തിരുവനന്തപുരം: സംസ്ഥാനത്ത് അതിശക്തമായ മഴ തുടരുന്നതിനിടെ, മഴക്കെടുതിയിൽ മൂന്ന് മരണം കൂടി റിപ്പോർട്ട് ചെയ്തു. കോഴിക്കോട് ആണ് രണ്ട് മരണം റിപ്പോർട്ട് ചെയ്തത്. അന്നശ്ശേരി സ്വദേശി നക്ഷത്ര എന്ന മൂന്നര വയസുകാരി, അത്തോളി സ്വദേശി നിഷാന്ത് എന്നിവരാണ് കോഴിക്കോട് മരിച്ചത്. കാസർഗോഡ് - 63 കാരി ഭവാനി എന്ന വീട്ടമ്മയും മഴക്കെടുതി മൂലം മരിച്ചു.  

കളിക്കുന്നതിനിടെ വീടിനടുത്തുള്ള തോട്ടിൽ വീണാണ് മൂന്നര വയസുകാരി നക്ഷത്ര മരിച്ചത്. അന്നശ്ശേരി കൊളങ്ങരത്ത് താഴം നിഖിലിന്റെ മകൾ ആണ്. ആശുപത്രിയിൽ എത്തിക്കുമ്പോഴേക്കും മരിച്ചിരുന്നു. കാസർകോട് മധൂർ കേളുഗുഡെയിലെ വീട്ടമായാണ് മരിച്ച 63 കാരി ഭവാനി. തോട്ടിൽ വീണാണ് ഇവരും മരിച്ചത്.

അതേസമയം, കൊട്ടിയൂർ ബാവലി പുഴയുടെ ഭാഗമായ അണുങ്ങോട് പുഴയിൽ നിന്ന് കഴിഞ്ഞ ദിവസം കാണാതായ രണ്ടു പേരിൽ ഒരാളുടെ മൃതദേഹമാണ്  ഇന്ന് കണ്ടെത്തിയത്. കോഴിക്കോട് അത്തോളി സ്വദേശി നിഷാന്തിന്റെ മൃതദേഹമാണ് കണ്ടെത്തിയത്. കുടുംബത്തോടൊപ്പം കൊട്ടിയൂരിൽ എത്തിയ തീത്ഥാടകരായിന്നു ഇവർ. ശനിയാഴ്ച പുലർച്ചെ കുളിക്കാൻ ഇറങ്ങിയപ്പോൾ അപകടത്തിൽപ്പെടുകയായിരുന്നു. 

മഴ മുന്നറിയിപ്പ് 

സംസ്ഥാനത്ത് ഇന്നും അതിശക്തമായ മഴ തുടരുമെന്ന് കേന്ദ്ര കാലാവസ്ഥ വകുപ്പ്. കേരളത്തിൽ ഇന്നും അതിശക്തമായ മഴ തുടരും എന്ന് മുന്നറിയിപ്പ്. അതേസമയം, ഇന്ന് ഒരു ജില്ലകളിലും കേന്ദ്ര കാലാവസ്ഥ വകുപ്പ് റെഡ് അലർട്ട് പ്രഖ്യാപിച്ചിട്ടില്ല. ആറ് ജില്ലകളിൽ ഓറഞ്ച് അലർട്ട് ആണ്.  തിരുവനന്തപുരം, കൊല്ലം പത്തനംതിട്ട, ഇടുക്കി, കണ്ണൂർ, കാസർകോട് ജില്ലകളിലാണ് അതിശക്തമായ മഴ കണക്കിലെടുത്ത് കാലാവസ്ഥ വകുപ്പ് ഓറഞ്ച് അലർട്ട് പ്രഖ്യാപിച്ചിട്ടുള്ളത്. 

ജില്ലകളിൽ ഒറ്റപ്പെട്ടയിടങ്ങളിൽ ഇടത്തരം മഴയ്ക്കും മണിക്കൂറിൽ 50 കിലോമീറ്റർ വരെ വേഗതയിൽ ശക്തമായ കാറ്റിനും; മറ്റെല്ലാ ജില്ലകളിലും ഒറ്റപ്പെട്ടയിടങ്ങളിൽ ഇടത്തരം മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു. 

