ദുബൈ: ജിസിസി ഏകീകൃത ടൂറിസ്റ്റ് വിസയ്ക്ക് അംഗീകാരം ലഭിച്ചതായും ഉടന്‍ നടപ്പാക്കുമെന്നും യുഎഇ സാമ്പത്തിക മന്ത്രി അബ്ദുല്ല ബിന്‍ തൗഖ് അല്‍ മാരി.  

'ജിസിസി ടൂറിസ്റ്റ് വിസയ്ക്ക് അംഗീകാരം ലഭിച്ചു, ഉടന്‍ നടപ്പാക്കും. ജിസിസി ടൂറിസ്റ്റ് വിസയുമായി ബന്ധപ്പെട്ട കാര്യങ്ങള്‍ നിലവില്‍ ആഭ്യന്തര മന്ത്രാലയത്തിന്റെയും ബന്ധപ്പെട്ട മറ്റ് അധികാരികളുടെയും പരിശോധനയിലാണ്,' യുഎഇ ഹോസ്പിറ്റാലിറ്റി സമ്മര്‍ ക്യാമ്പ് പത്രസമ്മേളനത്തിനിടെ ഖലീജ് ടൈംസിന് നല്‍കിയ അഭിമുഖത്തില്‍ അല്‍ മാരി പറഞ്ഞു.  

ALSO READ: ഇസ്റാഈൽ-ഇറാൻ വ്യോമാതിർത്തി അടച്ച സാഹചര്യം; നിരവധി സർവിസുകൾ റദ്ദാക്കി പ്രമുഖ വിമാനക്കമ്പനികൾ

കഴിഞ്ഞ കുറേ വര്‍ഷങ്ങളായി ഗള്‍ഫ് സഹകരണ കൗണ്‍സില്‍ (ജിസിസി) രാജ്യങ്ങള്‍, ഷെങ്കന്‍ വിസയ്ക്ക് സമാനമായ ഒരു ഏകീകൃത ടൂറിസ്റ്റ് വിസ (ജിസിസി ഗ്രാന്‍ഡ് ടൂര്‍സ് വിസ) പുറത്തിറക്കുന്നതിനെക്കുറിച്ച് ചര്‍ച്ച നടത്തിവരികയാണ്.  

ഈ വിസ എടുക്കുന്നതിലൂടെ വിനോദസഞ്ചാരികള്‍ക്ക് യുഎഇ, സഊദി അറേബ്യ, ബഹ്‌റൈന്‍, ഖത്തര്‍, ഒമാന്‍, കുവൈത്ത് എന്നീ ആറ് ജിസിസി രാജ്യങ്ങള്‍ സന്ദര്‍ശിക്കാന്‍ കഴിയും.  

ഏകീകൃത വിസ പ്രാദേശിക ടൂറിസം വ്യവസായത്തിനും മൊത്തത്തിലുള്ള സമ്പദ്‌വ്യവസ്ഥയ്ക്കും വലിയ മാറ്റം വരുത്തുമെന്ന് വ്യവസായ വിദഗ്ധര്‍ വിശ്വസിക്കുന്നു. ഇത് തൊഴിലവസരങ്ങള്‍ സൃഷ്ടിക്കുകയും ജിഡിപിയില്‍ ഗണ്യമായ വര്‍ധനവിന് കാരണമാകുകയും ചെയ്യും.  

പുതിയ വിസ സംവിധാനം ബിസിനസ്-വിനോദ യാത്രകള്‍ പ്രോത്സാഹിപ്പിക്കുമെന്നും, സന്ദര്‍ശകര്‍ അയല്‍ രാജ്യങ്ങള്‍ പര്യവേക്ഷണം ചെയ്യാന്‍ കൂടുതല്‍ യാത്രകള്‍ ആസൂത്രണം ചെയ്യുമെന്നും വിദഗ്ധര്‍ പ്രതീക്ഷിക്കുന്നു.  

ജിസിസി സ്റ്റാറ്റിസ്റ്റിക്കല്‍ സെന്റര്‍ പ്രകാരം, 2023ല്‍ ജിസിസി മേഖല സന്ദര്‍ശിച്ചത് 68.1 ദശലക്ഷം വിനോദസഞ്ചാരികളാണ്. ടൂറിസം മേഖലയില്‍ നിന്ന് ഇക്കാലയളവില്‍ 110.4 ബില്യണ്‍ ഡോളര്‍ വരുമാനമാണ് നേടാനായത്.

ALSO READ: യുഎഇയിലെ രണ്ട് എമിറേറ്റുകളിൽ സംസം വെള്ളം വിൽക്കുന്ന കടകൾക്ക് വിലക്ക്

വേള്‍ഡ് ട്രാവല്‍ ആന്‍ഡ് ടൂറിസം കൗണ്‍സില്‍ (WTTC) അനുസരിച്ച്, യുഎഇയില്‍ യാത്രടൂറിസം മേഖല 2024ല്‍ 833,000 തൊഴിലുകള്‍ സൃഷ്ടിച്ചു. 2030ഓടെ ഇത് 10 ലക്ഷമായി ഉയരുമെന്നും, 2034ഓടെ WTTCയുടെ 928,000 എന്ന കണക്കിനെ മറികടക്കുമെന്നും കണക്കാക്കപ്പെടുന്നു.  

ദുബൈ സാമ്പത്തിക, ടൂറിസം വകുപ്പിന്റെ കണക്കുകള്‍ പ്രകാരം, 2025ലെ ആദ്യ നാല് മാസങ്ങളില്‍ 7.15 ദശലക്ഷം വിനോദസഞ്ചാരികളാണ് ദുബൈയില്‍ എത്തിയത്. കഴിഞ്ഞ വര്‍ഷത്തെ ഇക്കാലയളവില്‍ രാജ്യം സന്ദര്‍ശിച്ചവരെ അപേക്ഷിച്ച് 7% വളര്‍ച്ചയാണ് ഇത്തവണ കൈവരിച്ചത്.

The UAE’s Economic Affairs Minister has confirmed the imminent approval of GCC tourist visas, enabling hassle-free travel for GCC nationals and boosting regional tourism and economic integration across the Gulf.