കോഴിക്കോട് :2026 ഫെബ്രുവരി 4 മുതൽ 8 വരെ കാസർഗോഡ് കുണിയ വരക്കൽ മുല്ലക്കോയ തങ്ങൾ നഗറിൽ നടക്കുന്ന സമസ്ത നൂറാം വാർഷിക മഹാ സമ്മേളനത്തിന്റെ സ്വാഗത സംഘം യോഗം നാളെ (18-06-2025) രാവിലെ 11 മണിക്ക് കോഴിക്കോട് സമസ്ത ഓഡിറ്റോറിയത്തിൽ നടക്കും. സമ്മേളന വിജയത്തിന് വേണ്ടി രൂപീകരിച്ച 15 സബ് കമ്മിറ്റി കളുടെയും പ്രവർത്തന റിപ്പോർട്ട് യോഗത്തിൽ അവതരിപ്പിക്കും. സമസ്ത കേരള ജംഇയ്യത്തുൽ ഉലമ പ്രസിഡന്റ്‌ സയ്യിദ് മുഹമ്മദ്‌ ജിഫ്രി മുത്തുക്കോയ തങ്ങൾ ഉദ്ഘാടനം ചെയ്യും.