തുടർച്ചയായി മഴ ലഭിച്ചതിനാൽ തന്നെ കാലവർഷത്തിലെ മഴക്കുറവ് 9 ശതമാനമായി കുറഞ്ഞിട്ടുണ്ട്. ഈ കലയളവിൽ 320.3 mm മഴയാണ് ലഭിക്കേണ്ടത് എന്നാൽ 290 mm മഴച്ചു. വരും ദിവസങ്ങളിലും മഴ തുടരുന്നതിനാൽ ഈ മഴക്കുറവ് പരിഹരിക്കപ്പെടുമെന്നും കാലാവസ്ഥ വിദഗ്ധർ വ്യക്തമാക്കുന്നു.

മധ്യ വടക്കൻ ജില്ലകളിലാണ് മഴ കൂടുതൽ ശക്തി പ്രാപിക്കുന്നത്. നദികളിൽ ജലനിരപ്പ് ഉയരുന്നതിനാൽ ജാഗ്രത പാലിക്കണമെന്നും മുന്നറിയിപ്പുണ്ട്. പ്രളയ സാധ്യതാ മുന്നറിയിപ്പും പുറപ്പെടുവിച്ചിട്ടുണ്ട്. 

പ്രളയ സാധ്യത മുന്നറിയിപ്പ് 

അപകടകരമായ രീതിയിൽ ജലനിരപ്പുയരുന്നതിനെ തുടർന്ന് സംസ്ഥാന ജലസേചന വകുപ്പും (IDRB), കേന്ദ്ര ജല കമ്മീഷനും (CWC) താഴെ പറയുന്ന നദികളിൽ ഓറഞ്ച്, മഞ്ഞ അലർട്ടുകൾ പ്രഖ്യാപിച്ചിരിയ്ക്കുന്നു. ഈ നദികളുടെ തീരത്തുള്ളവർ ജാഗ്രത പാലിക്കുക

 
ഓറഞ്ച് അലർട്ട്

കാസറഗോഡ് : ഉപ്പള (ഉപ്പള സ്റ്റേഷൻ), നീലേശ്വരം (ചായ്യോം റിവർ സ്റ്റേഷൻ), മൊഗ്രാൽ (മധുർ സ്റ്റേഷൻ)
കോഴിക്കോട് : കോരപ്പുഴ (കുന്നമംഗലം സ്റ്റേഷൻ)
പത്തനംതിട്ട :  മണിമല (തോണ്ടറ സ്റ്റേഷൻ) 

മഞ്ഞ അലർട്ട്

തിരുവനന്തപുരം : കരമന (വെള്ളൈകടവ് സ്റ്റേഷൻ-CWC)
കൊല്ലം : പള്ളിക്കൽ (ആനയടി സ്റ്റേഷൻ)
പത്തനംതിട്ട : അച്ചൻകോവിൽ (കല്ലേലി & കോന്നി GD സ്റ്റേഷൻ), മണിമല (കല്ലൂപ്പാറ സ്റ്റേഷൻ-CWC)
തൃശൂർ : കരുവന്നൂർ  (കുറുമാലി & കരുവന്നൂർ സ്റ്റേഷൻ), കീച്ചേരി (ആലൂർ സ്റ്റേഷൻ -CWC)
പാലക്കാട് : ഭവാനി (കോട്ടത്തറ സ്റ്റേഷൻ CWC) 
കോഴിക്കോട് : കോരപ്പുഴ (കൊള്ളിക്കൽ സ്റ്റേഷൻ)
കണ്ണൂർ : പെരുമ്പ (കൈതപ്രം റിവർ സ്റ്റേഷൻ), കവ്വായി (വെല്ലൂർ റിവർ സ്റ്റേഷൻ)
കാസറഗോഡ് : കാര്യങ്കോട് (ഭീമനടി സ്റ്റേഷൻ)

യാതൊരു കാരണവശാലും നദികളിൽ ഇറങ്ങാനോ നദി മുറിച്ചു കടക്കാനോ പാടില്ല. തീരത്തോട് ചേർന്ന് താമസിക്കുന്നവർ ജാഗ്രത പാലിക്കേണ്ടതാണ്.  അധികൃതരുടെ നിർദേശാനുസരണം പ്രളയ സാധ്യതയുള്ളയിടങ്ങളിൽ നിന്ന് മാറി താമസിക്കാൻ തയ്യാറാവണം.   

As heavy rains continue to lash the state, three more rain-related deaths have been reported. Two of the fatalities occurred in Kozhikode — a 3.5-year-old girl named Nakshatra from Annassery and a man named Nishanth from Atholi. In Kasaragod, a 63-year-old woman named Bhavani also lost her life due to the severe weather conditions.

With rains expected to continue, authorities have urged the public to remain cautious, especially in areas prone to flooding and landslides. Relief and rescue operations are ongoing in affected regions.