ദമ്മാം: സഊദി അറോബ്യയുടെ കിഴക്കന്‍ പ്രവിശ്യയിലെ മലയാളി സാംസ്‌കാരിക വേദികളിലെ സജീവസാന്നിധ്യമായിരുന്ന ഗായകന്‍ കൂടിയായ ഷമ്മി ഭൂഷണ്‍ (49) നിര്യാതനായി. തിരുവനന്തപുരം വക്കം സ്വദേശി കൊച്ചുവറുവിളാകം ഗോമതി ഭവനില്‍ പരേതനായ ബാബു ശശി ഭൂഷണിന്റെ മകനാണ്. അല്‍ദ്രീസ് പെട്രോളിയം ആന്‍ഡ് ട്രാന്‍സ്‌പോര്‍ട്ടേഷന്‍ കമ്പനി ജീവനക്കാരനായിരുന്നു. ശാരീരിക അസ്വസ്ഥതകളെ തുടര്‍ന്ന് സമീപത്തെ ക്ലിനിക്കില്‍ ചികിത്സ തേടുകയും രണ്ട് ദിവസമായി ജോലിക്ക് പോകാതെ മുറിയില്‍ വിശ്രമിക്കുകയുമായിരുന്നു.

ALSO READ: മലയാളി ഹജ്ജ് തീര്‍ഥാടക മക്കയില്‍ മരിച്ചു; മയ്യിത്ത് മക്കയില്‍ തന്നെ മറവുചെയ്തു

വ്യാഴാഴ്ചയാണ് രോഗം മൂര്‍ച്ഛിച്ചത്. ഡ്യൂട്ടി കഴിഞ്ഞ് താമസസ്ഥലത്ത് തിരിച്ചെത്തിയ സഹപ്രവര്‍ത്തകര്‍ ഷമ്മിയെ അവശനിലയില്‍ കാണുകയും ഉടന്‍ റെഡ് ക്രസന്റ് ആംബുലന്‍സില്‍ ദമ്മാം സെക്യൂരിറ്റി ഫോഴ്‌സ് ആശുപത്രിയിലെത്തിക്കുകയുമായിരുന്നു. വെള്ളിയാഴ്ച രാവിലെ മരിച്ചു. മോര്‍ച്ചറിയില്‍ സൂക്ഷിച്ചിരിക്കുന്ന മൃതദേഹം നാട്ടിലെത്തിച്ച് സംസ്‌കരിക്കും. ഇതിനുള്ള നടപടിക്രമങ്ങള്‍ കമ്പനി അധികാരികള്‍ പൂര്‍ത്തീകരിക്കിവരികയാണ്.

ALSO READ: റിയാദില്‍ താമസസ്ഥലത്ത് എസി പൊട്ടിത്തെറിച്ച് യുവാവ് മരിച്ചു

Shammi Bhushan, an active presence in Dammam's cultural venues, passes away