ന്യൂഡൽഹി: ഇറാൻ - ഇസ്രയേൽ പോരാട്ടം ശക്തമായതോടെ ഇന്ത്യൻ വിദ്യാർഥികളെ ഇരു രാജ്യങ്ങളിൽ നിന്നും ഒഴിപ്പിക്കാനുള്ള നീക്കങ്ങൾ ശക്തമാക്കി. സംഘർഷം നാലാം ദിവസത്തേക്ക് കടന്നതോടെ ഭീതിയിലാണ് ഇന്ത്യൻ വിദ്യാർഥികൾ. ഒഴിപ്പിക്കലിന്റെ ആദ്യഘട്ടമെന്ന നിലയിൽ ഇറാനിൽ നിന്ന് നൂറുപേരടങ്ങുന്ന ഇന്ത്യൻ സംഘം അതിർത്തി വഴി അർമേനിയയിലേക്ക് എത്തിയിട്ടുണ്ട്. ഇറാൻ വ്യോമാതിർത്തി അടച്ചിട്ടിരിക്കുന്നതിനാൽ കരമാർഗ്ഗം മാത്രമേ വിദ്യാർഥികളെ ഉൾപ്പെടെയുള്ളവരെ ഒഴിപ്പിക്കാൻ കഴിയൂ. വിദ്യാർഥികളെ ഉൾപ്പെടെയുള്ളവരെ ഒഴിപ്പിക്കുന്നതിന് ഇറാൻ പിന്തുണ നൽകുന്നുണ്ട്. ഇന്ത്യൻ വിദേശകാര്യമന്ത്രി എസ് ജയ്ശങ്കർ ഇറാൻ, ഇസ്രയേൽ വിദേശകാര്യമന്ത്രിയുമായി ബന്ധപ്പെട്ടിരുന്നു.

ആദ്യഘട്ടത്തില്‍ ഇന്ത്യന്‍ വിദ്യാര്‍ഥികളുടെ സുരക്ഷ ഉറപ്പാക്കാനായി അവരെ ഇറാനില്‍ തന്നെയുളള സുരക്ഷിത കേന്ദ്രങ്ങളിലേക്ക് മാറ്റിപ്പാര്‍പ്പിക്കുകയാണ്. തെഹ്‌റാനില്‍ നിന്ന് 600 ഇന്ത്യന്‍ വിദ്യാര്‍ത്ഥികളെ ഖോമിലേക്ക് മാറ്റിയിട്ടുണ്ട്. അർമേനിയയിലെത്തിയ അവിടെ നിന്ന് വിമാന മാർഗം വഴി ഇന്ത്യയിൽ എത്തിക്കും. ഇറാനിലുള്ള വിദ്യാർഥികൾക്ക് കരമാർഗത്തിലൂടെ അസർബൈജാൻ, അഫ്ഗാനിസ്ഥാൻ, തുർക്ക്‌മെനിസ്ഥാൻ എന്നിവിടങ്ങളിലേക്ക് കടക്കാമെന്ന് ഇറാൻ അറിയിച്ചിട്ടുണ്ട്. വിദ്യാർഥികളുടെ ഒഴിപ്പിക്കലിൽ സർവകലാശാലകളുടെ പിന്തുണയും ഇന്ത്യ തേടിയിട്ടുണ്ട്. 

ALSO READ: 'തകര്‍ത്തു തരിപ്പണമാക്കും' ഇസ്‌റാഈലിന് ഇറാന്റെ മുന്നറിയിപ്പ്; തെല്‍ അവീവിലും ഹൈഫയിലും വീണ്ടും മിസൈലുകള്‍, നഗരങ്ങളിലെങ്ങും അപായ സൈറണ്‍

ഇറാനില്‍ മാത്രം പതിനായിരത്തോളം ഇന്ത്യക്കാരുണ്ടെന്നും അവരില്‍ ആറായിരം പേര്‍ വിദ്യാര്‍ത്ഥികളാണ് എന്നുമാണ് വിവരം. വിദ്യാർഥികൾ താമസിക്കുന്നതിന് സമീപത്ത് ഉൾപ്പെടെ ആക്രമണം നടക്കുന്നുണ്ട്. കഴിഞ്ഞദിവസം ഇറാന്റെ തലസ്ഥാനമായ ടെഹ്റാനിലുണ്ടായ ആക്രമണത്തിൽ രണ്ട് ഇന്ത്യൻ വിദ്യാർത്ഥികൾക്ക് പരുക്കേറ്റിരുന്നു. ഇസ്‌റാഈലിൽ കഴിയുന്ന വിദ്യാർഥികളുടെ അവസ്ഥയും ഭീതിയിലാണ്. 

അതേസമയം, ഇറാനിലെ എല്ലാ ഇന്ത്യൻ പൗരന്മാരോടും ഇന്ത്യൻ വംശജരോടും വീടിനുള്ളിൽ തന്നെ തുടരാനും ഔദ്യോഗിക ചാനലുകൾ വഴിയുള്ള നിർദേശങ്ങൾ പിന്തുടരാനുമാണ് ഇന്ത്യൻ എംബസി മുന്നറിയിപ്പ് നൽകിയിരിക്കുന്നത്. അടിയന്തര ഹെൽപ് ലൈൻ നമ്പരുകളും ടെലിഗ്രാം ലിങ്കും നൽകിയിട്ടുണ്ട്. 

As the Iran-Israel conflict intensifies, efforts to evacuate Indian students from both countries have been stepped up. With the clashes now entering the fourth day, Indian students are living in fear. In the first phase of the evacuation, a group of 100 Indians has reached Armenia via the border from Iran. Since Iranian airspace remains closed, evacuation is only possible through land routes. Iran has extended its cooperation to facilitate the safe evacuation of students and other Indian nationals.