റിയാദ്: സഊദി അറേബ്യയിലെ താമസസ്ഥലത്ത് എസി പൊട്ടിത്തെറിച്ചു ഗുരുതരമായി പരിക്കേറ്റ് ചികിത്സയിലിരുന്ന തൊടുപുഴ രണ്ടുപാലം സ്വദേശി സിയാദ്(36)  മരിച്ചു. റിയാദ് എക്‌സിറ്റ് എട്ടില്‍ ഹൗസ് ഡ്രൈവറായി ജോലി ചെയ്യുകയായിരുന്നു സിയാദ്. വെള്ളിയാഴ്ച ഉച്ചക്ക് ജുമുഅ കഴിഞ്ഞ് റൂമില്‍ വിശ്രമിക്കുമ്പോഴാണ് സംഭവം നടന്നത്. എസിയുടെ കംപ്രസര്‍ പൊട്ടിത്തെറിച്ചായിരുന്നു അപകടമുണ്ടായത്. ഗുരുതരമായി പൊള്ളലേറ്റ സിയാദിനെ ഉടന്‍ എക്‌സിറ്റ് ഒമ്പതിലെ അല്‍ മുവാസത്ത് ആശുപത്രിയിലെ തീവ്രപരിചരണ വിഭാഗത്തില്‍ പ്രവേശിപ്പിച്ചെങ്കിലും ഇന്നലെ ഉച്ചയോടെ മരണം സംഭവിച്ചതായി സുഹൃത്തുക്കള്‍ അറിയിച്ചു. ആശുപത്രി മോര്‍ച്ചറിയിലുള്ള മയ്യിത്ത് ഇന്ന് ഉച്ചക്ക് ശേഷം റിയാദിലെ നസീം ഹയ്യൂല്‍ സലാം മഖ്ബറയില്‍ മറവു ചെയ്യും.

ALSO READ: ദമ്മാമിലെ സാംസ്‌കാരിക വേദികളില്‍ സജീവസാന്നിധ്യം ഷമ്മി ഭൂഷണ്‍ നിര്യാതനായി

സിയാദ് ഏഴുവര്‍ഷമായി സഊദി സ്വദേശിയുടെ വീട്ടില്‍ ഹൗസ് ഡ്രൈവറാണ്. എറണാകുളം പറവൂര്‍ മാഞ്ഞാലിയില്‍ കണിയാംപറമ്പില്‍ ബഷീറിന്റെ മകനാണ്. മാതാവ്: ഉമ്മു ഖുല്‍സു.ഏക സഹോദരി: സുമയ്യ. ഭാര്യയും മകളുമുണ്ട്.

ALSO READ: മലയാളി ഹജ്ജ് തീര്‍ഥാടക മക്കയില്‍ മരിച്ചു; മയ്യിത്ത് മക്കയില്‍ തന്നെ മറവുചെയ്തു