റിയാദ്: 2025-ലെ ഇ-സ്‌പോർട്‌സ് ലോകകപ്പിന്റെ ആഗോള അംബാസഡറായി ലോക പ്രശസ്ത ഫുട്ബോൾ താരവും അൽ നസർ ക്ലബ് ക്യാപ്റ്റനുമായ ക്രിസ്റ്റ്യാനോ റൊണാൾഡോയെ തെരഞ്ഞെടുത്തതായി ഇ-സ്‌പോർട്‌സ് വേൾഡ് കപ്പ് ഫൗണ്ടേഷൻ പ്രഖ്യാപിച്ചു. ജൂലൈ 7 മുതൽ ആഗസ്റ്റ് 24 വരെ സഊദി അറേബ്യയുടെ തലസ്ഥാനമായ റിയാദിൽ വെച്ചാണ് ഈ ടൂർണമെന്റ് നടക്കുക.

‘മുകളിലേക്ക് ഉയരുക’ എന്ന ശീർഷകത്തിൽ നടക്കുന്ന ഈ ടൂർണമെന്റ്, ഇ-സ്‌പോർട്‌സ് ചരിത്രത്തിലെ ഏറ്റവും വലിയ മത്സരമായിരിക്കുമെന്ന് ഫൗണ്ടേഷൻ അവകാശപ്പെട്ടു. റൊണാൾഡോയുടെ പങ്കാളിത്തം ടൂർണമെന്റിന് വൻ ഉത്തേജനം നൽകുമെന്ന് ഫൗണ്ടേഷൻ സി.ഇ.ഒ. റാൽഫ് റീച്ചെർട്ട് പറഞ്ഞു. ഔദ്യോഗിക അംബാസഡർ എന്ന നിലയിൽ, റൊണാൾഡോ ആഗോള മാധ്യമ പ്രചാരണങ്ങൾക്ക് നേതൃത്വം നൽകുകയും റിയാദിലെ ബൊളിവാർഡ് സിറ്റിയിൽ നടക്കുന്ന വിവിധ പരിപാടികളിൽ പങ്കെടുക്കുകയും ചെയ്യും.

25 പ്രധാന ടൂർണമെന്റുകളിൽ ഒന്നായ ഫാറ്റൽ ഫ്യൂറി: സിറ്റി ഓഫ് ദി വോൾവ്സ് എന്ന ഗെയിമിൽ റൊണാൾഡോ ഒരു വെർച്വൽ കഥാപാത്രമായി പ്രത്യക്ഷപ്പെടും. “റൊണാൾഡോ പ്രൊഫഷണൽ മനോഭാവവും മത്സര മനോഭാവവും ഉൾക്കൊള്ളുന്നു. അദ്ദേഹത്തിന്റെ സാന്നിധ്യം പരമ്പരാഗത കായിക വിനോദങ്ങളെയും ഇ-സ്‌പോർട്‌സിനെയും ബന്ധിപ്പിക്കുകയും ലോകമെമ്പാടുമുള്ള പുതിയ തലമുറ ഗെയിമർമാർക്ക് പ്രചോദനമാകുകയും ചെയ്യും,” റീച്ചെർട്ട് കൂട്ടിച്ചേർത്തു.

Football icon and Al-Nassr captain Cristiano Ronaldo has been named the global ambassador for the 2025 E-Sports World Cup, set to take place in Riyadh from July 7 to August 24. The E-Sports World Cup Foundation stated that Ronaldo’s involvement will elevate the tournament, featuring 25 major events, including a virtual appearance in Fatal Fury: City of the Wolves. He will lead global promotions and participate in Riyadh’s Boulevard City events.