ക് മെല്ലിയുടെ സെന്‍ട്രല്‍ ബ്രാഞ്ചിലെ സ്റ്റാഫ് അംഗവുമായിരുന്നു. അടുത്തിടെ, മാനേജ്‌മെന്റില്‍ മാസ്റ്റേഴ്‌സ് പ്രോഗ്രാമിലേക്ക് അവര്‍ക്ക് പ്രവേശനം ലഭിച്ചിരുന്നു. പക്ഷേ ജോലി നിലനിര്‍ത്താന്‍ പഠനം മാറ്റിവയ്ക്കാന്‍ തീരുമാനിച്ചു.

അകാലത്തില്‍ അണഞ്ഞുപോയ ജീവിതത്തിന്റെയും വെളിച്ചത്തിന്റെയും ദുഃഖം പകര്‍ത്തുന്ന 'ദി എക്സ്റ്റിങ്വിഷ്ഡ് സ്റ്റാര്‍' (അണഞ്ഞുപോയ നക്ഷത്രം) എന്ന ഹൃദയസ്പര്‍ശിയായ അവരുടെ കവിത എറെ പ്രശസ്തമാണ്. മരണത്തിന് പിന്നാലെ അവരുടെ കവിത സോഷ്യല്‍മീഡിയയില്‍ പ്രചരിക്കുന്നുണ്ട്.

പര്‍ണിയയുടെ കവിത

'ഞാന്‍ രണ്ടുപേര്‍ക്കും വേണ്ടി കരഞ്ഞു
നിങ്ങള്‍ക്കായി, എനിക്ക് വേണ്ടി.
പുക പോലെ നിങ്ങളുടെ ആകാശത്ത്
കെടുത്തിയ ആ നക്ഷത്രമായിരിക്കും ഞാന്‍
നിങ്ങളുടെ ലോകത്ത് പ്രകാശ സ്വാതന്ത്ര്യമുണ്ട് 
എന്റെ ലോകത്ത് നിഴലുകളുടെ കളി 
എവിടെയോ.. നീയും ഞാനും അവസാനിക്കുന്നു. 
ലോകത്തിലെ ഏറ്റവും മനോഹരമായ കവിത 
നിശബ്ദമായി വീഴുന്നു 
എവിടെയോ നീ തുടങ്ങുന്നു 
നീ ജീവിതത്തിന്റെ മര്‍മ്മം നിലവിളിക്കുന്നു 
ആയിരം സ്ഥലങ്ങളില്‍ 
ഞാന്‍ ഒരു അവസാനത്തിലെത്തുന്നു 
ഒരു നിശബ്ദ നക്ഷത്രമായി ഞാന്‍ കത്തുന്നു
അത് നിങ്ങളുടെ ആകാശത്ത് പുകയായി മാറുന്നു...'

ഗസല്‍ മുസദ്ദിഖ് വിവര്‍ത്തനം ചെയ്ത് പമേനാര്‍ പ്രസ്സ് പ്രസിദ്ധീകരിച്ച കവിത സ്വാതന്ത്ര്യത്തിനും അടിച്ചമര്‍ത്തലിനും വെളിച്ചത്തിനും പ്രതീക്ഷയ്ക്കുമിടയിലുള്ള വൈപരീത്യത്തിന്റെ പ്രകടനമാണ്. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Diasporas Daughter 🕊 (@diasporas_daughter)

അതേസമയം, ഇസ്‌റാഈലിന്റെ ആക്രമണങ്ങളും ഇറാന്റെ പ്രത്യാക്രമണങ്ങളും തുടര്‍ന്നതോടെ മേഖലയില്‍ രക്തരൂഷിതവും നശീകരണവുമായ മണിക്കൂറുകള്‍ ആണ് കഴിഞ്ഞുപോയത്. വെള്ളിയാഴ്ച പുലര്‍ച്ചെ പ്രകോപനമില്ലാതെ ഇറാന്റെ സേനികമേധാവികളെയും ആണവശാസ്ത്രജ്ഞന്‍മാരെയും ഇസ്‌റാഈല്‍ തെരഞ്ഞുപിടിച്ച് കൊലപ്പെടുത്തിയതിന് പ്രതികാരമായി ഇറാന്‍ കനത്ത പ്രത്യാക്രമണമാണ് നടത്തിക്കൊണ്ടിരുന്നത്. ബാലിസ്റ്റിക് മിസൈല്‍ ഉള്‍പ്പെടെ പ്രയോഗിച്ചാണ് ഇറാന്‍ നേരിട്ടത്. വെള്ളിയാഴ്ച അര്‍ധരാത്രിയും ശനിയാഴ്ച പുലര്‍ച്ചെയും രാത്രിയുമാമായി നിരവധി ആക്രമണങ്ങളാണ് ഇറാന്‍ നടത്തിയത്. ഇതോടൊപ്പം ഇസ്‌റാഈലും ഇറാന്റെ ജനവാസകേന്ദ്രങ്ങള്‍ ലക്ഷ്യംവച്ച് മിസൈല്‍ വര്‍ഷിച്ചതോടെ, ഇരുഭാഗത്തും കനത്ത നാശനഷ്ടമുണ്ടായി.

24 മണിക്കൂറിനിടെ ഇറാന്റെ രണ്ട് ഉന്നത ജനറല്‍മാര്‍ കൂടി കൊല്ലപ്പെട്ടു. ജനറല്‍ ഗുലാം രിസ മെഹ്‌റബിയും ജനറല്‍ മെഹ്ദി റബ്ബാനിയും കൊല്ലപ്പെട്ടതായി ഇറാന്‍ സ്ഥിരീകരിച്ചു. ഇരുവരും ഉള്‍പ്പെടെ സാധാരണക്കാരും സ്ത്രീകളും ഇസ്‌റാഈല്‍ ആക്രമണത്തില്‍ കൊല്ലപ്പെട്ടിട്ടുണ്ട്. ഇസ്‌റാഈല്‍ ഭാഗത്ത് പത്തോളം പേര്‍ കൊല്ലപ്പെട്ടു. നൂറിലധികം പേര്‍ക്ക് പരുക്കുണ്ട്. ഇതില്‍ ഒരുഡസനോളം പേരുടെ പരുക്ക് ഗുരുതരമാണ്. ഇസ്‌റാഈലികള്‍ ബങ്കറുകളില്‍ ഒളിച്ചതിനാലാണ് സയണിസ്റ്റ് പക്ഷത്ത് ആളപായം കുറയാനിടയായത്. ഇസ്‌റാഈല്‍ ഭാഗത്തെ ആള്‍നാശം സംബന്ധിച്ച വിശദാംശങ്ങള്‍ പുറത്തുവന്നിട്ടില്ല. ഇന്ന് പുലര്‍ച്ചെ ടെല്‍ അവീവില്‍ ഇറാന്റെ മിസൈലുകളിലൊന്ന് പതിച്ചത് വന്‍ നാശനഷ്ടത്തിനിടയാക്കിയതായാണ് റിപ്പോര്‍ട്ട്.

Iranian literary community is mourning the tragic loss of Parniya Abbasi, a talented young poet, who was killed alongside her family—including her teenage brother—during recent Israeli airstrikes on Tehran. The attack, which occurred just days before Abbasi’s 24th birthday, has deeply shaken writers, artists, and citizens across Iran.